2019年7月3日 星期三

【$963 平玩2日一夜】4大玩水Games+鮮果撻班+兒童免費自助餐

又放暑假!! 又到一年一度小朋友可以將功課通通拋諸腦後的暑假~ Yeah!今年暑期第一個節目便可以跟子子與豬仔 , 三個家庭齊齊去天水圍酒店渡周末, 實行平玩親子Pre-暑假遊樂團!


SY出發前對阿太千千叮萬囑:「媽媽, 係米同我帶咗泳褲同泳鏡啦?  (都話帶咗啦~) 我驚無得游水吖麻」原來, 小朋友真的如此喜愛玩水.


當然, 玩水前也要先到酒店CHECK-IN,上房間放低行李, 我:「快快開門睇下今次望出窗, 可以望到咩風景先」


今次我們的住的房間,可以望到天圍泳池,及樓下水上遊戲區, 不過一轉頭又不見了SY, 原來他又躲入了櫃, 我大叫:「玩水啦喎」, SY即時9秒9衝出門口:「玩水, 玩水...」



3樓平台的戶外水上遊戲區, 有4項戶外水上遊戲,  包括水上滑梯、水上碰碰船、水槍大戰及水上滾輪,  SY第一時間便與子子齊齊衝了去瀡水上滑梯.


今次有大滑梯, 與小滑梯, 每位小朋友每一節都可以玩足10分鐘.



 SY, 豬仔 及子子在大水梯與小水梯當中走來走去, 又上又瀡,又瀡又轉位置,  再瀡再轉位置,  我:「我見你哋走嚟走去, 我睇見都攰啦!」

水上滑梯 每節10分鐘

一轉頭, 原來豬仔已經走入了水上滾輪, 十足一隻小倉鼠的跑跑跌跌, 又跑又跌, 不停的轉頭大滾輪.


SY對滾輪不是太大興趣, 他說:「入面好熱嘅, 我都係同子子去划船」

水上滾輪 每節8分鐘

碰碰船 有分大船與小船, 其實, 如果SY不是看到子子及豬仔也正在划船, 他一定也不會走過來一齊玩的.


因為他說:「爸爸!! 我想去玩水槍」; 我明白...水上碰碰船如此文靜,超活躍的SY又怎會有興趣呢,  我知他一早已對旁邊的水槍大戰虎視眈眈….

水上碰碰船 每節10分鐘


SY手執了水槍, 好像瘋狂了一樣, 只要睇到有工作員正拿著水槍, 或者有任何小朋友, 叔叔, 姨姨有水槍, 便即時進行射水激戰.


拿著水槍的小朋友們十分恐怖呀! 因為我好怕我的手機會成為犧牲品, 大約15分鐘後, 一節時間完結, 我說:「Yeah! 終於夠鐘啦」 還是未夠喉的SY說:「吓? 咁快玩完,我想再玩呀!」

水槍大戰 每節15分鐘

註: 每間客房會附送4張玩水遊戲卷, 如果小朋友真的未夠喉, 可以額外付$50購買另一節時間去繼續玩水的.


耳油未盡的子子與SY大叫:「我哋過隔離游泳池, 繼續游水, 繼續玩啦」(點解小朋友會有無限+用不完嘅精力㗎?)



玩水過後,酒店為特別為小朋友準備了一個小廚神鮮果撻製作班,喜愛吃蛋撻的SY非常期待製成品的誕生.


不過, 單單第一驟要將蛋黃, 蛋白分開就已經考到我們「無飯家庭」了, 阿太說:「又衰咗, D黃又穿咗瀡埋落D蛋白度啦」


結果, 試了第4隻, SY才可以正式開始, 之後加糖, 加麵粉, 加牛油, 攪攪攪攪....


SY:「整一個蛋撻都幾辛苦吓!」幸好老師說當攪至7788之後, 就可以直接用手搓. SY:「都好, 用手無咁攰」


我:「差唔多, 可以分兩分就壓落個蛋撻模, 咁就係你平日最鍾意食嘅牛油皮啦」


之後, 交給工作人員放入焗爐, 焗15分鐘就可出爐


在等待的過程中, 小廚神就準備生果粒粒, 有火龍果, 芒果, 士多啤梨等等


最後在新鮮出爐的牛油皮內舖上吉士醬, 便可以放上生果, SY:「要塞多D吉士醬先得, 好香一定好好味」


熱辣辣的水果撻很不錯, 我:「如果下次做酥皮就更好, 不過酥皮要慢慢舖200層...」


SY:「無咁嘅材料, 同埋做一層都咁辛苦, 做200層...嘩...點做呀!」(咁又係喎, 真係出去買方便好多, 最重要唔洗咁辛苦)



做完水果撻, 小朋友周圍玩玩... 看一看時間, 原來又已經到黃昏6點半, 我:「Yeah!! 正呀! 我全日只係食咗阿囝你造畀我一個撻, 好肚餓呀, 快快去樓下食自助餐啦!」


開餐前一定要相機先食, 我發現「黑醋松子酥皮魚」好震撼, 兩隻大大條炸至金黃魚的巨魚...正!!


好想食羊架...不過, 羊架非常罕, 全程我看了數轉, 見師傅煎好幾塊, 想去拿碟去取羊架之祭, 轉頭又被搶光了.


最後由豬爸好好人的拿了一塊給我們, 阿太:「真的又香又腍, 少少羶, 我鍾意...」(其實, 我都好想食)

回本位1: 即煎羊架

我最鍾意食鵝肝, 外層脆卜卜, 內裡入口即溶, 滑啫啫, 仲要好味得不停漏油, 可惜, 叔叔年紀問題 , 每次都只敢食2塊.


我:「食完真係唔敢再行過去, 我驚我又忍唔住再攞嚟食...實在太正」

回本位2: 即煎鵝肝

阿太忙著不停拆蟹腳…阿太:「識食一定係食蟹腳,啖啖肉, 又夠鮮, 我鍾意!」

回本位3: 松葉蟹腳

同一時間, 豬仔媽又已經KO了4隻生蠔, 並說:「等一陣再去攞過先得!!」


現在真的不是間間酒店自助餐有生蠔, 有生蠔感覺開心得多, 肥美+少少海水味, 食自助餐無生蠔, 十足十去日本不Shopping一樣, 點叫自助餐呀!

回本位4 :冰鎮美國生蠔

這裡的中湯水準非常之高, 今次的蟲草湯, 好飲得一添再添...


魚子媽:「係呀! E度D中湯次次都好高水準」足料又充足中藥的溫純味, 非常好味, 而且喝後口喉忽然舒服了不少.

回本位5 :蟲草花雪蓮果煲螺頭湯

現在有即煮烏冬, 或拉麵, 小朋友們全部也表示心心眼...SY:「姐姐, 我又想食烏冬, 又想食拉麵, 點算呢?」(請問可唔可以兩溝呢?)


女師傅:「可以, 梗係可以啦」; 結果, 瞬間大量粟米的日式叉燒烏冬加拉麵就煮好端給了SY.


我:「好唔好食呀?」; SY:「梗係好食啦, 叉燒好腍呀! 仲可以又食麵又食烏冬, 真係開心」

回本位6 :即煮日式叉燒烏冬/拉麵

小朋友表示推介回本位一定是甜品心太軟 , SY:「哈哈! 發達啦, 心太軟都有得食, 爸爸, 佢真係真心太軟嚟㗎」


我:「乜有假心太軟嘅咩?」; SY:「好多入面D朱古力唔流㗎, 你睇...E個流出嚟㗎, 真係好好食」(這個甜品怪竟然一口氣KO了兩個心太軟)

回本位 7:心太軟

每晚還有兩場特別甜品表演, 今次是火焰蛋糕, 由工作人員打鐘提示, 19:45 師傅便走到咖啡機前為蛋糕加上酒精, 點火....嘩!! IG打卡一流呃Like無難度~Yeah


阿太:「我以為好甜, 又唔係喎, 仲要唔係好藥水味, 真係唔錯, 好啱我...(會唔會好大陣火酒味㗎?), 無喎, 一D都無喎, 好食喎」

回本位 8:火焰雪山士多啤梨蛋糕

食飽飽, 不要以為小朋友可以乖乖回房睡覺, 因為他們一支箭的衝了去重新裝修, 擴充了一倍大的PlayRoom...


跑跑跳跳, 依哎大叫...小朋友在放縱, 大仁做甚麼呢? 因為有魚子媽+豬爸幫手在PlayRoom當值, 我就當然回餐枱, 繼續我的自助餐啦~哈哈...


PlayRoom過後, 三位小朋友便回房間再來靜態的一面, 多謝豬仔帶來近期他的最愛「象棋」到酒店, 好讓SY也有機會安安靜靜玩玩棋...


不過...好動的子子就....我問子子:「象棋好唔好玩呀?」; 掉了兩隻門牙的子子:「唔好玩」(哎呀! 難委了你啦)


全男班在房間玩象棋, 女士們又去了那裡呢? 當然就是落樓下桑拿室Relax...我:「你哋又去浸桑拿? 」魚子媽:「桑拿係焗, 唔係浸㗎」



而我呢? 玩完一整天, 真的累到一個點, 快快去接SY回自己房沖涼後,就睡覺了健康甜睡8小時, 一覺睡到大天光~ 太爽啦!!



嘉湖夏「逸」涼浸浸
日期:12/7 - 31/8/2019 (星期五至日)
價錢:$1,030起 (2成人 + 1小童)
於7月10日前預訂可享85折優惠  ($963 已加10%)
優惠:
‧ 標準客房住宿一晚
‧ 紐約紐約國際美食自助早餐
‧ 可愛動物公仔(每位小童乙份)
‧ 戶外水上遊戲四項 (充氣水上滑梯、水上碰碰船、水槍大戰、水上滾輪)
‧ 繽紛鮮果撻製作班(乙節)
‧ 免費使用室外游泳池、健身室、蒸氣浴、桑拿浴、小朋友天地及戶外遊樂場

備註:
‧ 小童價目只適用於3至11歲之小童
‧ 每額外加一位小童需另加港幣$350 (包一位小童自助早餐、一個可愛動物公仔、一節繽紛鮮果撻製作班及四項戶外水上遊戲)
‧ 升級入住豪華客房每晚另加港幣$150
‧ 升級入住園景豪華客房每晚另加港幣$250
‧ 以上價目須另加10%服務費
‧ 以上優惠不可與其他折扣或推廣優惠同時使用
預訂:2180 6688
電郵:rsvn.hprc@harbour-plaza.com

Booking link: https://bit.ly/2KUenpA 
Facebook: https://www.facebook.com/HarbourPlazaResortCityHK/

紐約紐約 (酒店第2座,大堂)
電話: (852) 2180 6688
自助晚餐​ (18:30 - 21:30​ )
成人$468 小童 $330 長者 $438

***加10%服務費***
***小童免費自助晚餐(2位成人正價,1位小童免費)***
***參與住宿計劃可以75折進食自助晚餐***



大仁生活facebook

1 則留言: