網頁

顯示具有 便利店 標籤的文章。 顯示所有文章
顯示具有 便利店 標籤的文章。 顯示所有文章

2014年6月5日 星期四

LINE噏球會!!熊大大力神盃入手啦!! @ 7-Eleven

好開心!! 好開心!! 昨日成功入手熊大大力神盃!! 真的靚到不得了!!


阿囝一看到即時說:「個金色足球有三隻雞仔架喎!!」其實, 莎莉是雞還是鴨, 我到現在也攪不清楚. 不過至於那個熊大大環保袋, 雖然阿囝不停叫我拆開給他用, 但我真的不捨喎!!

2014年6月3日 星期二

LINE噏球會!! 我要換熊大大力神盃呀!! @ 7-Eleven

等到啦!! 6.4!! LINE噏球會好靚! 第一次在網上見到已經想換, 看來今日開始要不停食食食7-Eleven.


 因為日日玩Line Ranger, 日對夜對我已經對 Brown, Cony, James, Sally 同埋Moon好熟, 好熟非常熟.

2014年5月13日 星期二

Kinder出奇蛋 7-Eleven OK 華潤 邊度都有得換索柏!!

話說上月尾我們經過華潤超級市場, 發現十分搶眼的One Piece X Kinder 出奇蛋宣傳貨架, 當時買滿$15 Kinder 產品加$19.9就可以換索柏背囊, 不過, 阿囝說:「我唔鍾意袋呀! 有冇公仔換呀?


2014年4月16日 星期三

復活節扮復活兔去搵野食@7-Eleven

今日阿囝非常興奮, 除了因為他長達6日的復活節假期正式開始外, 還有他收到7-Eleven送來的復活節小禮物.


2014年3月25日 星期二

7-11 x 迪士尼米奇老鼠「米術珍藏」我要換Dumbo @ 7-Eleven

7-Eleven X Hello Kitty 的長途換購賽上個月終於完成, 今日開始換米奇老鼠啦!! 其實, 已經不用理會是否「迪士尼90周年紀念」, 因為一見到這堆小小的鎖匙扣, 已經吸引過對家便利店的CRAFTHOLIC啦!!


一套12, 不過望真一點, 原來米奇包辦了7, 我問阿囝那一款最鍾意, 他望一望:「黃色嗰PoohPooh, 爸爸你知唔知點解吖, (我搖搖頭) 因為壞蛋係黃色, 佢又係黃色麻.


我就第一眼已經「扮鬼扮馬組」的Dumbo及小木偶最可愛, 不過老實說, 因為7-11 一向也是抽選形色的, 如果換了「非常特色組」真的不是太高興, 因為個人覺得顏色過於平淡.


今次「米術珍藏」沒有推出屋仔收藏情景, 只有$88元換購 12個六角形陳列架, 哈哈!! 陳列架對我來說吸引力不大, 今次我不用花錢買屋仔了.



今次7-Eleven官網一樣有遊戲玩, 像是愛的宣言的遊戲, 大獎是一套12隻「米術珍藏」六角形陳列架, 其實, 我最想知這個「米術珍藏」玩足2個月, 下個月會不會有第二期的驚喜特別版加入呢 ?? 期待中….


2014年3月6日 星期四

煲煲煲!! 煲劇之寶 餓…. Eat 多些 Yo! VILAC 杯麵泡飯無得頂@7-Eleven

阿囝星期六游泳班回家,第一時間發現由7-Eleven送來的日韓美食禮盒,即時大叫:「嘩!朱古力包呀!好好食咁喎,好想食呀爸爸!」


多謝7-Eleven送來的日韓風潮美食禮盒。當中包括宵夜好朋友韓式VILAC泡飯杯麵,HANIL韓風炸醬麵及大黑軒韓國泡菜拉麵。醒神早餐KOUBO夾心軟麵包,下午茶小食正榮堂奶油卷蛋糕,與及阿囝話成日都可以食的RIBON沖繩版迷你泡芙。


阿太話:「正啦!! 一路食炸醬麵一路等我睇埋套DoctorX-2, 好緊張呀! 頭先講到由金澤轉嚟醫病嗰個院長阿媽唔肯比大門開刀呀! 這盒HANIL炸醬麵最特別地方就是用紙盒包裝, 記得一定不可以注入太多水, 說明書寫3湯匙, 再放入微波爐「叮」2分鐘即可.


阿仔每日也要看壞蛋獎門人, 今晚擦牙前批准他一邊吃KOUBO朱古力夾心包一邊看15分鐘壞蛋. 阿仔:「朱古力真係好甜真係好食. (壞蛋鍾唔鍾意食朱古力架?)! 哎呀! 壞蛋點會鍾意食朱古力架, 你唔知嘅咩?佢鍾意食BANANA架麻.



至於我就一早看中了VILAC海鮮泡飯杯麵, 杯麵有飯食真的從未試過, 不過因為我怕辣, 所以多加了水及只放入一半的調味粉, 這份辣味剛剛好. 吃完麵條再吃飯, 飯開始變軟, 正!! 雖然這個杯麵飯較一般杯麵飽肚, 不過之後我也忍不住開了包RIBON沖繩版迷你泡芙送「食為奴」, 一啖一個, 不太甜, 但我覺得RIBON比較似迷你冬甩多一些喎。

註: 萬綺雯配張繼聰, 十足如現實版黃宗澤搭楊崢, 當然戲裡戲外的萬二蚊觀眾緣與人緣也好好多.




2013年12月31日 星期二

7-11 HELLO PARTY 成功闖入銅鑼灣 Hello Kitty 大口仔 水怪 XO係咁圍住你

星期日走到銅鑼灣工展會前, 經過SOGO門口, 竟然見到7-11 HELLO PARTY 的宣傳廣告燈箱, 一個巴士站的燈箱. 華麗慶典的水晶城堡藏入巴士站內, 不少途人也和我一樣停下來影影影.

燈箱內的華麗城堡不是我們在7-11可以換到的版本, 相比起我家中普通城堡更高, 更大, 更靚, 會不會有機會可以換購呢 ? 圍繞著水晶城堡的就是24款兩個系列的HELLO KITTY & FRIENDS.

大口仔, KITTY, 馬騮, 企鵝, XO等除了圍著城堡不停轉轉外, 旁邊一樣有齊他們24位不斷被升降台升高, 降低的來來回回, 好熱鬧, 有途人一邊影, 一邊對朋友說:「新果一款公仔連水怪都有喎, 好靚呵!! 頭先地鐵站個蛋糕都唔識郁, E度靚好多...」我八封問問她們, 原來銅鑼灣地鐵站大堂一樣有個HELLO PARTY, 於是我就即時走落去看看.

地鐵站大堂真的有一個很大很大很的大蛋糕, 這應該是今個月15日開始換的蛋糕擺設的放大版本. 大蛋糕入面企滿所有KITTY朋友, 不過, 因為這個大蛋糕沒有機關, 所以各卡通人物不會走來走去, 又真的沒有街頭巴士站的燈箱擺設來得開心.



銅鑼灣真的很多大陸人購物, 有女士二話不說當HELLO KITTY 蛋糕是椅子, 坐了上面休息, 我真想對她說「E張唔係凳嚟架!!, 不過, 後來她的愛人來到, 她即時樹熊上身攬住他的大陸愛人相擁走了. 還有15日新的「快樂童話系列」又來了, 蛋糕蛋糕換蛋糕, 不知今次蛋糕擺設又可不可以預訂呢 ?


2013年12月21日 星期六

HELLO PARTY 7-11送來的大禮物 今個聖誕超快樂 華麗慶典 HELLO KITTY配美麗城堡比美麗更美麗!!

未到聖誕節, 但今天參加完阿囝學校舉行的聖誕表演回家後, 忽然收到7-11送來的驚喜禮物, !! 一盒SIZE如同家中21吋螢光幕大小的聖誕禮物, 靚到不得了!!


真的非常感謝7-11送來這份珍貴的禮物, 阿囝O嘴地說:「好大盒呀, 好靚呀, 點解有個HELLO KITTY係個盒上面嘅 ? 我請他打開大盒看看, 一個花型的金色KITTY&DANIEL貼紙包裹超精緻的禮物.


嘩!! 一打開, 連我看覺得靚到「O嘴」起來, 禮物內包括了現在7-11正在換購的華麗慶典HELLO KITTY派對人物, 有手執戒指糖的HELLO KITTY公主和有小老鼠陪同的DANIEL王子, 又有我的最愛大口仔禮兵及紅寶石王子.


7-11真的很有我心, 可能知道我抽來抽去也抽不到至愛大口仔, 所以特別為我送上, 真的有感受寵若驚呢!! 阿囝很快的說:「終於有爸爸最鍾意嘅大口仔喇, 我就最鍾意KEROPI主教, 好野!! 仲有4隻就齊晒啦!! (下個月15號又會有新系列喎, 到時又有新KEROPI同新大口喎), 咁我哋到時再換啦, 不過, 到時會唔會重複返E家啲公仔架, 咁米好難換到 ?


!!!!他果然問了一個好問題, 看來到快樂童話系列推出時, 真的要問問7-11店員了.


聖誕禮物還有一對很閃, 很靚的香檳杯! 2隻杯身也刻有HELLO PARTYLOGO, KITTYDANIEL妳眼望我眼的鼻踫鼻表情, 我好鍾意!! 老實說, 我絶對不想用, 不過阿囝已經鬼鬼怪怪的說:「我要同媽媽乾杯, (小心打爛呀, 我要儲架小朋友!!), 知道啦唔該爸爸幫我酙啲奶, 媽媽就飲利賓納啦」於是就出現了鮮奶與利賓納踫杯的古怪情況了.


我一向習慣儲6個印花, $20抽公仔的, (因為以我心急的性格, 要集齊16個印花才免費換一個公仔的話, 實在需要太多時間了), 現在我們的目標就是下月「快樂童話系列」的KEROPI葵扇爵士, 水怪階磚爵士及大口仔弓箭手, 還有就是要儲定印花準備農曆新年的節日大口仔及五福財神KEROPI. 



!! 放在發光的美麗城堡上的KITTY&FRIENDS, 好靚!! 靚到不得了呀!!!


2013年12月4日 星期三

7-11 Hello Kitty Hello Party 華麗慶典系列 燈飾城堡很難換!!

今天是7-Eleven 換購Hello Party 華麗慶典系列 的第一天, 而燈飾城堡也是早上8時就開始換購, 為免找不到城堡, 今天我8時就走到樓下街的7-11搶購.


我家的7-11已進行大裝修約1個月, 真的七國咁亂, 店員還在執拾時我走去問她:「唔該, 我想問吓係米有城堡換呢 ?」店員:「經理未返, 要等經理返嚟先可以換」因為趕返工, 於是唯有找家人稍後換購, 結果, 不足10分鐘後家人致電我說:「等到經理返嚟, 經理就話全部換晒喇喎」幸好, 屋企人代我到另一間7-11成功換了城堡回家.


晚上放工, 左想右想, 一個城堡只可以放上12隻公仔, 但今緝一套30隻, 是否要換兩個城堡才可放畢全部公仔呢 ? 於是放工回家途中, 我想多換一盒城堡, 不過家中附近每一間7-11, 在Display櫃上也貼上「經已售罄」四個大字, 空手而回的我, 真的有少少失望.


回家後, 帶同阿囝齊齊走到樓下的7-11 加$20元即時換購了三隻公仔, 唉!! 我的最愛大口仔, 阿囝的最愛青蛙一隻也換不到, 雖然法老王XO的造型也相當吸引, 不過, 我只鍾情大口仔呢!!


今次的城堡是全透明設計, 前方有一個用軟身膠製作而成的皇冠, 一個透明的Hello Kitty置於城堡正中心位置, 不過略嫌顏色太過清淡, 可能是要配合小LED發光的原故, 所以就一定被迫改成透明, 如果, 今次於上期ONE-PIECE的烈陽號作比較, 個人覺得上次的烈陽號比較吸引, 起碼真的有這個角色吧.

2013年12月3日 星期二

7-11 Sanrio Hello Kitty城堡系列又襲7-ELEVEN

7-Eleven 又換 Hello Kitty & Friends , 感覺好像剛剛才換完Hello Kitty的樣子, 於是翻查資料, 豈料原來對上一次己經是一年前的事, 一霎眼又一年, 時間會不會過得太快呢 ?


美其名Hello Kitty 40週年紀念, 老實說雖然年年都換一次, 但如果設計得美麗, 精緻又怎會沒有捧場客呢 ? 今次第一彈十二隻, 稱之為Hello Kitty & Friends Hello Party 華麗慶典系列, 第二彈為快樂童話系列, 再加上節日特別版, 總共一套30隻, 是不是很有印象呢 ? 對!! 沒有錯, 玩法與去年一模一樣, 由聖誕前一直玩到情人節後, 也是 Hello Party!


去年是HELLO KITTY甜品Cafe, 換購的是HIGH TEA SET, 今年換購的是「閃亮城堡」入電可以發光的, 效果好像很不錯, 雖然我不是每款, 但這個「閃亮城堡」好像不能夠企齊30隻公仔. 即是要最少換兩個城堡才可以成團 ?? 很有難度吧!!


今年加了新角色, 水怪, 企鵝及Patty&Jimmy, 點解等了兩年還未能我的最愛RURURU的蹤影呢 ? 如果你問我最想換那一款, 不用想答案一定是扮禮兵的一對大口仔及馬騮仔, 當然第二系列的羅賓漢大口仔也一樣吸引.


2013年10月16日 星期三

復仇者聯盟Avengers 爽朗 @ OK 便利店 Iron Man Captain America Thor

今日途經OK便利店,竟然發現爽朗香口珠有新包裝, 復仇者聯盟Avengers 特別版, !好靚呵!! 4款口味, 印上Iron Man, 美國隊長 雷神, 對於一名收藏垃圾佬,當然不會錯過, 立即付款.



其實我不太明白, IRON MAN電影一早已落畫, DVD又於上月推出了是不是用來宣傳雷神2 ? 不過,雷神又不是重點宣傳喎. (因為Iron Man 有兩款雷神得一款付款時店員對我說:「今日返埋啲文件袋你換唔換埋 ? 她拿出一疊其實得兩款每款要另外加$6.5購買當時沒有考慮即時付費.


後來在地鐵上拿folder出來欣賞時, 發現folder後面印著39台幣, 老實說,印刷並不是十分精美, 而且還有一點點深水埗FEEL, 我估計可能是半年前台灣的宣傳品賣剩貨吧. 不過, 十元八塊個人絶對覺得值得收藏吧. 事後, 本來, 我想到7-11再購買一套, 當然是因為貪可以有One-Piece 印花吧, 但走了數間7-11也發現他們沒有加入宣傳行列, 全部爽朗也是舊普通版為何只有OK有得賣呢 ? 真有少少失望!!!



2013年10月10日 星期四

7-Eleven日韓風 初試醫肚之王 2PM 韓式即食年糕 Cooksi 米粉勝出前一丁好多 @ 7-11新口味


對於返夜班的我來說, 吃宵夜已經是習慣, 但凌晨過後除了麥當奴, 就只有7-11可以解決食的問題, 經常吃合味道杯麵, 開始有少少厭, 最近電視廣告不時出現型男美女在7-11食關東煮, 咖哩飯, 好像今期的日韓風宣傳做得十分吸引, 於是我也要去試試新口味.


我未嘗試過即食的韓式年糕於是今次就試試新東西和韓式米粉打開年糕的包裝盒內裡有一包真空的韓式年糕及一包辣湯粉還有一支叉說明書說可以沸焗8分鐘或者用微波爐「叮」煮!! 開餐~~~



個人比較愛吃腍一點的年糕, 愈是煙煙韌韌愈好, 所以, 我略嫌焗出來的效果不理想, 結果, 我焗後再放入微波爐「叮」了數分鐘, 吃慣即食麵, 第一次吃即食年糕的感覺不錯, 可惜, 我不能吃辣, 所以, 辣醬年糕就交了給阿太負責, 我則比較愛另一款湯年糕, 香噴噴熱辣辣, 可能新鮮感的關係, 湯年糕好像較杯麵來得美味。(這牌子叫2PM, 我最初還以為叮2分鐘即可進食的意思!!)()


另外韓國的泡菜米粉也不知是否少吃的關係, 個人覺得味道更勝出前一丁的米粉. 與其說是米粉, 不如說是較幼身的米線, 因為它的質地很滑身, 十足十是米粉外形, 米線口感. 好吃!!




不過, 怕辣的我只能放半包調味粉, 還要多加再多一點的熱水, 配上冰凍飲可樂來進食,愈食愈開心, 這款米粉份量較平常吃慣的出前一丁為多, 所以更加適合我. 一面進食, 還要開大廳中冷氣, 雖然只是少少少的BB, 但我一樣吃得汗流披面, 看來真的十分水皮.


2013年10月5日 星期六

帶7-11小食入迪士尼 好食, 好玩 誰說不可以 ? Gooda 米通 長崎蛋糕 Vs 過癮 Sugga 朱古力筆

話說星期五我們要入迪士尼玩黑色「 好玩 唔好叫」 Halloween, 每次入園前我們也要為阿囝準備一些小食, 事關可以為等候排隊時解解悶及醫醫肚. (提外話: 迪士尼也可以帶外來小食入場, 我真的不明白為何海洋公園何時變成為帶一個麵包入場也被拒諸門外, 個人對海洋公園有點反感)



最近7-Eleven引入了一大批日式, 韓式的小食, 外觀非常吸引, 於是我們決定帶這些小蛋糕, 小米通入場解悶. 不過, 阿囝還未入閘已經急不及待,嚷著要開那個朱古力米通來吃, 一盒三條,剛剛好我們一人一條, 他一面食一面行一面說:「朱古力真好食, 朱古力真美味, 買!買!買! 不停咁買!切勿浪費, 做人要惜食 !千萬別浪費!」 我問朱古力米通與惜食有何關係呢 ? 他答:「好食吖麻, 所以要食晒喇」 咁都得 ? 不過, 如果以我自已口味, 香蕉味較朱古力味更好吃, 更香, 更濃.



還有一款叫和泉屋的長崎片裝蛋糕, 有兩款味道, 抺茶及蜂蜜, 非常軟, 非常鬆, 但一包一定不夠喉, 可惜我只帶了兩包, 我比較愛抺茶味, 因為蜂蜜味較甜, 不過阿囝就愛蜂蜜, 在排隊玩越野飛車期間, 不用9.9就秒剎了整片蜂蜜蛋糕.



另外, 於7-Eleven買任何包/蛋糕加$10就可以買一支Sugga朱古力筆, 當然我沒有帶入園, 這麼好玩的東西就留待今早, 給阿囝早餐時練練畫功吧. 我最初還以為不同顏色就是不同口味, 原來全部也是朱古力味, 只是不同顏色, 畫出來更靚而已.



朱古力筆開袋後, 本身是「硬掘掘」的, 一定要浸4-5分鐘熱水裡, 朱古力筆才會變軟, 之後才可以「唧」畫. 一支筆大約可以畫一片方包, 所以我給了兩支阿囝玩, 結果他第一片包畫了超人, 第二片包就畫了怪獸大學的毛毛, 他指定要對著毛毛來畫. 但很奇怪, 他畫完又很快的吃掉了整片麵包, 他之前還自讚:「畫得真係靚呀!!」後來我問他為何吃得如此快呢 ? 他說:「係吖! 朱古力好食, 梗係食晒啦!!」~(激死)