大圍多了一個新地標, 大大支粟米坐鎮新店二樓,
看圖識字, 新食肆當然就是賣粟米.
由三兄妹合營的粟米屋, 有莫名的熟悉感, 但一下子又說不出為何...SY:「真係有好大條粟米係上面喎...爸爸! E度好香!」
還未走入店內, 黃先生已經親切的推介:「歡迎呀! 我哋D粟米真係親自整架, 唔係交貨返嚟, 所以一定新鮮」(仲真係好香添呀!)
小店只開了三星期, 廚房與樓面由一個外賣快餐的裝修所分隔, 負責人說:「想響應財爺, 但又無錢, 所以就裝修扮住先囉」
店裡有7款粟米杯, 我揀了煙肉薯蓉併紫薯粟米,($25+$5) 靚到不得了, 紫薯上還輕輕舖上香草.
SY:「紫薯同薯蓉好似食緊雪糕咁」, 我:「係呀!嗰樣好似, 不過E杯係暖笠笠嘅」SY:「薯蓉好好食, 真係好食過麥當勞D粟米好多」
當然, 新鮮, 艷黃色的粟米, 又怎可以用機器, 廠製的大陸貨相提並論.
今日的粟米杯似粒粒都有生命的叫:「食我啦!食我啦!」
另一款黑松露粟米杯 ($30), 加入了更多的牛油及蜜糖,
伴隨黑松露, 香味更加肥美.
雖然, 賣相沒有紫薯的爆炸, 但味道更出, 更搶, 更食到停不到口.
之後, 阿太：「不如要多一隻熱狗畀SY,
我想要D魚肉燒賣」, 這裡燒賣竟然有魚肉, 牛肉, 及豬肉, 相對旺角街邊小食店, 有誠意得多.
脆皮腸熱狗($12), 你可能會說:「車!都唔係最平, 宜家傢俬$7都有啦」, 不過, 這裡的腸皮夠脆之餘, 麵包更塗滿牛油及蒜蓉, 好食到停唔到口啦.
我問黃小姐:「點解你哋無端端幾兄妹會開間賣粟米小店呢?」黃小姐:「因為我媽媽係紅磡廣場賣粟米,
賣燒賣, 腸粉好多年, 我哋想將佢嘅理想再介紹畀多D人識」
(哦!原來紅磡係你媽媽開架? 我以前買相機成日食架,
難怪我一入嚟就好似好有親切感啦!!) 黃小姐:「媽媽賣嘅粟米就係自已整, 醬油都係, 所以我哋就一樣, 就連薯蓉, 紫薯都係我哋自家製架, 希望做好D, 唔好掉媽媽假啦」
青出於藍不在話下, 而且粟米屋好有小島風情,
一走入店內, 就似十似離島渡假一樣,
我有少少不捨得踏出門口, 因為我不想回到現實.
地址：大圍大圍村第八街4號
營業時間：星期一至日：12:00-21:00
電話：2543 9999
馬頭圍道37-39號紅磡廣場23C號舖 (黃媽媽的總店)
大仁生活facebook
沒有留言:
張貼留言