前一個星期六，偶然得知阿囝的3位超人偶像會到荃灣玩具反斗城和小朋友握手拍照，於是當天我們帶齊套備陪阿囝去追星。
阿太說：「吓！去同幪面超人影相你駛乜又帶兩套衫，又帶皮帶，又帶變身器咁誇張呀？」阿囝：「要喇梗係，嗱！同000影相就要帶000皮帶，虎爪同盾牌，咁同銀戰士影相嘅時候，無理由著幪面超人衫呀！係米？所以要帶海賊電話同換爸爸買畀我件銀戰士外套囉，明唔明？」我很明白，但望住無奈的阿太，我知她一定覺得帶如此多東西只有一個煩字吧！
今天超人們會來反斗城作握手會40分鐘，1時開始, 12時45分已經有小朋友及家長到場排隊，000站中間，兩位海賊戰隊企左右，原來，不少小FANS也帶來面具及變身器的，所以，並非只有阿囝如此瘋狂。
我們先裝扮成000合照一次，之後再一面排隊一面變身銀戰士再合照一次，但當準備第二次合照時，剛好超人們需要入後台休息5分鐘再出來，是否全副武裝比較焗呢？老實說，我和幪面超人身型差不多，我也有衝動想試著一下。
我發現如果小朋友穿上超人的裝備，超人拍照時動作也大一點，例如大銀戰士看到小銀戰士上前合照，他真的會拍拍阿囝的肩膀及點點頭，真的似見到朋友一樣，十分攪笑。雖然短短合照兩張相，連同排隊及等候時間，原來我們也花了半小時，認真誇張，不過阿囝就十分雀躍，吃午飯時依然說著合照時的情況，看來他真的太愛超人了。哈哈
沒有留言:
張貼留言