朋友B:「希慎Line
Friends Store開啦!! 我要去買嘢」, 我答:「乜希慎唔係不嬲都有間Line Shop咩?」(原來, 今日係2樓PopUp
Store隔離, 開多一間更大嘅)
昨日陪囝玩完「皇室堡」免費「油樂場」之後, 我說想過「希慎」買熊Be@rbrick..., 阿太問:「乜你都鍾意Line咩?」, 阿囝又搭咀:「咩嚟架? (熊仔公仔囉), 熊仔我鍾意呀」
就在啟超道入口, 除了大大隻熊大, 和兔兔之外, 更加有一條長長的人龍, 我問工作人員:「請問佢哋排咩呀?」
工作人員答:「你同熊大影完相, 放上FB, 就可以換張擦擦卡, 會有3萬張卡, 每張卡都一定有獎架」 (嘩!咁正?)
原來, 擦擦卡會連續派26日, (每日下午1時至3時)...今日我們抽到記事簿, 及貼紙. (如果抽到熊大公仔就發達...囝:「抽到件衫都好吖」, 乜原來囝你咁知足)
之後我們走入Line Store, 黃Sally, 綠LEONARD, 白兔兔, 咖啡色熊大, 全部塞滿每一角落...而且任摸任拍照, 氣氛Free爆!
旁邊有小情侶:「熊大筆袋好靚呀, (男友:咁細個無用啦); 個公仔超大個呀, (男友:嘩!$1980咁貴); 有膠布喎, (男友:你實唔捨得用)... 車!乜你都話唔好....」(火藥味超濃...拉走阿囝為妙)
我本來想買這個小背囊, 因為確實攪笑, 但就連阿囝都說:「咁細個, 我裝個水壺都唔得」(細細個都要$250, 絶不惹小)
至於我想買的Be@rbrick, 點解100%沒有熊大呢? (連店員也答唔知...係米一早被人掃晒?? 激死我!!)
有小朋友說:「我想要個熊大公仔做生日禮物」, 我答:「你都鍾意熊大咩?（係呀, 你唔知咩?), 我只係知你叫新屎坑啫...我比你揀要戰隊機械人, 定熊大公仔...二揀一」
小朋友想了又想, 數分鐘後答我:「咁你送熊大, 媽媽送戰隊, 得唔得」(你真係好貪心吓!!)
看來之後一有時間, 經過希慎就換擦擦卡, 說不定擦中熊大公仔, 我就可以省一筆.
由即日起至9月28日, 每日13:00~15:00, 跟熊大合照後Tag官方FB, 就可以換禮物擦擦卡, 永不落空！
沒有留言:
張貼留言