2013年12月2日 星期一

嘩!! 12層高迪士尼聖誕樹震撼登場 @ 海港城 米奇老鼠 史迪仔 反斗奇兵 怪獸大學 海底奇兵 阿拔 不得了的正!!

今晚路過海港城 , 阿囝說:「又影呀 ? 爸爸! 之前米嚟過影迪士尼囉」我說不是影相, 只是曾過海港城去反斗城罷了, 你不是想去反斗城睇玩具嗎 ? 於是我們便乘扶手電梯上一樓, 一推門, 阿囝突然大聲叫著:「嘩!! 咁靚嘅」.



原來, 一棵約七米高的迪士尼公仔聖誕樹正正放在大堂詢問處旁, 我和阿太說:「記唔記得2年前E度米擺咗棵三眼仔聖誕樹, 估唔到今年仲靚」當年的樹頂是一粒大星星, 配上過百隻三眼仔, 可能當時沒有比較, 但今年重看舊照, 發現單純綠色和藍色的配撘不及今年色彩繽紛的美麗.


其實一個疊一個的, 真的有點似長洲的搶包山, 難怪阿囝也問我是不是可以拿走上樹上的大眼仔和阿拔回家呢!!!


12層公仔所組成的聖誕樹真的任何一個FANS都會被她吸引, (連潮人也不例外), 由底至上我問阿囝你識得她們的名字嗎 ? 他即時數:「米奇, 米妮,唔識???, 大眼仔, 毛毛, 史迪仔, 咩熊???, MO仔魚, 小飛象, 阿拔, 翠斯, 胡迪, 金色米奇頭」原來他也差不多識得所有卡通人物的名稱, 學英文又不見他記得那麼好呢!!

沒有留言:

張貼留言