2019年12月2日 星期一

【$775親子2日一夜】3大戶外放電Games+聖誕甜品班+8大回本自助餐 @ 天水圍好去處

因為SY考完試, 很想一家人可以輕輕鬆鬆渡一個周末, 所以又帶SY去他非常期待的酒店食住玩, SY:「好嘢! 又可以同子子一齊揸車, 又有得食自助餐真係好, 爸爸, 我想帶埋部Switch去同子子一齊係酒店房玩喎」


跟朋友齊齊去天水圍酒店渡周末, 來一個平玩親子Pre-聖誕本地遊吧!!



在匯合子子一家之前, 我們當然要先CHECK-IN, 走上房間放低行李, 休息一回..SY:「我哋房間可以望到球場同泳池呀! 我都想去游水呀!」(不過, 我哋都無帶泳褲喎~點游呀?)



SY走入洗手間說:「我今晚要浸浴缸, 你睇個浴缸幾大」


期間房間電話嚮起來, 我也猜到是子子在房間打給我們, 誰知我一將聽筒拿給SY, 有人大叫:「Room Service」, 嚇得子子頓時收線. 我:「畀我都收線啦, 快快打返畀子子啦, 我哋要落去揸車啦, 你去唔去吖?」


絶招一出, 心急想玩車的SY即時答應並立刻用致電子子媽的手提, 之後說:「攪掂啦, 我同子子都會即刻落去渣車啦」


我當然知道你想快快賽車吖...小朋友就是極度期待3大戶外放電Games...每個家庭可以有3張遊戲卷, 任你玩那一款放電Game!


「我是小車手」 (每卷玩15mins) 這項有兩款賽車可以揀選, 對於比較成熟的小朋友, 建議大車速度感一流.


頭搖又尾擺 飛翔境界, 想不到玩具車的速度也可以如此震撼, 可能連SY也未有預計駕駛得如此高速, 所以小朋友也進入忘我境界.


馳騁賽道又再衝衝衝, 有人幾乎玩到不想離開, 我:「不如你試玩其他啦, 因為賽限每次5部車, 讓一讓其他小朋友玩呀!」於是, SY跟了子子去「彈跳天地」 (每卷玩10mins)



 不過SY可能已經對彈床不太感興趣, 只見他跟子子在彈床你捉我捉2-3下, 便轉場玩「泡泡樂園」 (每卷玩10mins) .


這個「泡泡樂園」 有大泡泡工具, 又有小泡泡工具, 大人一樣可以影靚靚IG相, 小朋友更加玩到全手皂泡也未有停止的跡象.


工作人員:「嘩! 你哋玩到出晒汗喎」,  子子答:「唔係呀! 係D泡泡嚟㗎 , 唔係汗呀!」


當然, 如果泡泡跟賽車, SY及子子也是心繫賽道, 於是轉頭他們又上場再飊車去也! 作人員不停對SY大叫:「唔好開得太快, E度唔係玩踫踫車!」不過, 其實試過在賽道飊車的朋友, 也知道這種速度感是十分爽的呀!!


之後, 我們的第二個任務便是變身「聖誕小廚神」自己做甜品雙CupCake...


一切由打蛋開始, 加奶加糖加麵粉...我們全程跟足師傅的指示, 當然沒有難度啦.





之後將蛋漿攪拌注入CupCake模, 就可以交給工作人員放入焗爐. 在爐蛋糕的同時, 小朋友便為獨角馬及彩虹Cupcake製作裝飾的草地, 天空,  獨角馬的耳及角, 還有天空上大大小小的雲彩.


裝飾用的全部也是糖霜, 所以嗜甜的SY說:「食唔食得㗎? 多咗出嚟掉了就好浪費...」工作人員經過又偷笑說:「你又偷食呀?」(係囉! 佢最鍾意偷食糖)


SY一邊為獨角馬畫眼, 我一邊說:「點解你畫到好似怪獸咁嘅, 你覺唔覺得好恐佈?」; SY:「唔係吖! 好靚呀! 爸爸都唔識欣賞就真」


Cupcake面世不夠2分鐘, 便由阿太, 及SY放進肚內...SY說:「真係好食喎, 媽媽你覺得呢?」; 媽媽:「個CupCake就好食, 上面D裝飾好甜 (係呀! 係呀)」; SY:「甜先好食呀!」


當擔任完地獄廚神後, 小朋友又走了出戶外繼續「捉依欣」, 他們真的有放不完的電....之後大家稍作小休半小時, 又到SY最渴望的自助餐時間...


SY問子子:「你最想食咩先呀?」; 子子:「煙三文魚」, 而SY就拿了壽司及刺身...


我問SY:「你哋兩個都係食三文魚, 一個生一個熟, 我都好明白, 但係點解你會攞多一粒馬卡龍呢?


SY:「因為你唔快D攞, 一陣就無晒馬卡龍㗎啦」(你真係馬卡龍專家喎)


食自助餐一定要第一時間影影影, 因為現在不拍攝, 之後食物被清光就不用拍攝...阿太:「我最鍾意食蟹腳,  一定要食....夾埋D龍蝦先, 係海鮮我就鍾意㗎啦~」


啖啖肉的蟹腳, 鮮味又彈牙, 阿太食到㗳㗳聲, 真的很滋味 ( 回本位1: 松葉蟹腳)


同一時間, 子子爸子子媽已經KO了半打生蠔, 子子媽說:「美國蠔海水味唔係咁重, 質地介乎Creamy 與 爽之間」


當然我也忍不住拿3隻肥美美國蠔放入肚內啦

回本位2: 冰鎮美國生蠔

我推介的回本位3 + 4 : 即煎鵝肝 + 即煎羊架


我的鵝肝入口即溶, 外皮又脆, 好好的一個美食享受, 不過, 老仁家唔敢食太多, 2件起3件止, 其實, 我仲想食呀!


我問子子:「羊架好唔好食呀?」 ...其實, 望著肥廋相間, 油光豐盈的羊架, 我已經想一啖咬入去. 子子:「梗係好食啦」


我見子子一咬, 肉汁已經由嘴邊滲出...我都急不及待將我的肥美羊架, 大口大口吃入肚了



阿太:「你又唔食我D蟹腳, 但係你又攞蟹腳伊麵?」; 我:「點同呢...我係熱食, 仲有上湯龍蝦煮出嚟, D麵都入晒味...無敵呀!」



回本位5: 上湯龍蝦松葉蟹肉燴伊麵

回本位6 : 雪蓮果海螺湯 - 阿太:「好潤喎, 好飲喎」 (如果要我推介, 我會力薦這裡的中湯, 好飲到我添了兩次)


回本位7:  SY:「即場煮日本獅子狗叉燒烏冬好好食」


我:「我嗰碗加勁多粟米仲更加好味道啦」


之後, 我們走了去排隊等光波梳乎厘, 子子:「師傅, 我哋仲要等幾耐呀?」; 師傅:「再等多2-3分鐘就得」


子子媽一羹放入梳乎厘說:「嘩!! 真係出晒煙喎」; 熱辣辣香噴噴...SY同子子二口同聲說:「好好食呀! 我哋食完再去排過隊囉」 ; 不太甜的梳乎厘真的很不錯.


回本位8 :光波梳乎厘

玩完一整天, 真的累到一個點, 不過, 只是我一個人累, 小朋友們又在房間繼續玩Switch,  嘻嘻哈哈, 其實開心就是這麼簡單, 可以和屋企人及朋友一起便已經最快樂. 平安是福! 但現在開心, 平安, 和平真的有點奢侈了.


而這裡房間可以一直至中午12時才退房, 不要問我, 他們星期日早上除了吃自助早餐外, 還做了甚麼, 因為我與周公有個約會...



冬「逸」聖誕家庭樂住宿計劃
2019年12月15日前預訂住宿計劃可享8折優惠 (名額有限,先到先得)
優惠:
‧豪華客房住宿一晚
‧自助早餐2位成人及1位小童
‧聖誕小禮物(一份)
‧「聖誕小廚神」繽紛彩虹及獨角獸杯子蛋糕製作班 (一堂)
‧三項聖誕特備戶外活動 (我是小車手、泡泡樂園及彈跳天地)
‧免費使用健身室、蒸氣浴、桑拿浴、小朋友天地及戶外遊樂場

三人同行$880起

備註:
‧優惠適用於2019年12月21日至31日
‧額外每位小童需另加港幣$350及加一服務費 (已包括自助早餐、聖誕小禮物(一份)、「聖誕小廚神」杯子蛋糕製作班(一堂)及三項聖誕特備戶外活動)
‧每間客房最多可額外多加一名小童
‧以上價格需另加10%服務費及適用之政府稅項
‧以上價格不可與其他折扣及推廣優惠同時使用
‧以上資料如有任何更改,恕不另行通知
‧如有任何爭議,嘉湖海逸酒店保留最終決定權

預訂:2180 6688
電郵:rsvn.hprc@harbour-plaza.com
詳情:https://bit.ly/2pFzHpC

自助晚餐​ (18:30 - 21:30​ )
成人$468 小童 $330 長者 $438
**(聖誕節 12月24-26日 價格有所調整)**

地點︰紐約紐約餐廳 (酒店二期大堂)
逢星期六、日及特別日子

https://eshop.harbour-plaza.com/resortcity/zh-hant/ 網上預訂9折
***(聖誕假期除外)小童免費自助晚餐(2位成人正價,1位小童免費)***


大仁生活facebook



沒有留言:

張貼留言