2019年8月11日 星期日

【夜釣墨魚】4小時又釣又食~專家教路釣到幾多條呢?

6月時, 子子媽提議去夜釣墨魚...我:「好喎! 我對上一次釣都十幾年前啦」


於是我們報了永安的$199 4小時團, 19:00 由尖沙咀準備上船至將軍澳海域一帶夜釣墨魚...



SY與阿太都怕暈船浪, 所以預先吃了藥, 因為有團友遲到, 所以廷遲了開船, SY:「嘩! 原來咁多人一齊去釣墨魚喎」(四十多人喎)


19:30左右的維港景色也很不錯, 我們在吃到會前先到船頂欣賞一下美麗的夜景吧!



至於到會晚餐, 大家也不是太著意了, 我估計各人也吃了少少東西後才上船, 所以大家也只是隨便吃吃而已...(因為味道也是十分隨便)


我問子子:「你知唔知我哋去邊度釣墨魚呢? 」; 子:「黃金海岸」; 子子媽:「唔係呀!將軍澳海域一帶夜釣墨魚」


20:00 船家 叫道:「你哋可以入去攞㗎撐嗱」 ; 我問船家:「釣墨魚有冇秘訣㗎?」


船家:「無喎, 都係Chok吓Chok吓, 你將個魚勾放到一半, Chok上嚟又Chok落下, Chok上嚟又Chok落下, Chok吓Chok吓就有㗎啦」(哦!)


子子, SY帶著好興奮的心情放下魚勾, 但還未開始, 阿太已經非常暈的說:「我頂唔順啦, 我要坐低休息一下」(吓!? 乜你咁水皮)


時間一分一秒的過, 每隔5-10分鐘便會聽到周圍的團友大叫:「釣到啦~」; 「終於到我有啦」; 「Yeah! 好嘢」, 不過, 我們5人...(其實得3個, 因為我要拍攝, 另一人在休息)...全沒有動靜.


大約45分鐘後, 我問子:「好唔好玩呀?」; 子:「都唔好玩...我唔想釣啦」


SY:「爸爸! 我想換去另一邊釣, 都釣唔到嘅」; 而我就嘗記問一問同船的團友:「其實係點樣釣呢?」


團友:「你要放深D,   放之前記得要照一照個勾, 咁佢先會夠螢光, 之後你就Chok吓Chok吓, ChokChok吓, 感覺得佢Chok返轉頭, 就釣到㗎啦」


原來有秘技的..要將個勾照燈...難怪我們第一個小時吃了白果...


運用了秘技, 一小時17分鐘後, 子子媽就釣到她第一條墨魚, 子子媽:「我十年前又係釣唔到, E家終於釣到啦...」


船家:「嘩! 十年你先釣一次...咁我就真係死喇」(船家心聲真係夠晒坦白...我鍾意)


又過了半小時...今次都SY大叫:「爸爸! 我有啦...釣到啦」


我:「嘩! Yeah! 好嘢喎...你咁勁嘅, 仲好肥大添喎」, 好運接二連三, 子子媽又釣到她的第二隻墨魚啦, SY之後又大叫:「我又釣到啦...E~點解...係個勾嚟嘅?」


在旁邊另一位小朋友答:「因為你釣到我個勾囉」; 我:「哈哈! 原來你唔係釣到墨魚, 你釣到隔離小朋友個勾...哈哈」


與此同時, 船家們很努力的在整理我們的成果...我問:「你哋係度劏咩呀?」; 船家:「墨魚個胆呀!」


我:「哦! 個胆係唔可以食㗎?」; 船家:「可以食, 墨汁意粉咁都可以食, 但食完你棚牙會黑忟忟啫...其實係好食嘅!」


轉眼間2個小時的釣墨魚時間又到, 船家已經煮好黑魚給我們吃...至於好吃與否, 則見仁見智, 但因為我們親自釣上來的, 所以自我評分都會加了一點點的呀!


船家說:「其實, 最早端午節就已經有墨魚釣呀! 出年你哋可以早D嚟玩」一邊釣墨魚, 一邊吹吹海風, 都很不錯的夏日活動, 聞說每年 6 月至 9 月都有墨魚出沒的, 所以要去玩也不是太限定時間的喎!



大仁生活facebook

沒有留言:

張貼留言