網頁

2019年7月25日 星期四

【長洲踩單車入西園】野童生態導賞+攀網+爬石+張保仔洞+直火竹筒飯

長洲去得多, 西園亦於半年前第一次認識過, 先進露營的地方, 但張保仔洞可能最少廿年沒有踏足過, 一線天, 鰻魚石, 五行台, 攀網, 爬石, 今次還是我第一次在長洲接觸呢!


上次入西園, 我們在碼頭坐$10的舢舨, 今次魚子媽說:「不如租單車」



因為我們入到長洲已經接近一時, 所以租單車計, 如果租至5時, 只是$40, 租至7時也只不過多付$10.


SY與阿太一直都想踏單車, 所以今日來長洲竟然可以完成了他們的心願....我:「嘩! 我部車連D紙皮都未開, 真係好新喎」


大小同價, 蕭記單車老闆:「你都見到我哋D車係新㗎啦, 千幾蚊一部㗎, 真係好抵玩」


由天后宮前- 長洲家樂徑的單車店, 轉左沿大興堤路一直踏至西園, 慢慢走也不用15分鐘...


即使33度炎炎夏日, 迎著風, 望著海景,  由大興堤路連接著長洲西堤道直直走, 一剎眼已經到逹西園了.



而今日的重點 野童長洲生態深度遊亦準備正式開始了. (名符其實, 今次的主角是各位參與導賞的小朋友, 大叔只是隨團的Blogger而已)


煜哥哥就是今日小朋友的導賞員, 我們由長洲家樂徑向左行, 首先便經過西灣天后廟..


煜:「外國海神就係宙斯個兄弟波赛顿, 咁中國海神就係天后啦.....」其實, 阿煜還不停說故事, 但老仁家已經忘記了...不好意思.




之後我們隊伍繼續向前行, 繞過張保仔洞郊遊區公園, 不用15分鐘便己經到逹張保仔洞的入口.
SY:「嘩! 原來張保仔洞咁窄㗎喎....」



手持穩定器的大叔沒有走入洞, 只是在出口位置等待隊員出場...原來完成一次張保仔洞大約需時9分鐘


我問SY:「張保洞係米好黑好驚呀?」; SY:「子子同哥哥都有燈一D都唔黑, 一D都唔驚, 不過都無金銀寶物嘅」(梗係無啦...有都幾十年前被人攞晒啦)


離開張保仔洞, 沿石級向前行, 世界又好像變了另一小森林的景象, 魚子媽說:「E個就是一線天啦」



我:「真係千里姻緣一線牽喎」; 魚子媽:「係一線天, 唔係牽」; 同行的長洲攝影師說:「E度我細個就成日嚟玩, 但點解我聽都未聽過有E個名呢?」(係呀?)


穿過兩副大大的石壁, 又重返通往鯆魚灣的長洲家樂徑, 很美的天連海, 而更刺激的考驗就在前面不遠處.


因為, 我們將要攀上大約5呎的石牆, 手捉緊鐵絲網, 走到對面的大石上...


原因, 當然是地面較低窪, 假若你穿了防水鞋, 或不怕弄濕鞋襪, 絶對是可以不上鐵絲網, 從沙泥水澗間向前走.


沿鐵絲網走上大石上, 我們便要從大石攀下來, 繼而又要多攀一次大石頭, 便可繼續向前走了...SY:「又上又落好攰, 呃人嘅」


魚子媽:「你都可以走沙泥路, 只係畀多一個選擇你啫, 唔係呃你」



沿路再向前行3-4分鐘, 五行石出現了...煜:「有冇小朋友五行欠打先?」; 我:「點解叫五行石呢?」


煜:「因為剛剛好有5舊, 所以就叫五行石囉, 好啦...我哋再行前少少, 仲會有一個鰻魚石添...」


我:「吓鰻魚石? 邊度有呀?」煜指一指前方:「係米好似鰻魚呢? 所以就叫鰻魚石囉」; 我其實覺得似隻龜多D喎!!




而今日的長洲深度遊又差不多完美終結...但不少得就是重返西園前, 一定要光顧婆婆自家製涼茶, 分別是足料羅漢果, 及天然五花茶 ($13/各).


大熱天, 又跑又爬又捐窿捐罅, 汗流狹背, 現在來一支清涼解暑涼茶, 簡直人生一大快事, 我:「羅漢果味道夠晒, 好好飲」


回到西園, 稍作休息, 小朋友們又繼續學習, 今次是由宇宙火食豹哥親自教授「 野外直火竹筒飯」


豹哥已為每個小朋友預備了每人一個竹筒, 前面整頓了十數款不同顏色的食材, 豹哥:「因為做竹筒飯愈多顏色就愈靚呀」


食材多不勝數, 蝦米, 冬菇粒, 南瓜粒, 栗子, 紅蘿蔔粒, 紫薯粒, 臘腸粒 雞肉, 豬肉等等...


豹哥:「竹筒飯其實好簡單, 只要先係筒底塗上食油, 之後舖上大約1/4的米....」


豹哥為我們預備了日本米, 泰國米, 及糯米....子子:「可唔可以溝埋一齊架?」 (當然沒有問題啦)


各小朋友為白飯加上食鹽後, 便各自案自己的愛好, 舖米放材料, 多數小朋友也是雜亂無章, 只有子子的竹筒飯竟然舖得井井有條...


我問:「子! 點解你舖得咁靚 , 但係咁齋, 一舊肉都無嘅?」; 子子想也不想答我:「因為我都唔鍾意食囉」


最後加水, 便可以拿過去由露營達人David打造的野外火爐中慢慢燒煮, 大約45分鐘, 香噴噴的竹筒便差不多完成.


豹哥:「靚靚地, 每個都要灑上少少蔥花㗎」(現場睇專家灑蔥也功架十足的呀!)


竹筒揭幕儀式, 當然也要交回小廚神們的, (造樣都要造一造的嘅)...



竹筒蓋一被打開, 香到不得了的味道便已經傳入我鼻...無辨法, 時為下午18:15, 我全日只吃了4粒燒賣.


我沒有看過SY對食正餐的欲望如此渴求, 不停說:「好味, 好食」, 不停又繼續食...結果他可以一個人KO掉大半個竹筒飯.


阿太:「加咗臘腸真係無得頂, 好食到停唔到口」


今天實在太充實, 轉眼間又到了18:45, 因為我們要預留10分鐘還單車, 所以, 沒有清潔碗碟便要先行離去, 抱歉!!抱歉!!


多謝David, 多謝豹哥熱情款待...感激! 感謝!


結果, 當然我們也順利在7點前歸還了單車, (其實, 我遲了一分鐘...不過老闆無收多我$10~嘻嘻)



長洲西園【野童再生夏令營】🏕️
🔷【 戶外歷奇活動 】
🔷【 深度生態導賞 】
🔷【 基礎野活技能 】
🔷【 野外直火料理 】

日期:
🔷 8月5日至8月7日 (星期一至星期三) /
🔷 8月19至8月21日 (星期一至星期三)

對象:
年齡為8-12歲 (小學3-6年級學童)
八月份「野童再生夏令營」詳情:
https://rebrand.ly/SY_SCampI

GreenLation 綠農計劃 https://www.facebook.com/GreenLationHK/
宇宙火食 https://www.facebook.com/foodfirestars/



大仁生活facebook

沒有留言:

張貼留言