2015年2月15日 星期日

【垃圾佬救星】回憶總是收藏好 @ 從此叮噹好安全

儲儲儲!! 就是我每日的任務, 所以本來我家有兩間房, 但現在其中一間房, 已變成不能進入的垃圾房.


上星期, 因為去看《STAND BY ME: 多啦A, 我在垃房內, 千辛萬苦拿出了1997, 第一次與阿太去日本旅行, 購買回來的大叮噹齊齊入場, 無奈被人反對:「咁大隻點攞呀? 大佬...入到場佢坐係邊呀??喊到變豬頭 STAND BY ME


結果叮噹無緣去看叮噹, 我知他很不高興, 因為叮噹好可憐的不發一言, 瑟縮一角等我們回來


不過, 如果要將大叮噹放回雜物堆後的大櫃, 真的如高鐵般的希望工程, 於是懶惰的我又擱置如此艱鉅任務. (阿太話:「你唔係呀!七國咁亂個垃圾房都影畀人睇??」) ~其實, 我覺得更似堆田區.


不過, 我家有一位叮噹殺手, 他由一出世就對我這隻17歲的大叮噹「虎視眈眈」.


從前大叮噹是在梳化陪我們看電視的, 可惜…(大佬...「泥漿摔角」日日發生, 阿囝根本係瘦版技安), 於是我索性放叮噹放入櫃...~SAFE


對於一位懶人, 但心痛最愛叮噹又再次慘被虐待, 怎算呢??? 於是我就上網找找有沒有又便宜, 又方便的儲存公司, 解決我的問題...


!! 我竟然找到一家有專人上門收貨, 及還貨的儲存公司叫AIRBOX, 而且超超超便宜, 一個箱只收$49一個月.


以我算死草性格, 假若同時訂5個箱, 價錢也只是$245, 比市面差不多面積的儲存倉, 便宜大約$150-$200. 而且還有專人送箱上門, 取消服務時又免費原箱交回給我.


簡直連屋企門口都不用出, 就已經有專人幫你一腳踼全包宴, 真的存倉超輕鬆喔!


我決定將SY由幼稚園開始畫的畫, 勞作也好好收藏.


原因阿囝N班時, 他第一次父親節造給我的禮物, 我竟然大意的不知掉了, 還是左放右放, 我已經幾年不見了這份禮物的踪影.


所以我決定要好好收起, 他多年來造給我的生日, 聖誕, 及我的首張人體掃描...


另外, 對於垃圾佬就一定會儲報紙, 其中一份已發黃的蘋果日報, 是我在SY出世當日留起的, 如果, 我一早放入恒溫的儲存箱, 可能質素會保存得更好.


還有, 圖中有兩份同一時的報紙, 一份是錯體版, 我覺得應該有升值潛力, 所以一定要收得密密實實. (你話係米錯得好離譜呢? 不知黎生或馬生會否高價跟我收回呢?)


上網預約上門收件後即時用信用卡付款, 翌日工作人員就致電確認資料,  我預約了星期日11:00-12:00, 結果工作人員11:30致電我10分鐘後到達工作人員還多帶4個箱給我做後備.


阿囝好興奮的跟我出門口迎接AIRBOX哥哥, SY一打開膠箱, 竟然有一個氫氣球突然彈出來, AIRBOX哥哥:「小朋友, 係我哋送畀你嘅見面禮, 小小心意...(大愛波波的阿囝, 開心見牙唔見眼)


AIRBOX哥哥會給我們20分鐘執拾, 他教識我鎖好安全鎖後就對我說:20分鐘後你打電話畀我, 我再入嚟收返5個箱, 好唔好?



於是我們就開始執貨, SY偏咀說:「我好唔捨得叮噹呀!! 我想跟埋佢一齊喎」(而我不知幾開心, 我隻叮噹可以安全離開惡魔...HEHE)


我說:「咁不如你走埋入箱, 一齊畀哥哥送埋入倉入得囉, 仲好有埋個波波陪你玩...


SY想也不用想即回答:「焗死我咩, 我係入面點呼吸呀? (我打開個蓋唔關米得囉) 「你唔駛講咁多喇, 總知我好唔想叮噹走啦」


我答:「你想同叮噹玩嘅時候, 我再CALL哥哥送返佢返嚟米得囉!!SY笑笑口:「幾時都得架? 繼續安撫:「今日CALL, 最快聽日就嚟」


終於順利擺平這位小麻煩, 而又差不多可以找回AIRBOX哥哥回來收箱了.


AIRBOX哥哥檢查好所有箱均被鎖穩, 便準備離開.


AIRBOX哥哥走出走廊, 小朋友依然不捨叮噹, 要目送他坐電梯, 其時隔離的婆婆問:「你哋搬屋呀? (唔係, 因為屋企太多嘢, 所以放啲入倉), 咁好嘅, 有人上門收埋架?



因為實在太方便, 我就介紹埋婆婆, 她竟然好有興趣, 還要叫我幫她預訂3個箱試試喎.阿囝說:「不如婆婆訂嗰日, 我哋攞返叮噹返嚟囉?? 我會好掛住佢架」


吓?? 咁快~





2015年2月14日 星期六

【韓風泣鬼神】芝士拉排骨 愛你愛到死 @ 尖沙嘴 Oppa Coffee Bar Restaurant

我不是哈韓人, 韓劇也只看過半套星星, 不過我最愛排隊試新玩意, 今晚我們就去了試全城熱爆,  韓風芝士炒拉炒拉炒.(返屋企坐電梯時, 連隔離A座陳太都講溶岩炒飯, 就知勁Hit)


Oppa 121日開張, 是目前整條金巴利街唯一一間出現人龍的韓食餐廳, 晚上7點半到達, 經「核數CSY點算, 我們排第三十八, 終於我們呆等了一小時才可由正宗Oppa帶領入店.


因為一早已鎖定溶岩蛋漿炒飯, 不過原來還有泡菜、海鮮、火腿、章魚、雞胸選擇, 因為我怕SY不能辣, 於是就告訴Oppa火腿味, 誰知他竟然指指泡菜後豎起母指並說:Not Spicy


Oppa 推薦一定無錯!!! 之後我又猶豫要芝士拉排骨好, 還是雞翼好, 不過因為同枱的情侶點了雞, 於是我就揀排骨, 以免相撞.


落單約10分鐘,Oppa 拿着放滿泡菜炒飯的鐵板、一壺蛋漿及大膠杯芝士粒來到到我們面前,他先將蛋漿淋在炒飯外圍位置.


之後整杯芝士粒鋪上炒飯及蛋漿上面. (!!鮮黃色的芝士粒粒炒飯十足十路飛的草帽一樣, 可愛到不得了)


再左右兩鐵匙羹,不停在炒飯上極速炒呀炒, 轉呀轉, 十足十跟碟炒飯有仇一様!!


熟練的手勢, 似到少林寺苦練20年鐵板炒飯的高人, 再加一對磨打手, 嚇得SY目瞪口呆.


登登登凳! 芝士溶岩蛋漿炒飯登場啦!!


雖然賣相不太吸引, 不過味道好香, 本來好怕像Risotto一樣好膩好滯, 但奇怪半點膩滯的感覺也沒有.


來到重頭戲火焰芝士拉排骨, 鐵板上6塊排骨, 另一邊則在我們面前舖滿一大杯芝士粒.


之後就由Oppa以火焰之槍不停向芝士粒加熱...


不過, 奇怪的發現全店各枱均主力由Jim表演, 剛才阿Jim忙著其他枱, 當他一有空, 即時又換走剛剛的Oppa, 再由他親自上陣.


留意他雙手, 滿滿的傷痕, 其實我有一刻懷疑他是否有鎅手的惡習, 不過, 我又不懂問...


火焰不停強烈噴呀噴呀噴, 芝士粒亦迅間變成芝士醬. (好過癮, 這兩項現場表演, 應佔售價的1/3, 好睇好睇)


之後阿Jim幫我們用芝士包裹排骨, 扭扭捲捲十足包春卷一樣, 不過又奇怪, 同枱的情侶叫芝士雞並沒有幫他們包春卷, 是否只有排骨才會表示「包紮」呢?


!! 不得了, 這隻芝士拉骨, 好食到似落入凡間的天使一樣驚天動地, 好食到我似十足剛剛饑饉完, 好食到我停唔到口.


微微辣的排骨, 加上又滑又香的芝士, 即使平均要約$50一塊, 我也覺得物超所值, (個人覺得2015年沒有吃過芝士拉骨, 簡直是一種遺憾)


結帳期間, 發現原來負責的女店員, 就是Jim的香港女友, 她說:「全店只有我哋三個櫃枱嘅至係香港人, 其他全部都係韓國人」


八卦的我就問阿Jim手上的傷癢, 女朋友笑說:「唔關我事呀...唔係我整架, 係佢被鐵板辣親呀」(好心痛喎!!) 女朋友點點頭.



SYJim合照後, 我問他傷痕痛不痛, 有半點似MC Jin的他直言:OK! No Problem」之後又繼續火焰噴噴噴. (!! Man) ~下次來我再來, 一定要問港韓情是怎樣開始的...




2015年2月13日 星期五

【功夫熊貓】論武功 俗世中不知邊個高 @ 奧海城

武林盛會竟然出現奧海城, 在毫無期待下, 竟然有一個如同電影一樣的中國式大殿, 簡直意外驚喜.


SY第一時間又跳到阿波身旁, 又大叫:「好舒服呀!!」其實這位小朋友真的任何公仔也不放過.

2015年2月12日 星期四

【拜年系列】Mister Donut賀年曲奇靚到暈 @ 台灣版

昨日我好開心, 因為找到九里香可以代訂「洪瑞珍」三明治之外, 原來還可以預購其他台灣食品, 昨日我一口氣買了三款賀年食品呀!!


其實, 我在訂「洪瑞珍」的同時, 就一併訂了這款Mister Donut 賀年曲奇, 一盒24, 如果早訂還送咕臣, 可惜我遲來了一步.(哎呀! 我好失望因為我一直有儲Mister Donut玩具架)

2015年2月11日 星期三

【終於可以日日食】超抵!! $15「洪瑞珍」日賣600件 @九里香

洪瑞珍三明治, 我終於可以放縱任買任食啦!! $15 超超超抵!! 全靠「九里香」Vico 日日速遞抵港(我今日劈頭第一句就話:Vico你真係造褔仁群呀!!)


去年10月底, PMQ有唐詩詠賣$40洪瑞珍三明治七天, 當日我細細聲問唐:40蚊好似好貴喎!, 當時唐詩詠腼腆的點點頭笑了一笑. (其實我估可能PMQ要同唐平分利潤)

2015年2月10日 星期二

【無敵熱狗】60分鐘等食腸 @ Iconic H 紅磡必嘉街

今日我們花了60分鐘, 在紅磡必嘉街排隊買熱狗... 原因SY某晚電話中撒嬌說:「爸爸你星期日帶我去食熱狗啦!!, 奇怪阿囝從來只愛吃朱古力喎???


當晚凌晨回家, 我發現一隻霉霉縮縮的熱狗, 心想應該阿太買了兩隻, 一隻留給我食?? 不過, 味道怪怪的, 食完我還痾了一晚.

2015年2月9日 星期一

【日本風情話】新年打年糕 大大力初體驗

今日好興奮, 因為可以接觸, 從前只有在「日本風情話」才看到的日本打年糕, 今日還可以親子親手齊齊打.


這個由「香港和橋會」舉辦的新年活動, 原來已經第6, 9成參加者也是日本人, 所以今日我似身處日本一樣.  (簡直唔駛錢去咗日本啦!!12樓內的空氣都充滿櫻花味!!)

2015年2月8日 星期日

【咩嚟啦】My Sweet Piano飛甩Melody單拖賀年 @MIKIKI

Melody!!, 「咦??點解咁似Melody?, 「今次個Melody有啲唔同樣喎?, Mikiki 有粉紅Piano賀羊年展覽, 今日我在場內, 聽得最多的名字就是Melody.


商場要找代表羊年的卡通人物, 第一時間除了想到可以趕絕港人的「喜羊羊」外, 真的很難再找另一位羊朋友.

2015年2月7日 星期六

【唔想你走】喊到變豬頭 @《STAND BY ME: 多啦A夢》叮噹

終於等到睇叮噹, 我意思是《STAND BY ME: 多啦A夢》, 我不是叮噹粉, 不過「離別以前未知相對, 當日那麼好⋯⋯


1980年《大雄的恐龍》開始, 日本每年春季例必會有一部叮噹電影, 不過今次的《STAND BY ME》卻為記念藤子‧F‧不二雄誕辰80周年, 而變成為第一套CG電腦奇怪外貌叮噹外, 更是2014年內日本第2套叮噹電影.

2015年2月6日 星期五

【樓上藝術】手作市集日日逛 @ 山東街 tgt + 慧惠

原來, 旺角山東街開了一間樓上手作市集店, 今日星期三, 估不到毋須等到周末, 一樣可以狂逛市集喎.


百祥大廈正正就在山東街與女人街交界, 不過現場無招牌, 樓梯又被擋, 我錯過了, 返轉頭, 原來就在找換店旁邊行上三樓.

2015年2月5日 星期四

【瀝源村勝地】心靈雞湯打邊爐 @ B哥盛記

一家三口,  201411月某周日,準備到瀝源村「盛記」吃晚飯, 把守「掌櫃」之位的「二佬」華哥:「唔好意思呀! 周末無訂位通常都無位架!!


數年前J2「飲食男女」, 及「珍情品味」先後訪問過有情有義的B, 遲遲抽不到時間到訪, 心癢癢足足兩年有多.

2015年2月4日 星期三

【光煇圍必食】隱藏版漢堡最過癮 @嘉寶小食

朋友W推介:「葵涌有間新開小店好好食!!, 同時傳來一張超正漢堡包相片, !! 即時有心跳加速的感覺. 不用多說, 今晚任務: 《光煇圍嘆漢堡!!


因為去年11, 759茶餐廳開業, 我們來過一次光煇圍, 嘉寶小食就在一個公園仔之隔, 嘉寶大廈旁邊, 一點也不難找.

2015年2月3日 星期二

【集郵買買買】叮噹呀!! 大雄呀!! 豆沙包好靚呀!! @ Stand By Me 多啦A夢

上星期因為工作關係未有時間去與叮噹真身合照, 今日多啦A(叮噹)希慎Pop-Up Store正式開幕, 我當然不會放過集郵機會吧!!


上午一早到達, !! 驚人大發現...叮噹小貨車及限定店本來在啟超道, 但人山人海至一直排到上希慎4樓空中花園, 點解會如此誇張?? 可能【叮噹呀!誰都喜歡你】的原故吧.

2015年2月2日 星期一

【估你唔到】借埋Hello Kitty隻蝴蝶嚟撐場 @TheONE Mr. Men and Little Miss

Mr. Men and Little Miss《奇先生妙小姐》本來是1971誕生, 不過我也是上年暑假才於銅鑼灣「舊食街」正式認識, 為何突然間人氣得半年又來香港一次呢 ??


半年前Little Miss率領一眾朋友仔, 於銅鑼灣名店坊與大家玩嘉年華, 今日我問SY還記得她們嗎?? SY大叫:「記得!! 玩「掟彩虹」贏爆谷麻」…SY果然只記得食.

2015年2月1日 星期日

【鼓舞飛揚】十個舞獅的少年 @ 小小醒獅體驗班 海港城

好奇怪, 我一向對舞獅不感興趣, SY3歲開始, 每次醒獅必大叫:「舞龍獅!舞龍獅! 我要睇!!我要睇」, 次次一定笑笑口看足全程.


上星期發現海港城有一個「小小醒獅體驗班」, 我問SY:「要舞45分鐘好辛苦架喎, 你有冇興趣玩呀?