阿太一推門進入「Growth Ring & Supply」即說:「嘩!好似去咗迪士尼...」SY接口:「灰熊山谷咁呀!」
單單就是工廠大廈的人手拉閘式貨𨋢, 已經似坐時光機準備懷舊, 迎接復古.
「Growth Ring & Supply」與Oldish再度合作, 今日一家三口就在過萬呎的美式工業風情下, 歎午餐, 享受我最愛的懷舊.
這裡的餐牌, 也特別的攝入一本「厚疊疊」的破舊教科參考書內. 真的令劇情非常統一.
觀塘長大的老闆Kenji, 希望「Growth
Ring & Supply」可以似「年輪」一樣, 與不同人合作, 就像一個圈, 一個圈擴大成長。
Kenji的店勝絶觀塘區其他Cafe, 大到爆炸, 氣氛又一流, 他說:「我以前好憤世, 開係商場點會夾到我呀.
不過上年阿囡出世後, 經常逛海港城，又覺得好適合我喎, 多啲人接觸到, 商場又可以食埋嘢」
小朋友最近迷上「超速變形」, 他一看到部電單車, 即時箭步騎上去, 還不停扮駕駛, 又念對白. (阿囝..我唔明你講乜, 我淨係驚你整壞部車, 我要賠咋)
我未到過上環的Oldish, 但我好喜愛這裡的凍飲杯,
以前我阿爸就是用這款漱口杯. 今時今日應該無人再用這款杯擦牙啦...(大大杯, 跟餐點凍檸茶唔駛額外收錢添!!)
這裡連子彈箱也有得買, 店長阿樂說:「其實子彈箱真係非常普遍㗎!! 我哋都返過幾多...」(我真係幾大驚小怪...)
美軍船拆下的樹脂製鐘, 就是店長最鍾意的舊物,
「上鏈㗎...好似仲郁架喎, 以前行船唔會用鐵, 因為驚會生銹」(係喎...以前D人真係叻)
今日的忌廉湯, 及黑松露野菌忌廉意粉超乎想像的正!! (定係我食環境, 食裝修, 所以覺連食物都好好味呢?)
不過經奄尖大少品評, 連他也覺得兩款忌廉食品都屬於超水準, 否則他不會全部給KO入肚.
至於Pizza...可能我總是戒不掉港式Pizza,
對薄批不太感興趣...
其實, 不是不好食, 不過, 如果有得揀過, 食其他的話, 我一定會試另外的款式啦!!
今日, 阿囝好忙, 因為他發現了店內每一張凳也有一個價錢牌, 而他就竟然遂張要尋找最貴,
與最便宜的款式喎.
眾裡尋他...原來他一早已經坐中了全店最貴的一張...「我嗰張要$3800㗎...」
原來, 這裡的凳, 如果你看中, 坐得很有感情, 就可以真金白銀買回家,
不過最便宜的也要$1200...(我有$1200, 我想買Lego, 或者超合金多D囉)
阿樂細心向我介紹店內的凳:「佢哋係二戰後產物, 當時法國人講笑話, 見(中間) 款凳多個見法國麵包喎」(其實, 好鬼似我以前中學D凳添)
本來, 我們一早吃飽了, 但因為外面下著大雨, 根本走不到...於是阿太很悠閒扮看書...(之後又係打Tsum Tsum囉)
而SY可能真的遺傳了我的貪懷愛舊的性格, 他竟然和我說:「E度真係好好玩...E個咩嚟㗎, 咁似電腦嘅」(係呀!上世紀的電腦呀...E部叫打字機)
而我就看中了這頭小木馬, 好靚呀!! 不過又要$1300. (都係影吓相, 睇下就當擁有算)
左坐坐, 右走走, 終於全無冷場下一坐便坐了2個半小時, 最出色就是沒有人催你埋單,
Free到爆.
其間Gwen又不停向我們展示笑容:「出面仲有毛毛雨喎...」(係呀..要走啦..因為我哋要去中環坐免費摩天輪呀!!)
地址：觀塘巧明街99號巧明工業大廈5樓AB室
電話：3462 3288
沒有留言:
張貼留言