網頁

2019年9月4日 星期三

【日本地道お祭り】果肉刨冰+朱古力脆皮蕉+豚カルビ串+章魚丸+抽獎 超正岩沼掃街

剛剛過去的暑假, 我們去了日本仙台...(因為計劃重遊12年前的宮城縣, 下回再跟大家分享), 在出發到宮城縣前一晚, 我們先去了岩沼市感受一下最地道的日本夏祭盛會.


由仙台至岩沼只需乘坐6個JR站, 只需時23分鐘(約), ¥320...夏祭本來由中午1時便開始, 但因為我們近4時到達仙台, 先在酒店放置行李再出發岩沼, 到達時已是接近黃昏5時半.






我問:「阿太, 你識由車站行去廣場㗎啦?」; 阿太:「我唔識呀! 問人囉...」


當我們步出車站, 阿太大大聲說:「唔係喎...原來有咁多浴衣妹妹都應該係行去廣場喎...我哋跟住去咪得囉」




由車站步行大約16分鐘便已經到逹, 當時小草地有樂隊正在表演, 非常熱鬧, 阿太:「哎呀! 我唔記得帶坐墊嚟呀!, 我出門口前都仲記得....我哋無得坐草地添」


不緊要吧, 我們可以去後面廣場位置掃街, 我:「你睇...幾多攤檔, 幾多嘢食, 仲熱鬧呀!」


SY:「點解有咁大袋布甸狗嘅? 」原來這是袋裝棉花糖 (¥500), 拍拍照, 留留念便最好, 因為實在有其他太多東西吃.


轉身我便發現有店員努力把大大小小的蘋果放入一盤紅色的液體, 之後便整個蘋果變成鮮紅色.


我:「即係我哋嘅冰糖葫蘆, 不過即製即買即食, 仲要係蘋果, 真係健康好多喎」; SY:「但係點解有咁細粒嘅蘋果嘅呢?」(係喎) (¥200小/ ¥400大)


在另一邊廂, SY又在排隊....我問:「你排隊做咩?」; SY:「我想抽Switch遊戲...」(¥300 可以抽到Switch Game? )


如果你抽到過氣NDS Game, 又或者十年前的古代陀螺, 我真的不知好笑還是開心呢?


結果, 這位小朋友抽中參加獎, 鬼口水波波一個....



對我來說, 掃街才是重點吧! 香噴噴的串燒, 我第一眼已經被一層肥膏, 一層肉, 一層肥膏, 一層肉 的豚カルビ串所吸引.


店主為肉串一邊塗上醬汁, 燒一燒, 再為另一邊塗上醬汁, 又燒一燒, 暖暖的豚肋骨肉, 好香好好味道.


阿太:「我最初以為好似豬肉乾, 乾憎憎, 原來又好好咬又多汁」 (真係¥500 有如此質素, 以掃街嚟講真係好高質)


之後SY說:「我想食刨冰呀!」; 我發現場內有不少刨冰檔, 可能27, 28 度下, 吃刨冰一定是最涼快選擇.


不過, 多數的刨冰也是¥200 一杯即磨碎, 之後揀選顏色糖水, 但特別是有一檔¥500刨冰, 有士多啤梨果肉, 之後還可以自己盛一匙果肉, 再自行加練奶的...貴少少當然都要吃特別一點吧.


老仁家不太愛吃冰, 從前7-11的思樂冰也不是十分喜歡, 正正常常喝可樂好似更好...反而今次有實實在在一粒士多啤梨便合我口味多一點.


雪糕愛好者SY當然大讚好味道, 而我臨離開前, 竟然發現在攤位前努力叫喊的日本男士, 原來就是士多啤梨園的園主, SY對園主說了唯一一句認識的日文:「美味しい」


場中的人龍店, 要數首一, 二名, 其中一定是章魚小丸子的攤位. 可能一次過可以製作210粒, 但每次也要等約20分鐘....我們剛剛錯失了上一組, 所以, 我們這一盒小丸子, 差不多也等了20分鐘.


可能是環境, 可能是材料, 又可能是氣氛, 或者是心情...總覺得新鮮出爐, 熱辣辣的章魚小丸子較香港的美味.




最後, 便是我覺得外型非常特別, 又粉紅, 又Tiffany Blue, 又深咖啡的脆皮香蕉...




我問店員:「全部都是朱古力嗎? 」; 她答:「全部都係同一隻朱古力味」


我咬了一口 :「我仲以為個皮會好甜, 竟然唔甜喎, 反而做埋條蕉, 條蕉仲有回甘的甜味, 真係日本連掃街D嘢食都正過人嘅」


SY望一望後面有人手持一個個白色的氣球, 問我:「爸爸...佢哋嗰D咩嚟㗎?」


我走去問一問他們, 原來之前黃昏時有放天燈活動, 現在活動已經完結了, 他們沒有放, 就把天燈拿走. 阿太:「哎呀! 我都想放...我都未試過放天燈」; 我:「係囉...我都未試過...但無辦法啦...下次有機會囉」


到了20:45 便是全晚的高潮, 因為在停車場對開有15分鐘的煙花表演....都是同一句說話:「日本連煙花都靚D」


煙花結束, 21:00...我們一回頭...9成的攤檔已經執拾得七七八八, 日本人真的很守時及合群, 說好9時完結, 真的不會延誤.


我:「真係無諗過一個祭典夜市9點咁早就完」; 阿太:「梗係啦, E度係日本鄉村, D人一定好早就休息啦, 我哋坐得車返酒店都十點幾㗎啦...走啦」


好吧! 岩沼市~再見了...有機會再來探你...拜拜啦!! PS: 臨走前我們還遇見係長添~Lucky~


【いわぬま市民夏まつり2019】
開催日⇒2019年8月24日(土)
開催時間⇒13:00~21:00 ※小雨決行、荒天中止
〒989-2433 宮城県岩沼市桜1丁目6−20
JR岩沼駅徒歩約15-20分程度



大仁生活facebook

沒有留言:

張貼留言