網頁

2015年4月30日 星期四

【毒到不得了!!】影到唔捨得走!! 海賊王3D精彩 @ One Piece

闊別大半年, 我的偶像路飛、索柏、奈美、烏索普又回來香港啦!!

去年TimeSquare「前進號」與「烈陽號」帶齊9位草帽團員, 又食又玩, 玩心到不得了. 今次與主角們玩3D, 總共29個漫畫名場面, 我簡直影到不捨得走. (好彩E度唔限時, 無人會趕你走, 仲10點先關門)

2015年4月29日 星期三

【大大包大大條】Jumbo卡樂B蝦條 Vs 合味道薯片

三月尾, 卡樂B推出一包有半個阿囝高度的Jumbo薯片, (其實是一個大包, 裡頭裝有十包正常薯片). 昨日經過OK又見類似Jumbo包裝, 二話不說又買了回家.



一帶回家, 一老一嫩即時唱雙王說:「咩嚟架爸爸咁大包...」, 「你又買咁大包薯片返嚟??上次嗰十包都未食晒, 阻住晒個廚房」(無所謂啦...我快快食晒佢米得囉!)

2015年4月28日 星期二

【不准玩電話】元朗阿朱媽~鬧得好嘢!@ 韓之美食

阿太說, 元朗有間韓國料理的老闆娘很惡, 不准人玩電話, 又准人食剩食物! (嘩!正喎, 妳一日19個鐘機不離手, 又成日做大嘥鬼, 終於有神人來治到妳!! 今晚即刻去食啦)

SY知道阿朱媽會罵人, 戰戰兢兢說:「我好驚...可唔可以唔去食? (你唔玩電話米得囉) 咁今晚我咪好悶??」(同爸爸傾吓計喇!!)

2015年4月27日 星期一

【真係唔識食??】年輪蛋糕一定好食過曲奇 @ Juchheim Teegebäck

Sogo Juchheim Teegebäck 出名年輪蛋糕, 2014年年頭經過, 發現這個13層的香噴噴蛋糕, 於是當賀年手信買來與親友分享, 原來霎眼間又過了一年多....



今次又去 Juchheim Teegebäck, 主要是買曲奇, 因為早前阿太於何嘉麗的Facebook發現她大讚:「好食到停唔到口!細細件,係咁食收唔到手」, 誇張得好吸引, 所以即時要買來試食, 證實證實.

2015年4月26日 星期日

【霸氣韓燒】88cm大大串~長過支自拍神掍 @ DALIN POCHA 達人包車

今晚大鄉里一家又出動, 目的地是尖沙咀第二條韓國街~金巴利道, 我們興奮齊齊食韓國烤肉串.

19:45到達「達人包車」, 不用等位, 因為門口假花園剛剛有位, 心諗:「點解唔駛排隊? 唔通無人食...」, 原來竟然真的是我們好運, 因為我們甫一坐下, 人龍又再堆在門前.(Yeah!!Lucky!!)

2015年4月25日 星期六

【三個年青奶爸】日日賣600粒牛奶糖 @ Cloud Candy

話說某一集「星期日檔案」, 介紹三位手造牛奶糖的年青人, 身水身汗將大大個雪櫃推去「一田」進行展銷, 第六靈感告訴我, 他們背後一定很有故事, 於是上星期親自走到apm, 找找三位奶爸還在不在.

到逹一田, 其中一名老闆阿倫正在雪櫃前點算牛奶糖, 冒昧打了招呼便問:「你哋係米只有E幾款味道呀?」阿倫:「唔係架...我哋有8款, 不過忙得滯, 無時間補貨...」

2015年4月24日 星期五

【好彩無爆炸】 205隻小泥人「手護城鄉」 @ PMQ

一月初, 一家三口走到馬寶寶參加「手護城鄉」泥公仔工作坊, 不過, 導師說:「如果公仔有空氣, 燒製過程就會爆, 咁就無機會去文化中心, 同PMQ喇」

當時心想:「死!!搓泥過程中, 我似混入不少空氣, 好擔心!! 好擔心!!」....霎眼間又過了三個月, 究竟我們的泥公仔能否面世呢? 

2015年4月23日 星期四

【娘娘地童年回味】神級車仔麵飲"綠寶" @ 萬歲萬歲萬萬歲

 懷舊玩具萬歲, 童年味道萬歲, 那些年萬歲萬歲萬萬歲!


正職做櫥窗設計的「阿偉」,與小學同學「Sam」合作萬歲, 過去三個月, 不停走訪全港九車仔麵檔, 拜師學藝「我本來乜都唔識煮,阿Sam就好叻, 我就E三個月苦練囉 」

2015年4月22日 星期三

【又有嘢換】我的第一支自拍神棍 @ 寶礦力 Pocari Sweat

昨日經過7-11, 抬頭一看..「呵!寶礦力又有新嘢換」金屬型自拍長棍, 我從來沒有買過自拍棍, 於是就換來玩玩. 阿姐話:「啱啱返咗6支, 你要唔要換多一支」(垃圾佬換一支就夠啦! 人有我有啫)



我不愛用自拍棍, 因為我認為手機的前置質素不美, 而且全世界也有人, 為何不叫路人幫幫忙按一下快門呢? 就算效果不佳, 也可以有一種患得患失的期待, 但我為甚麼會買呢? 

2015年4月21日 星期二

【小善存之戀??】 小Oppa Running Man @ 阿囝變暖男


話說3個月前, 善存邀請我們一家三口去新蒲崗玩遊戲, 最初表示六組家庭參加Junior Running Man, 正喎!! 我最鍾意玩遊戲.
  

後來才知道只有小朋友可以玩, 大朋友就有非常好的節目, 就是傾計, 休息, 及望住小朋友玩的閉路電視現場直播. (正呀!!郁都唔駛我郁, 又有人幫我看囝!!)

2015年4月20日 星期一

【TOP8 精選】Hello Kitty Vs 鬆馳熊 @亞洲最大香港家庭用品展2015

灣仔會展, 一連4日舉行亞洲最大家庭用品展, 展場分別設於1樓, 3樓, 及5樓, 慢慢行慢慢跟世界各地店主聊聊天, 真的逛足一日也不夠時間...


今次的展館, 是根據參展商的國藉來分類, 我一進場便有泰國小姐, 及菲律賓小姐提議我到她們地區看看. 不過今日我決定向大家推介全場最搶眼, 最正TOP8精品:

TOP1:


IQ題: 如何將狗狗變成貓呢?...答案很簡單, 只要買一套Hello Kitty狗狗衫及帽帽就可以啦!!

2015年4月19日 星期日

【手臂咁長】巨人熱狗~食足兩餐 @ Hero Sandwich

今日大仁一家又去D2天台HEA, HEA前無意中給我在三樓, 竟然發現一件奇怪事...有女店員雙手捧出一隻熱狗, 一隻長度有如手臂一樣的熱狗!! SY:「嘩!畀巨人食架?!」

連陳列品都出動真功夫, 我已決定這隻巨人熱狗走不出我手指罅...

2015年4月18日 星期六

【一檔一個夢想】Dream Catcher 堅持心中理想 @ MON型市集


觀塘周未有市集, 我當然要去八八逛逛!! 今日在鱷魚恤旁的工業大廈舉行, 一步出電梯, 感覺今次「Mon」型市集...出奇的比較文靜嘅...

2015年4月17日 星期五

【細路哥瀡熊貓】我與熊貓再有約會 @ We嘩!奧海城

學校復活節假期最後一天, 我們相約悅悅一同去奧海城跳「We嘩!充氣嘉年華」,兩位小朋友開心到不得了!



跳彈床的魔力認真大, 因為前一天, SY還在熱烈發燒, 當日中午便如有神助一樣, 藥到病除...

2015年4月16日 星期四

【台灣夜市名物】雞翅包飯脹卜卜飛到深水埗 @ 有一腿

燒雞翼好食, 釀入炒飯, 原來台灣夜市人氣熱爆, 前日開始, 香港都可以食到, 所以今日...「獨自去吃雞, 我寂寞找個伴」



燒雞翼炒飯, 台灣叫雞翅包飯, 完成製作過程後, 冷凍由台灣空運到港, 老闆阿Jack一邊燒雞翼, 一邊答:「前日第一日賣, 全日賣岀50隻, 依家只返一種嘅櫻花蝦味, 試試街坊反應先」

2015年4月15日 星期三

【大鄉里買電腦】部機仲細過包公仔麵 @ 慳位大行動

我真的很大鄉里, 原來今時今日的家用電腦Size還較一包出前一丁細呀!!?


半個月前,  電腦壞了!  每次只能用安全模式進入, 連續3部電腦也只有約5年壽命, 似被人內置了一個倒數計時器操控一樣.

2015年4月14日 星期二

【懷舊街頭小食】夜冷舖賣冷糕 @ 九龍城

相關網誌: 【懷舊街頭小食】潮州冷糕!! 每日限賣40底 @ 油麻地

有幸於一月尾, 在油麻地聯豐藥房, 吃過宙師傅每日限造40底的冷糕, (老仁家最愛食老餅麻)…不過每晚18:45前一定賣清, 所以很難夾時間再食.


因為我們參加九龍城泰國潑水節, 星期日途經賈炳達道及打鼓嶺道交界, 我竟然聞得陣陣蛋香...當下即時向香味來源一看, 哎呀!夜冷店前有冷糕賣? (:【織「冷」衫】個「冷」)

2015年4月13日 星期一

【華嫂爸爸開??】塘芳村神秘茶記 ~ 失而復得的好味

朋友O知道我去元朗華嫂食午餐, 建議:「有間係華嫂附近嘅小店仲正, 仲隱世, 仲好食, 朋友話好似係華嫂爸爸開...叫【和記】」, !聽完賣點, 如果不去真的對不起自己.


第一次去和記, 九龍仁不懂路, 於是走到塘坊村輕鐵站下車, 沿「屏竹里」直行落樓梯, 剛巧遇到一位村民, 我便老實不客氣的上前打聽和記的地址...

2015年4月12日 星期日

【泰國潑水節】濕晒!! 底衫底褲都濕埋 @ 九龍城 Songkran Festival 2015

「嘩!! ~哈哈哈!!, 「嗚! ~哈哈哈」, 「噢~噢哇~哈哈哈」今日在九龍城聽得最多除了水聲, 就是歡呼大笑聲!!


連續第三年參加九龍城~泰國新年~潑水節, 第一年傻頭傻腦以為九龍城寨公園園便是起點, 原來每年也是打鼓嶺道公園作起點.

2015年4月11日 星期六

【嚇死!! 咁多人】12條蛇餅圍 Tsum Tsum @ 又一城 X LINE: Disney

Disney Tsum Tsum 一個app紅足年半, 威力絶對勁過當年的Candy Crush.


我去年6月也瘋狂迷戀日日 TSUM TSUM, 對於三分鐘熱度的我, 也玩足半年才厭倦, 老實說《LINE: Disney Tsum Tsum》真的好吸引.

2015年4月10日 星期五

【手造蜂巢蛋卷】好食到靈魂出竅 @ 華園Premium ~ HONG KONG CHAI

某日華園PR姐姐來電:「知你鍾意食蛋卷, 我哋遲啲會重出停售30年嘅手製蛋卷, 仲要係限量, Made in HongKong,  有無興趣試下呀?(我諗都唔駛諗答: 當然有啦)...


(...你哋香港工場即造架?...我可唔可以嚟睇?), PR姐姐請示老闆肯首後, 今日我簡直開心過中六合彩, 因為我可以親身直擊蛋卷誕生過程...正呀!! (前一晚, 我直情似小學去旅行一樣, 興奮到瞓唔著添)

2015年4月9日 星期四

【復仇者聯盟2】今次真係發達啦!! @ 7-11 (The Avengers2 X 7-Eleven)

何謂:「開心到彈起!!SY學校假期最後的今天, 他和我就徹底興奮到不停大叫:「嘩!! !!!! 好勁呀!! 好靚呀!!


首先要多謝7-Eleven PR姐姐的厚愛, SY送上超級無敵的復活節禮物, 其實連我自己也驚喜到難以至信…我的復仇者聯盟2套裝呀! (今次真係發達啦!!)

2015年4月8日 星期三

【中菜Hello Kitty】四大美人陪你食Kitty @ 中菜軒

Hello Kitty 又嚟啦!! 朋友P:Kitty中菜館!Blogger你去唔去呀? 有靚姐姐影喎」 :「去!!..無靚姐姐都去!!


位於佐敦的Kitty中菜館, 連我也估不到竟然會開在官涌市政大廈旁邊, (上次考健身肥佬之後都無再嚟過…), 朋友P:「都幾偏僻喎」

2015年4月7日 星期二

【香港良心】烏溪沙吳伯:「我想留白」@ 心心石

烏溪沙海灘的「心心」石,已經成為馬鞍山的地標, 之前我從未來過,今日趁天氣未轉炎熱, 兩仔爺去決定去影心.


由地鐵站問職員,至過了橋到馬鞍山公園又問街坊,全部一聽到「心心海灘」即時義不容辭,指點迷律.

【免費攤位有獎品】冰上動感 冰河世紀LIVE ! 香港站 長毛象大冒險 嚟啦!!

荃灣廣場有免費嘉年華, 是宣傳暑假的音樂舞台劇「冰上動感 冰河世紀LIVE ! 香港站 長毛象大冒險」.


走到商場, 最初未知攤位遊戲是免費, 不少家長也和我們一樣, 問問工作人員:「係米要買滿幾多錢先可以走架??

2015年4月6日 星期一

【絶密嘆煎茶】吟釀雪糕好食到笑 @ 香茶房

阿太:「我想去買茶同食雪糕...(? 你講咩呀?)...中環有間日本人開嘅茶店, 老闆識講中文, 佢哋出名賣茶, 同食抺茶、仲有清酒雪糕架」(!咁得意?去去去)


「香茶房」是家庭式經營, 老闆岡田先生就在店前招呼客人, 太太就在店內辦公室教兩位小朋友用電腦, 很和諧的小店情景.

2015年4月5日 星期日

【四驅小子】復活節專家教砌四驅車@黃埔

「星馬烈, 星馬豪, 我細嗰都有部麥林, 我以為同卡通片一樣係聲控, 點知我係瀡滑梯放部麥林落去, 鬼有聲控咩, 散晒!!」以上是我的年輕同事, 講他的四驅車故事.


幾位年輕同事繼續慶起講四驅車, 「我都去想去黃埔睇呀...好有細個回憶呀」, 「我細個睇四驅兄弟咋, 四驅小子再舊啲, 未睇過!,「係囉...太老餅, 唔係我年代」.

2015年4月4日 星期六

【復活節好去處】好似去咗日本咁好氣氛 @ Squly & 貓奴的日常 D2

好熱鬧的D2...自從上次發現了D2的隱世天台, 經常都來Hea, 得知本周末(4-5), 連續兩日2樓都變身復活節卡通王國, 所以趁兒童節一定要帶囝來玩.


未踏入2樓的 Vitality Market, 三隻真人卡通人物便已經列隊歡迎, 阿囝很興奮:Tsum TsumChip & Dale!! 好滑呀...好靚呀」

2015年4月3日 星期五

【復活節做母雞】親子恐龍捉雞仔 @ 「We嘩! 嘉年華」黃金海岸

同樣是黃金海岸, 同樣是「We! 嘉年華」, 原來上一次玩, 已經是半年前國慶.


這半年真的是我仁生中最黑暗的184, 6個月似生活了6年一樣, 希望惡運衰人可以速速離我已去. 復活節的唯一一天假期, 一定要跟SY大叫大嗌, 盡情發洩.

2015年4月2日 星期四

【親子做星星】舊衫變公仔 ~ 手腳慢得滯 @ LG工作坊

今日, 我們一家三口參加「舊衫變公仔」親子班, 三個人分別找來三件準備當地布的舊衫出發去…(當然變公仔總好過變地布啦!!)


其實, 這是PR姐姐邀請的LG洗衣機宣傳活動, 不過我都不是太明白「舊衫變公仔」跟洗衣機有何直接關係, 總知有得玩就不再深究吧.

2015年4月1日 星期三

【卒下卒下】 我想買部新玩具 @ Samsung Galaxy S6 edge

Note1開始就用三叔的我, 大芒是必要首選, 不過玩了三部Note開始有少少悶, 所以今日專登襯Galaxy S6發報會, 第一時間試玩恨了很久的S6 edge.


本來約了悅悅一家吃飯, 所以我問悅媽:「介唔介意食飯前陪我45分鐘, 因為我好想去玩部S6 edge.

【復活節系列】彼特兔原來係煤炭屎鬼朋友? @apm

復活節有復活兔非常正路, apm今期有彼特兔陪你過Easter.


記得上次史諾比展覽, 非常震撼, 雖然65隻史諾比基本上隻隻一模一樣, 但起碼隻隻等身人高, 塞滿全場, 熱熱鬧鬧…