我終於找到超正的腰包 收納量高又輕又貼身 @ URBAN TOOL 無敵!!

認識我的朋友一定知道我要求多多, 奄占又挑剔, 所以要找到合心水的東西, 一定要經我左想右揀, 很難買得心頭好...我一直都想買一個腰包, 就是找來找去, 也覺得街上的款式老套, 質料又太傳統, 為何市面上沒有又輕, 又軟, 又可以盛載多樣隨身物品出街的腰包, 經長期作戰, 開始有少少死心了.

話說有一天, 經過尖沙咀LCX一間名為URBAN TOOL的店舖, 深深被他們的袋款所吸引, 他們的袋質料極度柔軟, 我很愛這種尼龍的用料, 不過, 因為趕時間, 沒有停下來選購, 到上星期, 當我在奧海城2期又見到這品牌的分店時, 店員主動上前對我說:「URBAN TOOL 是一個奧地利品牌, 用嘅Polyamaide布料好吸水架, 而且我們袋的設計彈性極高, 你可以試一試...」

我即時試試將我的叉電器, 傻瓜DC「塞」進袋內, 嘩!! 這款袋的伸縮性實在驚人, 外觀上看, 間隔明明較iPhone還細4份1, 但竟然可以完完全全的將我的叉電器, 傻瓜DC及電話各「塞」進三個間格內, 勁!!

這個腰包可以將間隔內的物件, 100%完全收納起來, 感覺極安全, 腰包的內側還有一個拉鏈暗袋, 剛剛好可以放入的的銀包. 腰包下有一條附加索可以緊扣大腿, 主要用作防盜. 不過, 個人覺得若果不把防盜索扣上, 「嘟」八達通就會方便一點, 但就要小心留意扒手的出現.

袋側有一個掛鑰匙的彈性繩索, 附回彈力, 開門時拉出鑰匙, 將門開啟後, 輕輕一放手, 鑰匙又會被拉回暗隔內, 絶對靈活. 我買了hipHolster 款的腰包, 雖然細細個, 但竟然可以放多件物件, 當然, 我用的Note3太大部, 除了內側拉鏈暗袋外, 袋外的間隔則未能放置, 這是唯一的不足.

我用了三天, 覺得這個腰包設計非常一流, 店員表示這款質料還可以放入洗衣機清洗, 所以無懼污衊,可盡情使用. 我決定遲些會多買一個camBag或reporterBag背包, 我真的十分愛這袋的用料及驚人的收納容量, 正!!正!!正!!

揀聖誕禮物 又有得食又靚又夠氣氛@Marks & Spencer 馬莎

又到聖誕,又到聖誕,不足17日就到聖誕節, 全年之中我覺得最開心的節日, 以前細過就收禮物最開心, 現在人大了, 送禮物給小朋友們, 在揀的過程之中一樣興奮. 送小朋友禮物最好就是有得玩又有得食, 所以, 今晚走到Marks&Spencer揀聖誕禮物.

Marks & Spencer有一個好處, 就是食物包裝得非常可愛, 例如有最實用的豬仔錢罌軟糖, 還有三種顏色; 一系列聖誕老人的軟糖, 啫喱糖及吊飾糖, 還有扮聖誕老人白鬚的朱古力. 豬仔錢罌最好用來儲錢, 一年後,到2014年聖誕節打開錢罌再用來買明年的聖誕禮物就最VERY GOOD吧!!

上星期有同事帶了一款聖誕樹朱古力回公司與我們分享, 三款味道而且都有軟心的, 最最最吸引我是閃閃閃的聖誕樹禮盒, 可惜之前我搶不到那棵閃閃生輝的聖誕樹回家, 今次在Marks & Spencer第一時間一定要帶樹回家呵!! 呵呵呵!!

原來Hello Kitty除了闖入旺角朗豪坊, 全港7-11之外, 一樣走入Marks & Spencer, 不同款式的Hello Kitty, 我揀選了一款日曆朱古力, 一日開一格, 不順次序的印刷, 內裡有不同形狀的小小朱古力, 小朋友一定喜歡, 阿囝看到第一時間搶來吃. 吓!? 我買來送給你的朋友仔作聖誕禮物的喎, 即是我遲些又要再多買一份補救....

今晚走入店內, 第一樣吸引我目光的其實是一盒印有蘇格蘭小黑狗的罐裝牛油餅, 而且還特價發售, 這個是買來給自已當作宵夜之用的, 回家一打開, 嘩!! 我最初還以為曲奇餅細細塊,細細塊, 原來, 罐的長度是多少, 就是牛油餅的直徑, 好大塊的曲奇, 但非常好味道, 阿囝看到我吃, 縱使他吃飽晚飯, 又飲畢夜奶, 但竟然也要求再吃牛油餅. 他一邊吃一邊說:「咁得意咁大塊, 好好食呀!!」

幸好還有2個多星期才是聖誕, 我還可以再去補辦禮物, 今晚買幾多也給家中甜品大胃王吃光, 下次買回來, 真的要收得密密實實, 偷運入屋才較安全一點吧!!

Tim Tam 永不落空抽獎遊戲 無得頂 @ 銅鑼灣世貿廣場

晚上經過銅鑼灣世貿廣場, 看到廣場外佈置成一個遊樂場的情景, 旁邊還擺放了三大包6呎高的大型Tim Tam朱古力, 工作人員友善的走過來說:「有冇時間過嚟排隊玩遊戲呢 ? 可能會抽中驚喜禮物或者Tim Tam朱古力架!!」 有遊戲玩, 又有朱古力食, 作為一個朱古力痴來說又怎會錯過呢 ?

一邊排隊, 工作人員一邊向我解釋:「我哋Tim Tam朱古力, 轉咗新包裝, 全部變晒間條款式, 你有冇聽過或者食過Tim Tam呢 ?」 哦!! 原來今次的宣傳活動是告訴我們朱古力變了新包裝, 我公司有同事是Tim Tam迷, 經常買來吃, 又經常請我們吃, 所以, 我才認識過及食過Tim Tam, 不過, 原來他請開我吃的都是舊包裝, 難怪我第一眼認不出新包裝的Tim Tam.

新包裝醒神得多, 舊版本沒有現時的活力, 而且轉成鮮艷顏色, 更加吸引人想吃. 在工作人員短短介紹兩三句後, 就到我玩遊戲, 情景上有兩幅牆, 每一幅牆也有大大細細的約十個窗口, 只要伸手往入面一抽, 就可以得到你抽出來的禮物, 我所揀的窗口只被抽剩一盒朱古力, 相反, 有朋友竟然抽到一個大大個西瓜咕臣, 連小朋友也抽到小擺設及新包裝朱古力.

今晚把朱古力帶回家, 阿囝一看到即時要求吃完才擦牙, 個人覺得吃Tim Tam好在中間一層是威化, 所以不致於全塊都是朱古力, 不太甜又不太腻, 給小朋友吃也不用太擔心, 吃完飲少少水都可以安心.

阿囝:「爸爸!! 朱古力真好食, 入面仲有餅添, 點解你有咁多嘅 ?」我說:「星期日我帶你再去銅鑼灣玩遊戲, 或者你都可以抽到好多朱古力架, 好唔好 ?」他不知多高興, 不停點頭. 工作人員說活動會一直至12月11日 (下周三), 好!!抽禮物我最鍾意, 睇下有冇時間再嚟抽多兩次.

7-11 Hello Kitty Hello Party 華麗慶典系列 燈飾城堡很難換!!

今天是7-Eleven 換購Hello Party 華麗慶典系列 的第一天, 而燈飾城堡也是早上8時就開始換購, 為免找不到城堡, 今天我8時就走到樓下街的7-11搶購.

我家的7-11已進行大裝修約1個月, 真的七國咁亂, 店員還在執拾時我走去問她:「唔該, 我想問吓係米有城堡換呢 ?」店員:「經理未返, 要等經理返嚟先可以換」因為趕返工, 於是唯有找家人稍後換購, 結果, 不足10分鐘後家人致電我說:「等到經理返嚟, 經理就話全部換晒喇喎」幸好, 屋企人代我到另一間7-11成功換了城堡回家.

晚上放工, 左想右想, 一個城堡只可以放上12隻公仔, 但今緝一套30隻, 是否要換兩個城堡才可放畢全部公仔呢 ? 於是放工回家途中, 我想多換一盒城堡, 不過家中附近每一間7-11, 在Display櫃上也貼上「經已售罄」四個大字, 空手而回的我, 真的有少少失望.

回家後, 帶同阿囝齊齊走到樓下的7-11 加$20元即時換購了三隻公仔, 唉!! 我的最愛大口仔, 阿囝的最愛青蛙一隻也換不到, 雖然法老王XO的造型也相當吸引, 不過, 我只鍾情大口仔呢!!

今次的城堡是全透明設計, 前方有一個用軟身膠製作而成的皇冠, 一個透明的Hello Kitty置於城堡正中心位置, 不過略嫌顏色太過清淡, 可能是要配合小LED發光的原故, 所以就一定被迫改成透明, 如果, 今次於上期ONE-PIECE的烈陽號作比較, 個人覺得上次的烈陽號比較吸引, 起碼真的有這個角色吧.

7-11 Sanrio Hello Kitty城堡系列又襲7-ELEVEN

7-Eleven 又換 Hello Kitty & Friends , 感覺好像剛剛才換完Hello Kitty的樣子, 於是翻查資料, 豈料原來對上一次己經是一年前的事, 一霎眼又一年, 時間會不會過得太快呢 ?

美其名Hello Kitty 40週年紀念, 老實說雖然年年都換一次, 但如果設計得美麗, 精緻又怎會沒有捧場客呢 ? 今次第一彈十二隻, 稱之為Hello Kitty & Friends Hello Party 華麗慶典系列, 第二彈為快樂童話系列, 再加上節日特別版, 總共一套30隻, 是不是很有印象呢 ? 對!! 沒有錯, 玩法與去年一模一樣, 由聖誕前一直玩到情人節後, 也是 Hello Party!

去年是HELLO KITTY甜品Cafe, 換購的是HIGH TEA SET, 今年換購的是「閃亮城堡」入電可以發光的, 效果好像很不錯, 雖然我不是每款, 但這個「閃亮城堡」好像不能夠企齊30隻公仔. 即是要最少換兩個城堡才可以成團 ?? 很有難度吧!!

今年加了新角色, 水怪, 企鵝及Patty&Jimmy, 點解等了兩年還未能我的最愛RURURU的蹤影呢 ? 如果你問我最想換那一款, 不用想答案一定是扮禮兵的一對大口仔及馬騮仔, 當然第二系列的羅賓漢大口仔也一樣吸引.

海港城的薑餅人世界 X 麥當勞McCafé薑餅人保溫杯

因為要陪阿囝去海港城反斗城, 所以發現了12層高迪士尼聖誕樹, 更加發現了薑餅人來襲.

在一個小小的情景上, 可以有一個薑餅人, 原來香港血癌基金在海港城舉行了一個「ZLISM X 外星聖誕狂想曲」展區, 放了一個巨型薑餅人沙發, 嘩!! 因為顏色鮮艷, 色彩豐富, 所以吸引了不少小朋友到場, 在咕臣上跳來跳去, 大家不知玩得多高興. 小朋友真的可以不停走不停跳, 一個跳就可以吸引多三個過來一起跳, 如是者不停有小朋友被吸引過來, 在巨型薑餅人周圍跳跳跳!!

經過多番唇舌, 終於用帶阿囝到麥當勞才可以吸引他離開現場, 稍作休息. 我們走入麥記, 發現McCafé又再推出新一年的「薑餅人」產品, 記得去年, 我想換一個「薑餅人暖手小袋」可惜, 太後知後覺, 結果失望而回, 今年, 換購的薑餅人保溫杯, 個人覺得更勝去年.

保溫杯約有15cm高, 還付有一個軟膠蓋, 真的比靚的 薑餅人暖手包更實用, 原來, 買杯還付送5張細裝熱飲卷, 每張也可以換$20飲品一杯！阿太說很想要, 於是我們一買三個, 靚的確是靚, 不過怕的就是易打碎, 希望明年今日薑餅人保溫杯還可以安然無恙吧!! Yeah 有新杯用.

大仁生活facebook

嘩!! 12層高迪士尼聖誕樹震撼登場 @ 海港城 米奇老鼠 史迪仔 反斗奇兵 怪獸大學 海底奇兵 阿拔 不得了的正!!

今晚路過海港城 , 阿囝說:「又影呀 ? 爸爸! 之前米嚟過影迪士尼囉」我說不是影相, 只是曾過海港城去反斗城罷了, 你不是想去反斗城睇玩具嗎 ? 於是我們便乘扶手電梯上一樓, 一推門, 阿囝突然大聲叫著:「嘩!! 咁靚嘅」.

原來, 一棵約七米高的迪士尼公仔聖誕樹正正放在大堂詢問處旁, 我和阿太說:「記唔記得2年前E度米擺咗棵三眼仔聖誕樹, 估唔到今年仲靚」當年的樹頂是一粒大星星, 配上過百隻三眼仔, 可能當時沒有比較, 但今年重看舊照, 發現單純綠色和藍色的配撘不及今年色彩繽紛的美麗.

其實一個疊一個的, 真的有點似長洲的搶包山, 難怪阿囝也問我是不是可以拿走上樹上的大眼仔和阿拔回家呢!!!

12層公仔所組成的聖誕樹真的任何一個FANS都會被她吸引, (連潮人也不例外), 由底至上我問阿囝你識得她們的名字嗎 ? 他即時數:「米奇, 米妮,唔識???, 大眼仔, 毛毛, 史迪仔, 咩熊???, MO仔魚, 小飛象, 阿拔, 翠斯, 胡迪, 金色米奇頭」原來他也差不多識得所有卡通人物的名稱, 學英文又不見他記得那麼好呢!!

怪獸大學 X 旺角新世紀毛毛聖誕派對 有得玩好過無!!

因為有怪獸大學毛毛, 所以今日我們走到裝修後從未再踏足的新世紀廣場, 老實說, 今天的新世紀已經面目全非, 又變成更又一城, 更太古城廣場, 不過壓迫感更大的大陸人商場.

宣傳說 L2、L3 層及L3戶外兒童遊樂場都有 怪獸大學的主角, 但走到商場, 很明顯L2仍然是圍封的, 若果明知未能依時完工, 不如留意一下宣傳資料, 更改一下才出街吧.

L3 層有一個大大隻, 比人還要高的毛毛, 嘩!! 毛毛扮聖誕老人喎, 戴上聖誕帽, 右手還背上一大袋禮物, 很有氣氛呢!! 不過, 旁邊的不是大眼仔, 換來是一隻平板的「向左向右」,其實, 為何如此形單影隻呢 ? 有毛毛沒有大眼仔, 好像吃西餐沒有餐湯,前菜及甜品一樣, 毛毛變得很孤單呢!!

 「向左向右」旁邊有一張大陽枱及椅, 後面就是當時電影中大眼仔開派對的畫面, 哦!! 原來, 大眼仔躲在太陽傘下, 真的很難才找到他呢 !!

另外, 因為在商場內消費滿$300元，就可以到3樓平台玩三個怪大遊戲加一個氣墊彈床，阿囝一見到大大張彈床, 即時嚷著:「好想玩!! 好想玩呀爸爸!!」本來我想到頂層的惠康買三百元禮卷, 但原來惠康早已人間蒸發, 所以, 唯有到其他商店買東西來換入場卷吧!!

L3戶外平台有一個紙板 毛毛和大眼仔,  真的很可憐的大眼仔, 整個人被毛毛吸起來....三個攤位遊戲分別有大鎚層層疊, 掟乒乓球, 及拋圈圈, 其實只要你玩, 工作人員就一定給你玩到贏為止, 所以阿囝就順利獲得貼紙一張.

其實, 他最最最大興趣是跳彈床, 今次他得到5分鐘包起整個彈床任玩, 他不知玩得多高興, 笑到見牙唔見眼呢!!

其實, 宣傳說 : 「捧著聖誕禮品的大眼仔大派禮物；可愛的淋支支化身綠色聖誕精靈迎聖誕﹗」究竟在那裡可以看到呢 ? 我們就找不到了, 如果有那一位朋友見到請通知我一下, 謝謝!!

MUJI無印良品聖誕雪人蛋榚屋親子班 開心到不得了

十二月啦!! 終於來到聖誕月啦!! 很高興今晚有幸得到MUJI無印良品的邀請, 參加由她們Café&Meal的廚神Frankie, 親自教授制作聖誕雪人蛋榚屋的3小時親子班.

下午4時到達觀塘一工廠大廈, 進行難得的親子甜品班, 不過, 因為阿太要返工, 我又只懂煮出前一丁, 所以請來婆婆幫手一起上堂學整聖誕甜品.

今晚有三個家庭一齊參與, 還有無印的嘉明姐姐, Peggy姐姐及另一位靚姐姐一同協助, 排難解紛, 當然不可以缺少我們的班主任 廚神Frankie吧!!

今晚我們要造做一堆甜品聖誕雪人, 因為雪人是由兩個圓波波所造成, 所以, 我們要用雞蛋加入適當的材料, 放入一個容器內攪拌, (對不起, 不要問我是甚麼材料, 我完全不懂, 因為我只懂吃...哈!!)

攪拌後再焗出一底底蛋糕來, 然後把它們切成大大細細的四方體, 接下來就另外將袋裝的白朱古力粒粒放入容器攪內, 加熱溶成漿狀, 再把之前完成的大大細細的蛋糕粒放入白朱古力再各自包裹著保鮮袋, 好等粒粒全部變成球狀, 最後將粒粒波放入雪櫃冷卻約十分鐘, 可愛的白色雪人頭和雪人身體就大功告成.

連接色雪人的頭和身體, 我們用了一條短短的竹支, 大的白朱古力是身體, 細的就是頭, 最後就用「吱吱朱古力筆」劃上眼耳口鼻, 如果, 想靚一點可以再為雪人加上乾果或銀粒糖成衫紐.

哈....終於完成「奇形怪狀」的雪人了, 三位小朋友之中, 阿囝的雪人最歪歪斜斜, 但又最肥大, 不過, 他一點也不覺得自已做的醜怪, 反而一見到完成品就笑得見牙不見眼.

廚神Frankie的作品最似一棵真正的小雪人, 三位小朋友努力三小時後, 終於完成這個艱巨的任務, 然後, 當然要與Frankie師傅來一個大合照吧. 阿囝今天最開心, 因為他一邊制作雪人, 一邊不停地吃小蛋糕, 朱古力, 曲奇等小吃, 他高興得不願離去, 最後要多謝三位靚姐姐為我們帶來一個難忘的下午, 多謝無印帶給我們一個快樂的親子時間, 阿囝煮的興奮, 我就食得開心, 現場氣氛熱鬧, 真的好玩到不得了, 下次如果再辦其他興趣班, 一定要再參加. 正!!!

聖鬥士星矢聖衣神話爆發小宇宙的MIKIKI 愈舊愈好

記得1990年, 無綫於星期六零晨播放聖鬥士星矢, 這正正是我出街玩樂的黃金年代, 所以, 偶然只看到一集, 半集的尾段, 所以從來沒有著迷過. 直至2001年, 當年香港BANDAI重新將90年代的聖衣大系再次推出市場, 嘩!! 原來, 轉一轉手的利潤也相當不錯, 於是我才慢慢「惡補」 黃道十二宮, 新生青銅, 海王篇, 神鬥, 北歐....數之不盡.

2003年11月, 新生青銅聖衣星矢以第一隻「聖衣神話」系列推出, 我也有儲了一套, 之後2004年4月第一隻黃金聖衣獅子座推出, 一儲又儲足1年零10年月, 之後其他的海王, 神鬥, 北歐, 機械, 三巨頭, 冥衣當然沒有再跌入陷阱內, 當大家也以為神話系列也可以暫告一段落的時候, BANDAI竟然在2011年8月以EX的名義, 加強關節的靈活度, 美化外觀, 重新再將聖衣神話推出多一次, 嘩!! 搶錢吧!!

但可能BANDAI控制出貨數量, 所以本來不被看好的EX系列, 由於貨源歸邊, 價錢不斷被炒上, 直至今天, 原來EX黃金十二宮只出剩金牛座和水瓶座二款, 真的又一個系列的神話誕生, 今次MIKIKI的 星衣神話展, 其中一個賣點就是預先展出餘下兩星座的製成品出來.

展覽焦點本來我以為一定是放在展區正中, 正準備「天馬流星拳」的星矢, 一個舊生青銅, 一個新生青銅聖衣, 雖然新生的電鍍銀非常正, 但為何要兩個星矢呢 ? 何不換另外的角色呢 ? 奇怪！

新生青銅星矢旁邊有一個聖衣箱, 如果星矢能夠背上身就更加神似, 場中的聖域火鐘及1比1的雅典娜神像也十分動漫神骨髓.

不過要數今次展覽最最最吸引我的地方, 竟然是佈置成漫天星空的時間囊. 內裡放滿多位《星矢》迷的珍藏, 簡直令人大開眼界.

可能我是玩具迷的關係, 一有與懷舊的東西相關連的物品, 我也特別喜歡, 看到荒木伸吾的手稿, 配音劇本, 無色膠擦扭蛋, 筆盒, LD, 貼紙簿, 還有《星矢》卡式錄音帶等等….嘩!! 正.

老實說, 當年家中還未有錄影機, 我也曾經試過用錄音機將IQ博士錄下來慢慢聽的,  不過, 這星矢錄音帶是不是電視對白則不得而知. (真的只能欣賞多於收聽, 試問多少人家中還有卡式錄音機, LD機都應該沒有人有呢 ?)

我經常說玩具總是舊的好, 愈舊愈好, 密室來展出當年「聖衣大系」所有 Figure, 當年的硬實, 木訥, 關節又不多, 活動又有限的聖衣, 現在與今時今日的聖方神話相比較, 我還是感到當年的玩具更有靈魂, 更有心思,回憶總是美好的, 對著過千件的星矢, 真的不想再步出時間囊.

自已本來並不太愛星矢, 但現在竟然對大系產生了奇怪的好感, 原來一套放在一起是如此震撼, 好靚!!! 我也心動了!!!