對於一個零運動的仁，跑步、踩單車絕對十年難得一次。今日我卻一次過玩齊兩種運動，而且更走了上希慎38樓天台耕田，真的大開眼界！
我跟SY說：「我地去利舞臺，上次睇熊大嗰度踩單車呀！」SY:「吓？係條街度踩？唔係講笑呀？」
當我們去到達Uniqlo門口，SY大叫：「假架啲單車...唔識郁」不過如果你不停踩，中間森林公仔會不停轉轉轉喎。
幸好因為時間尚早，參加人數不多，工作人員：「佢夠唔夠六歲？(SY大力點頭)130CM好似差唔多…小朋友你要小心D踩呀！」(未及高度的阿囝偷偷笑，直飆上車)
其實不夠高，又要「夾硬」踩大人單車的小朋友，為何也如此有興致，斷斷續續的一拐一拐怎也不肯走。
我又想試一試，於是加入一齊踩，小朋友指揮我：「快啲！快啲…1個圈… 2個圈...停！爸爸，我坐得好辛苦，不如我自己踩返！」(哦！誰要下車？難離難捨總有一些…)
熱辣辣踩單車好辛苦，還是快快走入希慎玩跑步，應該在冷氣間，扮倉鼠，辛苦極有限啦。 (我諗)
「Sweat to Sweet」機跑步裝置，最特別便是一邊跑，環狀跑步外會出現不同「甜言蜜語」，我問：「小朋友可唔可以玩？」在裝置旁的工作人員：「當然可以。」
其實小朋友不夠力，全靠工作人員哥哥，因為他單腳不停為阿囝「發」， 辛苦晒！
因為有人想再玩，於是我又加入倉鼠圈。原來裝置也不算難玩，所以跑得也非常輕鬆，難怪小朋友跑完又跑，玩完又玩！
希慎除了有這兩個大型運動裝置外，原來10月尾至11月初，38樓的天台農圃一樣會開放給大眾參加…(吓？乜天台有得耕田？咁鬼正？真係聽都未聽過喎…)
一上到天台，真的全部也是耕地，我問駐場農夫：「呢度種咗D咩花呀？」Jessica：「全部都係菜黎架…每一格都係屬於大廈商戶，佢地職員會定時返黎淋花、施肥，我就主要做執漏工作。」
Jessica：「鋤泥一定要同一位置落上落上，翻鬆泥土，拖泥就唔正確。」幾十歲人，我應該第二次扮鋤泥，影相做戲扮農夫…又怎會難到我呃Like怪仁呢！
本來天台還設有6場Raw Food天台有機田園午餐，但因為健康素食人人啱，所以網上登記首半日，6場180個名額旋風式爆滿…
雖然今次田園午餐經已滿額，但大家可幾睇睇Raw Food為何物，或者可以自己偷偷師學整呢！
Raw Food不經高溫烹調，所以完全保留食材最原始的味道，及減少營養流失，工作人員很努力地為我們準備健康麥包。
菠蘿青瓜凍湯，十足十在飲甜品一樣，凍凍的、粒粒的，太似在吃沙冰。
杏仁香草醬配小蕃茄、沙葛配牛油果莎莎醬、煙熏腰果蓉配薄脆，健康Raw Food專家阿Gee：「我建議左至右，先食蕃茄。」哎呀！要跟次序？我沒有聽書…不過我覺得小蕃茄夾薄脆餅最正！
野菜凍批，嘩！超健康，一條大菜榚，放入10款不同蔬菜，真的我兩星期也吃不到如此數量的綠色植物，我忽然覺得自己很楊過，與鵰為伴，守齋16年，清心寡慾。
最後，終於來一個最最最凡塵俗世的甜品，伯爵茶香橙朱古力蛋糕，好好食呀！就是那大大塊乾橙片，已經夠煞食！(朱古力是有機的可可造出來嗎？好Rich，好濃味，好圓滿！)
大仁生活facebook
銅鑼灣希慎38樓天台, 竟然有一個大菜田, 你都可以報名玩...
10月24日, 25日
10月31日, 11月1日
11月7日 , 11月8日
開放日...
我唔知到時可唔可以攪攪震, 但我就預先走咗去淋花囉.
快快到以下網址報名啦...每日只有210個名額咋.
http://www.living.leegardens.com.hk/tc/list.php?type=0
