大仁生活

2014年3月7日星期五

香港花卉展覽2014 真係口水噴得多個浪花 @ 維多利亞公園

「香港花卉展覽2014」星期五3月7日一連10日於維園舉行, 我不愛花, 但今天放假而且未曾逛過花卉展, 所以今天吃過午飯就入維園「打花」.

大鄉里的我還以為花卉展如同年宵一樣免費入場, 哈!! 原來$14一位, 入場還先進得可以拍拍八達通繳付入場費! 晚上東張西望說, 今年花卉展主題花是「家樂花」, 難怪一入場就己經滿是家樂花叢.

今日有幼稚園老師帶同小朋友來參觀, 入場前當然要來一個大合照吧!! 還有參加了寫生比賽的同學們在導師指點下努力繪花.

4萬株六色家樂花圍著動物之家, 伴著多款由花花草草堆成的長頸鹿, 河馬, 大笨象.

身旁有位小朋友對媽媽說:「E個係大笨象媽媽, 後面係小笨象同小小笨象嚟架!!」

有小情侶向男朋友說:「你估E隻係馬定班馬?」男:「係馬啦, 班馬係黑白色架麻」女:「咁嗰邊隻鱷魚夠係橙色啦!」老實說可能只有大會才能辨出馬還是班馬吧!

今日一進場就已經發現龍友們各據一方, 家樂花的一堆, 櫻花的一堆, 其實這唯一的粉紅櫻並不太茂盛, 不過物以罕為貴, 龍友們也努力拍拍拍.

原來, 場中有很多展場, 例如有懲教署, 又有一進場就扮走入海底「卜,卜」聲的海洋公園. 現場還有導賞服務, 導賞員帶參觀人士準備走入房屋署的展區:「大家覺得門口由花砌成咗個咩字呢?係喇6字, 咁個6字又似唔似個英文個e字呢?」接者他們浩浩蕩蕩的入了展區, 我就聽不到為何房署與6字有何關係了.

離開「花團錦簇」再往前行就是一早己龍友雲集的鬱金香區, 原來大會指每年鬱金香也是「主打花」, 不過有龍友說:「點解今年啲鬱金香少咁多同咁矮嘅?」真的嗎 ? 去年真的更高更美更靚? 錯過了.

不過, 去年蘋果日報拍得一張「龍友」口水淋花照, 情景歷歷在目, 估不到今年在我身旁的「龍先生」真的即直揮毫, 大展噴水淋花絶技, 可惜我舉機太遲, 只拍得口水滴滴滴的尾聲.

今天我亦見識了自拍神器, 泰國模特兒, 以及細心的情景創作女龍友, 仔細的以自攜的小道具, 努力為迷仔紙箱人組裝情景, 不過, 我因為沒有耐性未等她完成作品就離開了展區, 走到海洋世界繼續賞花.

海洋專區內每隻生物也能夠活動, 八爪魚及珍珠鷸會閃眼, 海星會揮手, 蝸牛與海參的觸角會不停轉轉轉, 色彩奪目又有機關, 我個人覺得這個展區靚過鬱金香區, 而且比較安全起碼沒有人向我旁邊噴口水.

另外, 展場內還有園景設計比賽, 應該是十八區也有派代表參加, 嘩!! 園林花卉, 小庭流水, 人工樹林, 季軍的日本小屋的前園, 其實我最喜愛, 簡直和我看日劇legalhigh2第8集奥蟹頭的田舎一樣.

亞軍是葵青區設計的泰國風情, 冠軍是屯門區建成的童話小庭園, 應該按門鈴後白雪公主會出來應門的吧!!

今日毛毛細雨粉粉, 但想不到星期五下午也有不少家長帶同小朋友來賞花, 今日人流不算多, 龍友門7時左右便陸陸逐逐的執拾, 看到專家門也準備離開, 我也差不多回家吃飯, 總算見識了原來花卉展是這樣鍊成的.

Facebook : https://www.facebook.com/hayakutang

2014年3月6日星期四

煲煲煲!! 煲劇之寶餓…. Eat 多些 Yo! VILAC 杯麵泡飯無得頂@7-Eleven

阿囝星期六游泳班回家，第一時間發現由7-Eleven送來的日韓美食禮盒，即時大叫：「嘩！朱古力包呀！好好食咁喎，好想食呀爸爸！」

多謝7-Eleven送來的日韓風潮美食禮盒。當中包括宵夜好朋友韓式VILAC泡飯杯麵，HANIL韓風炸醬麵及大黑軒韓國泡菜拉麵。醒神早餐KOUBO夾心軟麵包，下午茶小食正榮堂奶油卷蛋糕，與及阿囝話成日都可以食的RIBON沖繩版迷你泡芙。

阿太話:「正啦!! 一路食炸醬麵一路等我睇埋套DoctorX-2先, 好緊張呀! 頭先講到由金澤轉嚟醫病嗰個院長阿媽唔肯比大門開刀呀! 」這盒HANIL炸醬麵最特別地方就是用紙盒包裝, 記得一定不可以注入太多水, 說明書寫3湯匙, 再放入微波爐「叮」2分鐘即可.

阿仔每日也要看壞蛋獎門人, 今晚擦牙前批准他一邊吃KOUBO朱古力夾心包一邊看15分鐘壞蛋. 阿仔:「朱古力真係好甜真係好食. (壞蛋鍾唔鍾意食朱古力架?)吓! 哎呀! 壞蛋點會鍾意食朱古力架, 你唔知嘅咩?佢鍾意食BANANA架麻.」

至於我就一早看中了VILAC海鮮泡飯杯麵, 杯麵有飯食真的從未試過, 不過因為我怕辣, 所以多加了水及只放入一半的調味粉, 這份辣味剛剛好. 吃完麵條再吃飯, 飯開始變軟, 正!! 雖然這個杯麵飯較一般杯麵飽肚, 不過之後我也忍不住開了包RIBON沖繩版迷你泡芙送「食為奴」, 一啖一個, 不太甜, 但我覺得RIBON比較似迷你冬甩多一些喎。

註: 萬綺雯配張繼聰, 十足如現實版黃宗澤搭楊崢, 當然戲裡戲外的萬二蚊觀眾緣與人緣也好好多.

Facebook : https://www.facebook.com/hayakutang

2014年3月5日星期三

UNIQLO $39限量福袋!! 排2個鐘為慳$261？

UNIQLO一早強力宣傳由今日起, 一連三日全港21間分店以$39元賣88個內值$300元的福袋, 今天放假預計會逛銅鑼灣, 所以也想襯襯熱鬧.

今朝早上10時聽收音機, 陸叔說Uniqlo母公司日本迅銷(06288)上市, 高開26%. (但後來最終也只微升1%收市), 哦!原來Uniqlo慶祝上市, 所以舉行限量福袋活動.

(註:圖片來源:Uniqlo官網, Utravel及Madsoda)

可惜, 早上10時45分到官方Facebook看到網友已留言說所有福袋已售罄, 大家不用排隊. 有點失望, 所以最後也作了一個午睡才過銅鑼灣.

下午走到銅鑼灣利舞台旗艦店, 剛巧有一名女顧客向店員查詢福袋情況, 女店員解釋 :「我哋會分男裝, 女裝, 而且男女裝都再有大, 中, 細碼. 」我問:「如果我聽日嚟排隊要幾點度呢?」店員答:「今朝最早8點已經有人企係門口, 到9點幾就差唔多有180人, 所以, 今日我哋10點3就開門畀大家入嚟買福袋.」

吓! 8時就已經開始排隊 ? 就算是首賣iPhone6我也絶對不會這樣做吧. 從網上由 http://www.madsoda.com/madnews/ 及http://www.utravel.com.hk/ 拍攝得到的福袋開封圖所見, 每個福袋內均有3-4件貨品, 一般也是1對襪配2件2件短袖Tee,再加一件內衣.

(註:圖片來源 Utravel及Madsoda)

老實說, 如果不用排隊, 花$39元當買3件睡衣也不錯, 但是為甚麼會有人願意花2小時, 目的只為了節省$261元(即$300元減$39元)呢 ? UNIQLO估計不會升值的吧 ? 況且款式也未必一定合心水. 其實, 明天我返工前是否應該走去店舖前看看究竟排隊的是香港人, 國內人, 還是受僱的南亞裔人呢 ?

PS: 官網晚上7時發出特別通告, 說福袋反應熱烈, 明天及後天店舖將會提早營業, 這也算是避免混亂的一個好安排.

Facebook : https://www.facebook.com/hayakutang

2014年3月4日星期二

万豚屋奇蹟!! 竟然唔駛等位!! @尖沙嘴豬手烏冬強烈推介

起碼4年沒有光顧万豚屋，主要原因怕太多人，上次在門外排隊也等了個多小時，年初四晚致電，店員竟然說：「有位，E家出面無人排隊…」即是坐車過去開餐。

（望一望日曆，今日正正是農曆二月初五，霎眼間又過了一個月，原來我把這篇文章擱置了30日，老人痴呆的我是否愈來愈嚴重呢？）

走進万豚屋，我問店員還有沒有豬手，她答：「小食的醬油豬手已經賣晒，跟烏冬的還剩一份」本來想點兩碗，唯有一碗改豬軟骨吧。

未到10分鐘，盛在石頭窩內燒得滾滾燙的湯烏冬先上檯，「卜轆卜轆」起著泡冒著煙，熱力迫人。我問店員為何今晚的豬手如此旺場，「差不多啦，每晚大約8點就會賣晒架㕸，可能午市無得食，晚市人人都點掛。」

烏冬上舖滿菜苗，煙煙韌韌的烏冬，配上粟米，肉片及半熟雞蛋，4年如一日的好味道。之後豬手來了，真的不能說笑，豬手已去骨，皮肉之間的肥膏不太多，炆得又腍又惹味。正！

另外，朋友點的豬軟軟骨一樣煮得可以一啖一口的嚼嚼嚼，因為中間的軟骨已經弄得完全軟化，感覺就如在豬肉一樣。

另外我們還點了大大碗的蟹秄蟹肉沙律，炸豬扒，日式煎餃子及南瓜天婦羅，不過一與烏冬及豬手相比，當然則變得平平無奇。

當日，新正頭年初四，店員在我們臨走前對小朋友說:「攞啲糖食啦，新年快樂,，快高長大呀小朋友。」這位女店員真的很熱心，又肯推介那款菜色好食, 那款比較普通，態度一流。

好奇的我問店員現在是否不用再排隊輪候呢？她笑笑口：「唔係呀！每日都要排架，可能啲人唔知我哋今日開，以為年初五先開，所以今日先至唔駛排隊咋。」哦! 原來如此!!

Facebook : https://www.facebook.com/hayakutang

2014年3月3日星期一

排隊啦!! 民豐湯圓滑嘟嘟 @荃灣街市街

話說一個月前到荃灣，經過街市街小巴站對面，發現有一條人龍，基於事事關心精神，我走到人龍中向一位姨姨打聽是否有著數呢？姨姨答：「排隊買湯丸呀！（堂食定要返屋企煮架？）一盒盒買返去，梗係要煮先可以有得食啦！」當日有事忙，不想拿著湯丸四圍逛，於是擱置了排隊購買的打算。

前天，又經過荃灣，又是經過街市街民豐，人龍又再圍著店前，今晚扚起心肝自己也走入人龍中排隊買湯丸。

人龍有分開排隊買即煎韮菜餅，如果買湯圓的又是另一條隊，店舖的右手邊有兩位女店員忙碌的在搓湯圓，我只愛吃甜味，所以我問可否花生，蔴蓉，豆沙三併呢？

店員說：「唔得，只可以駌鴦雙併。」於是我選了花生配豆沙，$25元25粒。店員說：「一定要打平放，今日唔食就放入冰格，最好三日內食啦。」

付款後，我才發現原來有不少客人也選購雲吞及水餃，山長水遠來到荃灣，沒有理由只買湯圓，於是白菜水餃，白菜雲吞各買一盒，即叫即包，民豐的收銀櫃後正正就是一個即製工場，大玻璃窗完全可以讓客人看穿食品的製作過程。不過是否今天人手不足或是其他原因，差不多大部份顧客付款後也要企在一旁等「收貨」。

民豐還有生麵，烏冬，糯米糍，茶粿，粽，不過今天的河粉經己售馨。看來我要多來一次，如果要試盡其他美食。

回家第一時間煮湯圓，細細粒的湯圓，花生及豆沙餡也不太甜，外皮煙煙靭靭，不算太厚，25粒五個人分享，每人五粒感覺剛剛好，阿囝說：「好食，紅紅黑色（豆沙）好食過黃黃色個粒。」阿太說：「真係好香喎，好新鮮味道，真係好食過我哋平時買百佳嗰啲喎。」

第二晚，我們三人再將餘下的15隻雲吞及15隻水餃煮作晚餐，雖然放入了冰格一整晚，但比較往常吃慣的「灣仔碼頭」好食得多，香噴噴而且食得出箇中肉甜的感覺，如果只計重量級肉餡，民豐贏晒。

老實說，民豐的餃子肉餡絕對可以與荔枝角道的「美味」相比較，她們的雲吞正正就是我小朋友時代吃慣的老實雲吞的味道，不過可惜的是略嫌民豐的水餃皮及雲吞皮也比較厚。奇怪！她們有獨立出售自家的水餃皮及雲吞皮，莫非有人天生為厚皮控？

PS：店內牆上貼了一張UMagazine的剪報，原來民豐已有60年歷史，最有趣是兩位台灣姐妹，分別於70年代先後嫁了給民豐的兩位太子爺，真的親上加親。

Facebook : https://www.facebook.com/hayakutang

2014年3月2日星期日

毛毛雨的第十屆大角咀廟會之「表妹係邊度？」@ 福全街

2014年3月2日 (星期日) 第十屆大角咀廟會，這個每年3月例必封了大角咀福全街、合桃街、菩提街、杉樹街等舉行的大型街頭文化祭又來了。

今年阿太與阿囝是第二次正式實地參與，從前阿囝未出世，我們拍拖曾經經過過，又有一年偶然發現巡遊，又停下來玩了一回，今次阿太應該算是第五年見証廟會，而我今年則需要開工，唉！無緣參與，只可以靠阿太拍下來的照片，感受氣氛。

其實，我覺得廟會絕對與大角咀非常配合，推廣中國傳統藝術，振興這個仍然還美麗的街坊地區，福全街早上巡遊表演，晚上千人盤菜宴，廟會真的過癮。(老實說感覺絶對似足日本鄉效的文化祭!!)

我家阿囝十分迷戀舞龍獅，阿太說：「下午3點幾去到，已經人山人海，大鑼大鼓，阿囝就好興奮話抱我睇，抱我睇，舞龍獅啦!! 好野!! 」

「不過其實前面全部都係人，我哋淨係望到人頭，同幾隻獅子囉，不過阿囝話要睇，咁我哋就睇多一弓陣，舞獅都完，本來我哋諗住走去玩攤位遊戲，但係忽然間見到有兩隻獅子仔走埋嚟喎，周圍啲街坊話小朋友摸吓啲獅子頭啦，一年都會好運架」沒有錯，從照片看到小朋友們及阿囝真的很聽街坊提點，個個自動自覺不停摸獅頭不得止，獅尾也不放過呢！