2015年2月28日 星期六

【正氣朋友】成個銅鑼灣都係鹹蛋超人@Ultraman x Hysan

鹹蛋鹹蛋鹹蛋!!本來我想帶同正在放農曆新年假的SY, 齊齊到希慎睇超人, 可惜他要補課, 無奈今日只得我一人食鹹蛋.


中型超人Zero, 手執Zero頭鏢殺入希慎啟超入口, 今日旁邊不停有人大叫:「好大隻呀!, 「快啲同隻1:1大超人影相啦!!(其實1:1 Zero點只六米高!!) 

2015年2月27日 星期五

【童年回憶2】全港懷舊辣屁股瀡滑梯「大尋寶」!!

之前的「辣PatPat」瀡滑梯大圍美林邨編, 多謝各位網友支持, 提供了不少「健在」懷舊瀡滑梯的位置, 過去一個月, 我們走過沙田大埔、屯門...誓要大叫「我要瀡滑梯!!


網友Grace推介,沙田市中心的好運中心平台有一個約5呎半鐵造瀡滑梯,於沙田街市的小斜路走過去就見到...

2015年2月26日 星期四

【地膽推介】長洲神級「芒果王」...竟難敵「情人鎖」魔力??

要食地道美食, 有時靠天書不如問地膽, 年初五入長洲前, 預先問了長洲長大, 「島中坊研」的Amy, 鳴謝提供今日三間超正美食是也.


大排檔「通記」, 街市熟食市場, Amy媽媽每日必嘆奶茶地方. 我們走到街市, 見佔舖位最多, 最多人光顧的就是「通記」.

2015年2月25日 星期三

【小島有情】長洲情侶擋~拍擋賣手作 @ 島中坊研 & 賣藝

初五到長洲, 除了學人賞櫻之外, 我還去探探新認識的「島中坊研」情侶拍擋Amy Stephen.


簡約的小店, 位於新興後街, 正正就在東堤小築29座斜對面, 在店門一直往右望便是長洲東灣, 風景靚到似日劇一樣. (不過忘了影相, 大家有時間可以親身去感受一下)

2015年2月24日 星期二

【越茶越愛】鐵板綠茶淋雪糕 滋味誘惑 @上環川善茶居

阿太年初四重點推介:「綠茶活埋熱辣辣鐵板雪糕...試唔試!, 我即時興奮得瞳孔無限放大:「去去去!! 於是周日一家三口去上環嘆綠茶.


原來川善茶居已經開了三年多, 我還以為新正頭的上環商廈五樓, 不用排隊, 誰知一樣要等40分鐘才可以入場. (不過小走廊好熱好焗, 我知唔啱, 但都要打開防煙門抖抖氣)

2015年2月23日 星期一

【初春長洲】今日櫻花燦爛 @ 關公忠義亭

從前未試過香港賞櫻, 因為阿太說:「人哋話長洲今年啲櫻花好靚, 不如去睇下囉」, 於是年初五一家三口首次櫻之行.


長洲的櫻花就在關公忠義亭前, 由碼頭往右經警察徑暗斜上比較辛苦, 於是我們揀了行學校路走樓梯直上.

2015年2月22日 星期日

【Hello Kitty開足一條街」賀年馬卡龍靚到爆 @ 大坑Secret Garden

去年61日大坑開了Hello Kitty秘密花園, 當時人山人海, 一位難求. 8個月後的今天再經過, 人龍沒有了, 但店內依然高朋滿座. 最特別......


原來一段安庶庇街, 竟然全部變成Kitty分店呢? !!一變三, 好勁呀! (開主題餐廳原來咁好搵!!)

2015年2月21日 星期六

【追追趕趕高高低低】全港TOP3最好玩兒童遊樂場 @ 屯門老鼠洲

朋友知道我們來屯門就建議:「帶SY去老鼠洲玩啦!佢一定鍾意, 啲人話係全港TOP3最好玩遊樂場」


(老鼠洲嗰名咁過癮, 好呀!好呀!~我最初仲以為TOP1 TOP2係迪士尼同海洋公園添)

2015年2月20日 星期五

【屯門維記】出神入化煎豬扒 超正!! @ 豬大王

年三十晚入屯門, 我問朋友W有否好介紹, 她答:「試下屯門維記豬大王吖!」維記豬潤麵屯門版?? 正喎!!


原來「豬大王」就在青山公路「景峰」輕鐵站對面, 尋覓時不知道, 在青翠徑多寶大廈左找右找, 完全找不到大王位置, 原來要穿過大廈, 上一層就別有洞天.

2015年2月19日 星期四

【初一冇乜人】大埔林村許願樹掟寶牒!@ 第6年吐氣羊眉!!

連續六年, 新正頭大埔林村許個願, 自從去年發現大年初一, 人不多, 又不用排隊等巴士, 所以今年我們也是大年初一向林村出發.


輕輕鬆由旺角火車站飛到許願樹也只是60分鐘, 簡直超快, (未瞓著即到仲快過我去金巴利街排隊食「芝士拉骨」).

2015年2月18日 星期三

【北海道大熱】排隊買熏衣草安眠枕 @759寢具屋

朋友:759開寢具屋呀!, :「哦!. 其實, 林老闆再開任何新系列店舖, 也不會再嚇到我們, 除非他開HelloKittyLand, 或者辦報館除外.


今日寢具屋第一日開張, 吸引我去的原因是姆明.

2015年2月17日 星期二

【最後衝刺】行維園花市 就知你幾歲 ? @ 羊光燦爛的483

星期日, 相約朋友, 兩個家庭齊齊逛維園年宵, 一個令仁又愛又恨的地方(原來今年有483個攤檔咁多)


中學時代, 愈年輕就會揀, 愈接近年初一的時辰進入維園, 通常年宵會與午夜場同夜進行, 漸漸連電影都少有, 午夜場為何物, 當下很多年輕人應該聽都未聽過...

2015年2月16日 星期一

【激安花市】賤物鬥窮人 真係平到笑 @旺角花墟

今日行花墟年宵, 始終也是中午時間去最好, 人流不多, 又可以慢慢睇, 慢慢揀.


今年多了很多互動的攤檔, 阿囝大叫:「爸爸!你睇! 包剪揼喎, 年輕檔主一聽見就開心走來:「小朋友, 我同你猜好唔好?, 結果SY揭到「揼」勝出, 姐姐笑笑口:「你贏咗呀! 我送包糖你食啦!!

2015年2月15日 星期日

【垃圾佬救星】回憶總是收藏好 @ 從此叮噹好安全

儲儲儲!! 就是我每日的任務, 所以本來我家有兩間房, 但現在其中一間房, 已變成不能進入的垃圾房.


上星期, 因為去看《STAND BY ME: 多啦A, 我在垃房內, 千辛萬苦拿出了1997, 第一次與阿太去日本旅行, 購買回來的大叮噹齊齊入場, 無奈被人反對:「咁大隻點攞呀? 大佬...入到場佢坐係邊呀??喊到變豬頭 STAND BY ME


結果叮噹無緣去看叮噹, 我知他很不高興, 因為叮噹好可憐的不發一言, 瑟縮一角等我們回來


不過, 如果要將大叮噹放回雜物堆後的大櫃, 真的如高鐵般的希望工程, 於是懶惰的我又擱置如此艱鉅任務. (阿太話:「你唔係呀!七國咁亂個垃圾房都影畀人睇??」) ~其實, 我覺得更似堆田區.


不過, 我家有一位叮噹殺手, 他由一出世就對我這隻17歲的大叮噹「虎視眈眈」.


從前大叮噹是在梳化陪我們看電視的, 可惜…(大佬...「泥漿摔角」日日發生, 阿囝根本係瘦版技安), 於是我索性放叮噹放入櫃...~SAFE


對於一位懶人, 但心痛最愛叮噹又再次慘被虐待, 怎算呢??? 於是我就上網找找有沒有又便宜, 又方便的儲存公司, 解決我的問題...


!! 我竟然找到一家有專人上門收貨, 及還貨的儲存公司叫AIRBOX, 而且超超超便宜, 一個箱只收$49一個月.


以我算死草性格, 假若同時訂5個箱, 價錢也只是$245, 比市面差不多面積的儲存倉, 便宜大約$150-$200. 而且還有專人送箱上門, 取消服務時又免費原箱交回給我.


簡直連屋企門口都不用出, 就已經有專人幫你一腳踼全包宴, 真的存倉超輕鬆喔!


我決定將SY由幼稚園開始畫的畫, 勞作也好好收藏.


原因阿囝N班時, 他第一次父親節造給我的禮物, 我竟然大意的不知掉了, 還是左放右放, 我已經幾年不見了這份禮物的踪影.


所以我決定要好好收起, 他多年來造給我的生日, 聖誕, 及我的首張人體掃描...


另外, 對於垃圾佬就一定會儲報紙, 其中一份已發黃的蘋果日報, 是我在SY出世當日留起的, 如果, 我一早放入恒溫的儲存箱, 可能質素會保存得更好.


還有, 圖中有兩份同一時的報紙, 一份是錯體版, 我覺得應該有升值潛力, 所以一定要收得密密實實. (你話係米錯得好離譜呢? 不知黎生或馬生會否高價跟我收回呢?)


上網預約上門收件後即時用信用卡付款, 翌日工作人員就致電確認資料,  我預約了星期日11:00-12:00, 結果工作人員11:30致電我10分鐘後到達工作人員還多帶4個箱給我做後備.


阿囝好興奮的跟我出門口迎接AIRBOX哥哥, SY一打開膠箱, 竟然有一個氫氣球突然彈出來, AIRBOX哥哥:「小朋友, 係我哋送畀你嘅見面禮, 小小心意...(大愛波波的阿囝, 開心見牙唔見眼)


AIRBOX哥哥會給我們20分鐘執拾, 他教識我鎖好安全鎖後就對我說:20分鐘後你打電話畀我, 我再入嚟收返5個箱, 好唔好?



於是我們就開始執貨, SY偏咀說:「我好唔捨得叮噹呀!! 我想跟埋佢一齊喎」(而我不知幾開心, 我隻叮噹可以安全離開惡魔...HEHE)


我說:「咁不如你走埋入箱, 一齊畀哥哥送埋入倉入得囉, 仲好有埋個波波陪你玩...


SY想也不用想即回答:「焗死我咩, 我係入面點呼吸呀? (我打開個蓋唔關米得囉) 「你唔駛講咁多喇, 總知我好唔想叮噹走啦」


我答:「你想同叮噹玩嘅時候, 我再CALL哥哥送返佢返嚟米得囉!!SY笑笑口:「幾時都得架? 繼續安撫:「今日CALL, 最快聽日就嚟」


終於順利擺平這位小麻煩, 而又差不多可以找回AIRBOX哥哥回來收箱了.


AIRBOX哥哥檢查好所有箱均被鎖穩, 便準備離開.


AIRBOX哥哥走出走廊, 小朋友依然不捨叮噹, 要目送他坐電梯, 其時隔離的婆婆問:「你哋搬屋呀? (唔係, 因為屋企太多嘢, 所以放啲入倉), 咁好嘅, 有人上門收埋架?



因為實在太方便, 我就介紹埋婆婆, 她竟然好有興趣, 還要叫我幫她預訂3個箱試試喎.阿囝說:「不如婆婆訂嗰日, 我哋攞返叮噹返嚟囉?? 我會好掛住佢架」


吓?? 咁快~





2015年2月14日 星期六

【韓風泣鬼神】芝士拉排骨 愛你愛到死 @ 尖沙嘴 Oppa Coffee Bar Restaurant

我不是哈韓人, 韓劇也只看過半套星星, 不過我最愛排隊試新玩意, 今晚我們就去了試全城熱爆,  韓風芝士炒拉炒拉炒.(返屋企坐電梯時, 連隔離A座陳太都講溶岩炒飯, 就知勁Hit)


Oppa 121日開張, 是目前整條金巴利街唯一一間出現人龍的韓食餐廳, 晚上7點半到達, 經「核數CSY點算, 我們排第三十八, 終於我們呆等了一小時才可由正宗Oppa帶領入店.


因為一早已鎖定溶岩蛋漿炒飯, 不過原來還有泡菜、海鮮、火腿、章魚、雞胸選擇, 因為我怕SY不能辣, 於是就告訴Oppa火腿味, 誰知他竟然指指泡菜後豎起母指並說:Not Spicy


Oppa 推薦一定無錯!!! 之後我又猶豫要芝士拉排骨好, 還是雞翼好, 不過因為同枱的情侶點了雞, 於是我就揀排骨, 以免相撞.


落單約10分鐘,Oppa 拿着放滿泡菜炒飯的鐵板、一壺蛋漿及大膠杯芝士粒來到到我們面前,他先將蛋漿淋在炒飯外圍位置.


之後整杯芝士粒鋪上炒飯及蛋漿上面. (!!鮮黃色的芝士粒粒炒飯十足十路飛的草帽一樣, 可愛到不得了)


再左右兩鐵匙羹,不停在炒飯上極速炒呀炒, 轉呀轉, 十足十跟碟炒飯有仇一様!!


熟練的手勢, 似到少林寺苦練20年鐵板炒飯的高人, 再加一對磨打手, 嚇得SY目瞪口呆.


登登登凳! 芝士溶岩蛋漿炒飯登場啦!!


雖然賣相不太吸引, 不過味道好香, 本來好怕像Risotto一樣好膩好滯, 但奇怪半點膩滯的感覺也沒有.


來到重頭戲火焰芝士拉排骨, 鐵板上6塊排骨, 另一邊則在我們面前舖滿一大杯芝士粒.


之後就由Oppa以火焰之槍不停向芝士粒加熱...


不過, 奇怪的發現全店各枱均主力由Jim表演, 剛才阿Jim忙著其他枱, 當他一有空, 即時又換走剛剛的Oppa, 再由他親自上陣.


留意他雙手, 滿滿的傷痕, 其實我有一刻懷疑他是否有鎅手的惡習, 不過, 我又不懂問...


火焰不停強烈噴呀噴呀噴, 芝士粒亦迅間變成芝士醬. (好過癮, 這兩項現場表演, 應佔售價的1/3, 好睇好睇)


之後阿Jim幫我們用芝士包裹排骨, 扭扭捲捲十足包春卷一樣, 不過又奇怪, 同枱的情侶叫芝士雞並沒有幫他們包春卷, 是否只有排骨才會表示「包紮」呢?


!! 不得了, 這隻芝士拉骨, 好食到似落入凡間的天使一樣驚天動地, 好食到我似十足剛剛饑饉完, 好食到我停唔到口.


微微辣的排骨, 加上又滑又香的芝士, 即使平均要約$50一塊, 我也覺得物超所值, (個人覺得2015年沒有吃過芝士拉骨, 簡直是一種遺憾)


結帳期間, 發現原來負責的女店員, 就是Jim的香港女友, 她說:「全店只有我哋三個櫃枱嘅至係香港人, 其他全部都係韓國人」


八卦的我就問阿Jim手上的傷癢, 女朋友笑說:「唔關我事呀...唔係我整架, 係佢被鐵板辣親呀」(好心痛喎!!) 女朋友點點頭.



SYJim合照後, 我問他傷痕痛不痛, 有半點似MC Jin的他直言:OK! No Problem」之後又繼續火焰噴噴噴. (!! Man) ~下次來我再來, 一定要問港韓情是怎樣開始的...