社會上有很多朋友為大家生活過得更加節能, 製作了不少環保新產品. 今年是我第四年參加"國際環保博覽", 每年也一邊玩一邊學到大量環保新知識, 真的很喜歡這個年度環保活動.
去年研發了可食用環保碟, 環保叉, 環保碟羹的祼食三十, 今次又再有新嘗試, 就是「果欄中對話」, Jayford:「我哋會收集果欄中準備掉的水果, 回收後便變成我們上課的材枓, 教人點解做乾果, 或者設計水果餐畀自己」
我:「嘩! 乜果欄D唔要嘅生果仲靚過超市賣緊嗰D嘅?」
Jayford:「正正就係我哋想巔覆大家對回收水果嘅想像, 我哋已經攪咗8堂㗎啦」, 正喎! 下次工作坊可否預埋我們一家三口呢?!
果欄中對話 - 青BB環保創意團隊
攤位編號 3-X03
鋁罐回收有價, 而膠樽的回收就一直只聽到樓梯嚮, 不見真機出現, 原來, 數個月前終於登場了!!
工作人員:「現時大約有23部回收機設置係全港九, 大家攞膠樽去, 就可以每個回收膠樽收返$0.2傳入你張八達通入面」
回收膠樽容量可以由330毫升至2公升都可以接受, 之後便會在螢光幕中顯示資料, 而回收機亦同時會將樽壓平, 以便節省空間.
工作人員:「每次每張八達最多可以回收20個樽, 不過樽入面一定唔可以有嘢飲, 否則部機會感應到就彈返出嚟」膠樽都可以回收, 真是天下一大喜訊!!
CSTre 基石再生能源
攤位編號 3-D28
除了膠樽可以回收, 我覺得最正便是連膠袋也可以分解, 這簡直是可以解決接近一半的環保難題.
工作人員:「我哋D膠袋可以用熱水分解, 只要浸180日就會完全溶解, 而放係堆田區佢一樣可以生物降解, 就算跌落水塘, 一樣會自己變軟, 魚食咗都唔會塞住佢哋腸」
我:「落雨帶出街怕唔怕溶咗?」工作人員:「我哋E款係計設到70度熱水, 最長180日就會降解為水及二氧化碳, 所以普通落雨係無影響, 除非你長期浸住佢就會溶」
我:「係喎...一浸水真係變到好軟喎, 係米好貴一個?」; 工作人員:「大約係普通膠袋的三倍」 我覺得大量生產這款膠袋, 總比徵收膠袋稅來到更有效.
Jiangmen Proudly Water-Soluble Plastic Co., Ltd
攤位編號 6-B02
從事時裝設計超過十年的Vickie, 因為想生產出更環保的時裝, 於是自立門戶, 由選用有機棉花, 到環保質料, 一絲不苟的為地球, 為用家著想.
Vickie:「其實成本一定貴咗10%-20%, 但我都想試, 我知大公司一定唔會肯試, 所以我就唯有辭職, 自己盡努力去發展, 希望做得幾多得幾多啦」
非常有心的一位設計師, 祝你事事順利, 理想達成!!
viSioNary Limited
攤位編號 3-X10
現場還有最新以水力將空氣淨化的機械, 工作人員說:「如果空氣入面有重金屬, 粉塵都可以一一淨化的」
不知將來會不會有家用版呢? 忘記問工作人員, TG可不可以淨化到呢?
保然技術有限公司
攤位編號 3-F24
一如往年, 展覽最後一天是公眾開放日 (11月3日), 有綠色市集, 有環保工作坊, 有得玩有紀念品...各區都有免費穿梭巴士載你去機場亞洲博覽館, 來一個環保家庭日, 非常有意思.
國際環保展覽2019
日期:2019年10月30至11月2日
公眾日: 2019年11月2日 [SAT] (10:00 - 17:00)
地點: 香港國際機場 亞洲國際博覽館
https://goo.gl/PNZJzM
免費穿梭巴士乘坐時間及地點 銅鑼灣/金鐘/紅磡 /尖沙咀/東涌
https://goo.gl/xyLgpE
大仁生活facebook
沒有留言:
張貼留言