【深水埗試新嘢 】日賣200底!! 鹹蛋餐肉雞蛋仔 @ 原味$10

鷄蛋仔經常食, 差不多勻全港九, 阿太:「深水埗話開咗間新小店, 竟然話有鹹蛋黃+午餐肉, 不如去食囉」

這間在黃金麥當勞旁邊的小食店, 舖面細細但就賣很多小食, 牛丸, 魚蛋, 燒賣, 撈面, 碗仔翅, 餈飯, 豆漿....

【土瓜灣掃街】童年味道腸粉+足料花膠魚肚粥 +神級雞蛋仔

因為上次祖迪帶我們到過紅磡掃街, 耳油未盡所以原班人馬又再相約去鄰區...土瓜灣Encore, 第一站是吃香港情懷香滑腸粉.

祖迪:「 E間麵廠門口兼賣腸粉, 係土瓜灣街坊都知, 傳統又好食, D腸粉有超濃郁米香架」

【低調高手學藝】偽美食車~ 雞蛋仔 + 梳乎厘班戟 超抵超正

話說我由「信和」步行至「現時點」, 每次也走咸美頓街電力站的小巷捷徑, 前日就給我發現新大陸~外牆裝修成鮮黃色美食車的小食店.

SY:「爸爸...有雞蛋仔食喎...仲平Unlce Fong $1蚊添」, 我答:「好多地方都賣得好平, 但好難食呢!」

【炭燒雞蛋仔】夜遊西環~好有驚喜

今日超高興, 仁生走到西環次數, 絶對不足5次, 今晚一口氣吃喝玩樂大滿足...(詳情下周再發文).

晚上11:00, 正當我們準備坐年年賺錢, 但仍死要加價的MTR回家之際, 竟然給我踫上一檔炭燒雞蛋仔檔.

629 全太子東最好食的雞蛋仔 @ 新浦崗 秘製藍苺雞蛋仔無得頂

新蒲崗最近成為我們的新浦點，因為阿囝愛到MIKIKI打卡機，阿太迷戀「雲南人家」的傣家酸荀雞米線，還有我最愛的「629雞蛋仔」。

兩星期前某晚，當我們吃完米線後，走到爵祿街找629，「吓！點解拉晒閘執咗嘅？」左問右問後才發現原來不是結業，只是搬到轉角的彝倫街康景商場。(當晚8時半，629已關門。）

昨天黃昏約6時，我們又再到629，老闆新哥忙過不停，我上前跟他打招呼：「我係網上雞蛋仔大比併嗰果阿仁呀。」一面處理2底格仔餅，一底雞蛋仔的新哥望一望我，笑一笑：「記得！記得！你哋好鍾意食雞蛋仔架？周圍去食嘅？」（其實是我天生無聊又愛食罷了）

我問老闆一般雞蛋仔或是格仔餅受歡迎一點呢？新哥：「抵食嗰啲就最多人食！」629的格仔餅真的較其他店舖的為厚，可惜我不嗜格仔餅，所以今次一樣點了雞蛋仔來吃。

這是我第二次來629，記得第一次已被新哥的絕技～蛋卷般輕脆的雞蛋仔皮所吸引，今次一樣沒有失手，新哥好像還記得我上次寫「一嗚驚人，是否撞彩還是實力的表現，可能我要再多吃一次去證實。」，所以他即時問我：「點呀?? 今次得唔得呀！保唔保持到水準先？」阿囝：「好好食呀！」答案當然是：「咁好食，絕對實力表現啦！」

我們逗留了半小時，可能是放工時間，新哥真的做到無停手，有熟客來寒暄：「喂！你頭頂嗰幾樽係咩秘方遮？」新哥話：「講得你聽一定講啦～好忙呀！你睇～掛住答你整燶咗底喇！（新哥即時掉了燒燶的雞蛋仔，向客人道歉又即時再焗一底新的。）」

其實，我們想與新哥來一張合照，但因為實在太多人，所以，我們到了MIKIKI逛了半小時再回629，晚上7時左右，人流終於散退，新哥襯鬆一口氣期間走過隔離生果店拿了一盒藍苺：「整份特別版畀你哋試吓～藍苺雞蛋仔」

嘩！簡直想也沒有想過藍苺可以配雞蛋仔，新哥說：「熟蕉雞蛋仔都好好食架，不過隔離E家無蕉賣呀。」

八卦的我又追問629的雞蛋仔外層輕脆秘技是怎樣煉成的呢？新哥一面將藍苺放入雞蛋仔鋼模內一面答：「E條FORM我之前研究咗成年架啦，又成日走去問啲整餅師傅，改良又改良先造得出嘅。」

原來629未在爵祿街經營前也是在筲箕灣低調高手附近開業的，當年東大街真的卧虎藏龍。

一般雞蛋仔製作需時3分10秒，不過藍苺雞蛋仔需要更長時間，每棵雞蛋仔內藏一粒藍苺，秘技蛋卷外層，酸酸甜甜的藍苺混入少少蛋醬，層次感可以說是非同凡響，連阿囝也說：「酸酸地好好食呀，從未食過咁好食呀！」

我一向也說食物主要食感情，這款秘製藍苺雞蛋仔不止暖入胃更加暖入心！真的沒有騙人，好食到不能停口。我決定下次來定必自備熟蕉，縱使新哥笑說要收我「開平費」，哈！哈！無所謂, 因為我一定要試蕉蛋仔呀！

相關網誌:

雞蛋仔大比併 ROUND 2 「太安樓」「低調高手」「629」「UNCLE FONG」

http://dayanlife.blogspot.hk/2014/01/round-2-629uncle-fong.html

食蟲食到新浦崗＠J2飲食男女感動的「情牽米線」雲南人家

http://dayanlife.blogspot.hk/2014/01/j2_18.html

Facebook : https://www.facebook.com/hayakutang