2018年3月26日 星期一

【回憶總是美好】我們都是這樣長大 @ 回味香港情

人不甘現在, 又或者覺得事不如意, 便會愛上「話當年」, 「回味舊時情」. 近二十年香港愈來愈愛集體回憶, 又可以引証這個事實.


最簡單看看「流氓大亨」、「刑事偵緝檔案」的重播、流行經典50年的歌手們回歸, Facebook上的熱烈回響, 便已經明白到現在香港一比較下, 真的每況愈下.



「回憶」這個避難所絶對可以令人暫時忘憂, 時光倒流40年.



回到香港漸漸起飛的年代, 涼茶鋪、士多、髮型屋、福來邨、人力車...




非常美好的港英那些年.


吹波糖師傅彩雲姨相識於逸東街市, 笑容滿面的彩雲姨應該是本港碩果僅存的女中式吹糖師.


彩雲姨:「細佬你記得要係個糖暖暖地嘅時候慢慢吹, 當佢一凍就吹唔到架啦...不過你哋上幾次都玩過, 應該實得架啦」


我:「彩雲姨, 不如你今次都示範吹大波秘技啦」, 結果, 彩雲姨笑笑口, 輕輕一吹, 大大個沙田柚的糖波波便出現, 真的與SY的小乒乓波沒得比呀!


糖畫先生站在彩雲姨旁邊, SY:「爸爸...蜘蛛俠呀! IronMan呀!」原來已跟北方老師學習糖畫的糖畫先生正在製作糖~IronMan.


(食唔食得架?) 糖畫先生:「食得! E啲係麥芽糖溝蜂蜜嚟」, (點解你畫D咁動漫嘅嘢, 咁正嘅?」


糖畫先生:「E啲傳統工藝如果想畀多D人認識就唔可以再畫D老套嘢, 一定要畫D現時興嘅嘢先得」(與時並進!! 勁!!)


(一個IronMan幾多錢呢?) 糖畫先生:「$65...(要幾耐就要食呢?) 可以放2個禮拜, 之後佢會慢慢溶」


今日, 最吸引我的是擁有27年拉人力車經驗的孔伯...我:「孔伯! 你幾時開始無再拉人力車呢?」


孔伯:「2年前」我:「咁以前搵你拉人力車要收幾多錢呢?」


孔伯:「27年前, 我收2至3蚊, 97年之前就以經百百聲嘅」我:「如果D肥婆, 肥佬你會唔會收佢哋貴D」


孔伯:「嘻~嘻~梗係要收貴D啦, 咁重...」


PS: 最後SY竟然發現大秘密:「爸爸...原來人力車個位可以打開架...(係喎...真係唔知道)」



「回味香港情」展覽
日期:2018年3月23日至4月8日
時間:上午11點至晚上8點
地點:荃新天地1期中庭

‧糖畫工作坊
日期:3月31日及4月1、5、7、8日
時間:下午1點

‧中式吹糖工作坊
日期:3月30日及4月2日
時間:下午1點及3點

‧DIY彈珠機工作坊
日期:3月31日及4月1、7、8日
時間:下午3點

‧小巴牌製作工作坊
日期:3月24日至4月8日(逢星期六、日及公眾假期)
時間:下午5點

工作坊參加辦法:商場內以電子即日消費滿$300,可報名參加 (名額有限,先到先得)


大仁生活facebook


#荃新天地
#回味香港情

沒有留言:

張貼留言