2019年10月7日 星期一

【忘卻的幸子推介】最強長龍地道大飯糰~熱辣辣 @ 跟著日劇去大塚

話說今次日本之旅其中一個中午走了去「大塚」, 我:「點解我哋要特登嚟E度食Brunch呢?」


阿太:「跟我嚟啦~介紹你食一個即造飯糰, 料又多仲熱辣辣, 上次我有一晚嚟食, 係門口等咗9個字呀!」(吓? 要排咁耐隊?)


阿太:「我嗰日晚飯去食, 今日12:30咁早應該無乜人...快D行啦...係JR站行3分鐘, FamilyMart 轉對面就係啦」


當日到門口本來只有一人輪後, 但我們以為沒有人, 走了去旁邊的郵局買磁石, 結果一出來, 就多4-5人...最終也等了15分鐘才能入坐.


店子小小, 全部面向店員進食, 坐位大約只有15個, 所以, 有人離開, 你才在門外走入店內, 但可能也要再多等一回才有位置, 在這短短數分鐘, 你可以先看看菜單.




我:「你邊搵到E度呢?」; 阿太:「因為我之前追嗰套日劇「忘卻的幸子 」, 佢講到好好食, 所以我咪學佢嚟食, 點知真係咁好食」


對於一個每日也睡至下午的仁來說, Brunch是甚麼來的呢? 下午茶才是我的第一餐, 所以即使這裡多數人也揀選 「雙飯糰+麵豉湯」套餐 (當時570円, 暑假後調整至600円), 而我點一個飯糰就足夠了.


這裡單點飯糰也只是260円 - 310円, 飯糰的種類多達57種, 全部即點即造, 還有中文菜單, 你還可以看著店員「磨打手」製作脹卜卜的大飯糰. (Size 可能是華御結的一倍半有多)



其實, 我從未吃過即造熱辣辣的飯糰, 那份滿足感及好食感覺真的難以形容.



我的納豆+三文魚好食到不得了, 而且新潟米的肥嘟嘟, 濃濃米香, 原來飯糰可以如此好食....




另外, 我多點了一碗「蘑菇豆腐湯」(280円), 這與套餐的麵豉湯最大不同便是有很多的蘑菇, 及增量的豆腐, 而且最賣點就可以添飲呀!



SY點了一個三文魚, 一個芝士, 我還是第一次看到可以拉芝的飯糰呢!! 而且平常細良的小朋友, 竟然可以KO了一個半的大飯糰...簡直難以置信.



結帳時店員還送給小朋友一支迷你波板糖, 真的滿足加滿足!! 阿太今次真的沒有介紹錯...推薦各位有機會也去一試~超值好味道!


ぼんご 飯糰
■地址:東京都豊島區北大塚2丁目26-3


大仁生活facebook


沒有留言:

張貼留言