今次是慶祝Kitty與我們做了朋友45年, 《Hello Kitty Hello Again》展覽一共有10大童話展區, 幾乎每一區也有互動小遊戲, 我們足足玩了3小時也未夠喉！
第一區: Hello Kitty蘋果世界
一走入大門口, 便已經有超多大大小小的蘋果迎接我和SY, 就連螢光幕都有不停跳動的蘋果呀! 勁得意~
工作人員:「你可以企正正係地下正方格, 佢可以幫你度高, 磅重㗎」
我:「吓? 我有一個大蘋果咁重咩? SY你嚟試...」; 結果, SY真的磅出一個小蘋果...SY:「爸爸你成日坐係度, 梗係肥啦」
SY又過旁邊度高, 我:「你有7個蘋果咁高喎....」; SY:「7個蘋果米好矮?」(原來, Kitty 係5個蘋果咁高喎)
第二區: Miss White世界
這個互動區, 大家可以幫手叫Kitty出來為全場白色牛奶樽變成彩色, 之後就到你幫Kitty 變色啦...
SY不停摸螢光幕, 不停摸立體Kitty, 不停大叫:「好舒服呀! 好好摸呀! 爸爸你都摸啦, 好多毛毛好得意呀!」Hello Kitty可不可以變成彩虹神秘色, 就要靠你啦！
第三區: Hello Kitty狂想曲
Hello Kitty都可以瘋狂, 都可以打碟, 都可以好電子...全場都好太空感, 你都帶上巨型泡泡耳機聽Hello Kitty 打碟打的音樂啦～
第四區: Hello Kitty工房
牛仔褲裁縫工房設計, 大家也可以幫Hello Kitty「換衫」, 你還可以製作獨一無二襟章，自訂布袋、帽子、圍裙, 甚至在限定版Kitty上锈上兩個英文字母.
第五區: 蝴蝶結泡泡浴
這個波波池就連SY也玩到不捨得走, SY:「原來個波波池係Hello Kitty個蝴蝶嚟㗎」
特大波波池還細心的分開不同間格, 這個很好的設計, 起碼可以有三, 四組朋友分開玩, 而又不會被太大人影響打卡...瘋狂影相啦！
第六區: Kitty Mimmy小秘密
進行Kitty Mimmy房間，十足十走入漫畫世界, 超可愛呀!
細細張的床, 還有鋼琴, 書桌, 衣櫃等等, 好得意！ 大家還可以Scan你的入場券眼鏡, 可以得到好多Kitty 的小秘密.
第七區: 糖果世界
其實, 這是一個童話世界迷你遊樂場, 全區粉嫩色系...好夢幻~
除了旋轉木馬是裝飾, 其他的冬甩鞦韆、搖搖板、氹氹轉, 大家真的可以坐上去玩, SY:「水泡鞦韆好玩, 爸爸你都一齊嚟玩啦！」
第八區: 夢幻花海裙
SY一走入這區便大叫:「嘩!! 個Hello Kitty 高咗咁多嘅?」
不明白為何我一看到穿著4,500朵玫瑰生日裙的巨大Kitty...我直覺就立刻聯想到小鳳姐呢?
第九區: Hello Kitty小鎮
穿過雙層巴士, 就是我最喜愛的Hello Kitty 小鎮, 這個真是一個超靚小鎮, 不得了的靚!!
因為進入小鎮前, 大家可以揀選成為Kitty及5位朋友其中一位, 之後便跟隨任務卡去完成工作....(不過, 沒有禮物的, 如果完成後有小小紀念品更好啦)
記得要走入Hello Kitty兩層, 因為Kitty與屋企人正在開Party...
SY:「爸爸, 原來有二樓㗎, 可以上去呀! 」閣樓正在播放歷年Hello Kitty展覽的相片...不過, 我看了一遍也沒有我呢!! 其實, 我也與Kitty有很多很多年的回憶喔~
第十區: Hello Kitty看世界
2.5米花花造型Hello Kitty影官方相的地方, 個立體紙相架很不錯, Fans如果可以有真‧Kitty陪同合照, 認真抵買.
而最後的精品區有大量45週年限定產品, 有入場券同款的限定Kitty太陽眼鏡 $189.
有巴士袋連三個公仔 $269, 有奶樽型+毛巾, 有褶凳....
好彩, 我不是Kitty鐵粉, 否則一定破產....
澳門Hello Kitty 45 週年展覽
日期：2019年7月18日至9月1日
時間：星期一至五12nn – 8pm｜星期六、日及公眾假期11am – 8pm
地點：澳門百老匯2樓
票價：$170 (90CM以下小朋友免費入場)
大仁生活facebook
沒有留言:
張貼留言