【出龜波氣功】搵齊7粒龍珠免費換禮物 @ Dragonball World Adventure 時代廣場

龍珠真的由我小學睇到SY讀小學依然還在熱播, 但新的角色...布洛尼、藍悟空、藍比達對「脫節仁」來說真的很陌生呢!!

不過, 悟空是不死的, 由他小朋友到他小朋友悟天我都充滿無限回憶就千真萬確.

今次,  ”Dragonball World Adventure”一大班超級撒亞人來到銅鑼灣, 如果可以, 能否出來拯救一下水深火熱的香港呢?

SY:「E隻粉紅色肥騰騰咁肥仲食朱古力? 」; 我:「佢係魔人布歐, 壞人嚟呀!!佢個邪惡版好好打㗎喎」

悟空Vs菲利 前,  SY:「爸爸! 我畀人打...其實佢原來係壞人嚟㗎, 點解你唔買悟空, 要買壞人呢?」 (無丫麻, 不過, 你唔覺得菲利都好型咩?)

少年悟空是我覺得最似IQ博士的段落, 踏上筋斗雲....我怕我太肥了, 不敢試, SY:「我見個叔叔都係咁啦」(如果我坐爆咗米死)

在另一邊有, 撒旦先生, 斯路, 悟天格斯三大打卡位...我覺得被斯路吸實的位最正, 很有動感.
不過, SY說:「我鍾意條腰帶呀! 好靚喎」

你唔鍾意悟天格斯咩? SY:「佢兩個好似Mario 入面, 指住Mario嗰陣咁樣就真...」(係咩? 有咩?)

地面房間有「龜波氣功之練成」打卡位...雖然SY沒有看過龍珠, 但出波這武功, 他就一點也不陌生... (因為實在有不同的Game, 卡通都有差不多的出波)

這個打卡位, 單人可以揀選悟空, 或比逹, 不過雙人就只可以得一個白框了.

除了可以親身體驗撒亞人之間的決鬥, 一星珠正正就是在房間的門口位置, 只要你用手機SCAN齊時代廣場7粒龍珠, 就可以免費得到龍珠禮物呀! (隨機)

7粒龍珠貼士: 12樓, 8樓, 7樓, 6樓, 5樓, 地面, B1...大家快D去許願啦~

SY非常喜愛這項「尋寶活動」上上樓樓, 不知多興奮.

當Scan齊7粒龍珠, 就可以回到大堂召喚神龍...SY:「哎呀! 咁多願望, 揀邊個好呢?」

我:「是旦啦, 好似有限時㗎...唔好諗啦...爸爸想中六合彩呀! 就六合彩啦」 (SY: E個係你個願望, 都唔係我嘅)

免費換Dragonball禮物, 有扇, 有貼紙, 有FOLDER, 有紙帽, 不過, 我覺得最正就一定是可以褶成為手腕巾的小毛布, 超正呀!!

悟空、布洛尼、菲利、布歐、莊子...都在銅鑼等大家...龍珠愛好者十足置身於《龍珠》世界, 好靚!!

“Dragonball World Adventure”
日期：8月8 日 - 9月1 日
時間：10am-10pm
地點：銅鑼灣時代廣場

大仁生活facebook