【新開張食$100送$100】爭鮮開餐廳‧平民定食~ $48湯飯任裝

Mikiki地庫, 一個被喻為死場Food Corner, 今晚竟然出現一條纡回曲折的長長人龍...我也排了70分鐘才可以入坐.

因為爭鮮開日系快餐店, 8款定食草根價一律$48...(E個直情係12年前沙士價錢啦, 你話點會無人幫襯吖)

【街機TsumTsum攻略】香港都有得打啦!! @ 九龍灣Virtual Zone

一家三口上星期遊東京, 第一晚返酒店前, 阿太說：「我哋去機舖打TsumTsum囉」(好似半年前都已經開始玩啦喎...咁Out仲有冇得玩㗎?)

原來酒店旁邊的機舖大門就已經有得玩, 而且可能太過時,  根本無人玩. (其實咁仲正！起碼唔駛等先啦)

【貓頭棉花糖】勁殘忍!! 食咗隻貓又得‧塞入咖啡扮拉花又得

「喵~貓怪上咗棉花糖身呀！喵~快啲嚟同佢做朋友，收集佢哋個徽章啦！~喵」

日本「貓部」得意限定~8月份日本東京車站「一番街」行人走廊擺設車仔檔，賣靚到爆炸的貓貓頭棉花糖。

【BB版Slide the City】暑期限定兒童玩水樂園@日本後樂園

暑假，如果你會帶小朋友到日本玩， 不妨考慮後樂園兒童玩水樂園「わくわく！ウォーターガーデン」， 6大遊戲設施任玩， 當中更包括BB版Slide the City.

以上節目是阿太為勁活躍的SY而設的， 未玩前我一直質疑：「唔係呀！山長水遠去日本玩水」，誰知SY真的玩到笑不停， 果然知子莫若母。

【棟篤燒雞】旺角酒吧都有好嘢食!! 鐵板兩味

朋友C走來告訴我:「仁!你睇吓隻雞...棟篤企係度上枱架, 係米好過癮??」

我有點撥冷水回答:「我兩年前去大中華食過喇~(懶得戚語氣)」朋友C接口:「有火燒住架喎...仲有個鐵板雪糕甜品添」

【甜筒Pizza】劣食走入深水埗 @ Move & Pizza

SY除了雪糕, 最愛就是食壽司及Pizza, 今晚我們齊齊去深水埗食甜筒Pizza, SY說:「有雪糕係個Pizza裡頭?」

原來這間薄餅店主力做外賣, 舖位細細, 女店員非常好人, 不停向我解釋甜筒Pizza如何製作...相反另一男店員, 不斷傾電話, 心不在焉, 愛理不理的態度, 真很「趕客」

【奉獻出第一次】九龍城「松本潤」推介~榴槤丹麥酥 @ Oslo Cafe

四位年輕人, 2年前於油塘創業, 兩個月前搬過來九龍城，命名Oslo Cafe重新出發.

(咁油塘點算?), Philix:「無做啦!! 嗰度都無乜人行, 梗係E度好啲啦」 (係囉...今日我仲帶埋毛毛嚟攪攪震添!!)

【生蠔長過部Note4】$238尖沙嘴擦自助餐 ~ 無得輸

話說6月頭PR姐姐來電:「Luxe係iSquare開分店, 想請你哋去試食...」(Luxe未聽過, 上網搵搵...嘩!網民評價幾乎達「明將」級數, 只係差篇潮文咋)

之後「咁啱得咁橋」超愛食蠔的同事C對我說:「仁, iSquare有間任食蠔嘅自助餐, 超抵呀! $238咋, 不過無晒位, 要訂到6月尾」(同事C個肚唔知咩構造, 食Buffet可以隊50隻蠔, 嚇死人)

【一日13個手作市集】堅持心中理想●第一屆手作設計展

相關網誌: 【週日熱烈逛】爆人氣港台手作嘉年華!!! 《重量級》 FUSION午後市集

哈!哈! 4日第二次專程又來闖九展...星期三剛玩完Hello Kitty, 今日再來逛「第一屆手作展」...(一入會場, 點解好似去咗海洋皇宮大酒樓咁?)

「嘩!加芬同小小超呀!! 原來係Lego嚟架!」, 「成幅都係Lego嚟架」, 以上是今日在Calvin的檔位, 聽得最多人講的話說.

【週日熱烈逛】爆人氣港台手作嘉年華!!! 《重量級》 FUSION午後市集

相關網誌: 【一日13個手作市集】堅持心中理想●第一屆手作設計展

陽光燦爛的周末, 我一早到中環海濱逛Afternoon《午後．市集》(8月8日, 9日兩日限定), 雖然我好怕熱, 不過這個手作人的名牌, 一定要去.

這個Fusion市集, 可說是近年最大型的戶外手作市集. 由模特兒退居幕後的Leanne, 正正就是今次市集的發起人之一.

【花花字宙】$88甜品自助餐 ~ 小童仲半價添 ~ 抵!抵!!抵!!!

阿囝一去到餐廳:「點解張枱畫花晒??」店員說:「唔似字宙銀河系咩? 我哋師傅每日都畫個花花字宙出嚟, 啲蛋糕仔就係星球囉」(咁我食咗地球, 定係火星呢?)

話說前幾天, 約了朋友5點才到九展玩Kitty Game Master, 但之前百無聊懒怎算好? 於是就決定與SY歎歎下午茶.

【暑假玩玩玩!!】放假就要盡情玩玩具 @ Toys“R”Us

暑假當然要玩, 玩, 玩, 同玩啦!! 玩甚麼好呢? 當然玩玩具最好.

自從上年我開始儲「Lego人仔」後, 竟然培養起阿囝砌Lego的樂趣...SY:「爸爸!點解你淨係砌個人,飛機唔砌咩?」. (我本來真係唔砌).

【Sanrio家族親子玩！】Kitty‧梳乎蛋 ~ 暑假陪你開心到癲

等到頸都長, 終於又可以喺九展與Hello Kitty有個約會…Yeah!! 今年依然大堆頭…可惜…我最愛的大口, 依然慘被遺忘…嗚嗚

7大遊戲關卡, 3大影相位…最初約魚子媽, 及小小豬媽, 我說:「玩一個鐘乜都夠啦, 係咪?」, 小小豬媽:「我上年玩咗3個鐘喎！」(吓??? 你記錯咗呀??)

【麵包塞雪條??】雪糕三文治原來可以咁中伏 @A-1 Bakery

同事C好興奮跟我說:「仁...A-1 Bakery出咗麵包雪條呀!! 好靚㗎, 雪條裡面有一粒粒麵包, 好想去試呀!!」 (雪條入面塞麵包?? 唔會腍咩?)

放工走到太子地鐵站新開的A-1, 我問店員:「雪條入面點解要塞啲麵包入去嘅?」

【破天荒!! 生果薯片】柑‧蕉‧桃~雜果薯片大測試!

薯片又有新攪作!! 今次又是「湖池屋」,  薯片CrossOver生果, 本來罪大惡極的薯片, 簡直變到健康食品一樣. (自己呃自己真係好容易架!!)

今日我又去樂駝柒, 本來只打算聊聊天就走, 誰知黃小姐說:「喂!生果薯片, 上個禮拜返, 日本仔話好鬼Hit, 試唔試吓?」(生果味嘅薯片聽都未聽過...梗係試啦)

【職業特工隊】一日打足4份工!! 就同你OT @ 挪亞方舟

數數手指, 原來上一次來挪亞方舟已經是6年前的事, 當時SY還要扶住牆邊才識行, 一霎眼他已跑得快過我.

我好想帶正放暑假的阿囝盡情周圍玩, 大玩特玩...我曾經問SY:「你大個想做咩?」, 阿囝一邊玩一邊答:「幪面超人...得唔得?」(其實, 世界乜都有可能, 所以我答佢「得」)

【遊樂青衣】懷舊大繩網 瀡瀡假石山 我想留住這時情

上個月, 如果不是得到港台Erik的邀請, 拍攝「視點31」其中一環節「遊樂場設施」, 我也不知道青衣仍舊有值得回味的親子遊樂地方.

一個超越一層樓高的大繩網, 我相信本港一定買少見少. 一向怕高的小朋友, 一望到我爬上網架上, 呼喚他一起上來之時, 只是颤抖地回應:「好驚!好驚」

【機場親子遊】原來開心到彈起就係咁簡單

話說上星期去博覽館玩鹹蛋超人, 朋友魚子媽說:「不如早少少, 我哋去機場terminal 2玩啦!」(吓?機場都有得玩? 我有冇聽錯呀?)

我這位朋友絶對是機場達人, 單單7月就已經每星期逛機場一次, 魚子媽說:「我住得近麻, 幾蚊車錢, 而且E度又闊, 又少人, 畀細路周圍走都好放心。」(我忽然覺得自己好Tom Hanks)

【老虎!你好嘢】美白咖哩 ~ 連怕辣細路都要添食

朋友推介:「銅鑼灣有間食烏冬好正, 味超濃, 仲要係咖哩嚟㗎, (不過我阿囝唔食得辣), 你信我, 唔太辣佢一定鍾意」(係米㗎??)

結果半信半疑的我, 帶住阿太及阿囝走到邊寧頓街, (即係咖啡弄對面), 因為Tiger Curry不設訂位, 晚飯時間在門外約輪候了15分鐘. (好彩今晚唔太熱咋...)

【大人都可以玩】小小建築師Vs大大大力鎚 @ 愉景新城

精力旺盛的阿囝, 自從復活節跳完彈床後, 不停追問我:「幾時可以再跳呀? 我好想再去玩呀!!」終於, 今個暑假, 小朋友又可以大跳特跳啦!!

我上星期同阿囝講:「星期三爸爸放假, 帶你去愉景新城跳彈床啦...(Yeah! 又有得跳, 好嘢)...」(佢真係興奮到又係屋企個梳化跳嚟跳去...乜真係咁好玩咩?)