2019年5月23日 星期四

【鴨脷洲人情味】五金‧圍裙‧茶餐廳@仲有彈牙魚肉

前兩星期, 跟城市閘誌走到我覺得還保留著濃濃舊香港情懷的鴨脷洲, 再次深度深索鴨脷洲.


認識鴨脷洲, 當然要由乾隆三十八年已經壽建而成的兩枝20呎「龍柱」開始...不過, 現時所見的, 左邊的只是2014年重新建造版本, 因為真跡曾遭颱風「海鷗」吹襲而折斷.


真正的古蹟就放置在洪聖古廟門前右邊位置.



走到洪聖街, 又會見到外牆畫出了鴨脷洲「洪聖誕」時的熱鬧情況, 有舞龍舞獅表演、有放水燈, 有神功戲等喜慶活動!


而當年漁民的生活情況, 甚至已去世的廟貓「小福」都畫上了牆壁作為紀念.


鴨脷洲保留著不少昔日香港美好的時光, 短短一條鴨脷洲大街已經藏匿了不少高手師傅, 就像是1950年開業專營帆布, 雨衣的「祥棧帆布」


導賞員Felix說: 「以前漁民出海, 師傅就主要為他們製作雨褸, E家漁民都上晒岸, 轉行賣魚, 師傅就轉為漁民手製圍裙」


第二代掌門黃師傅:「我都接近70歲啦, 細個時環境無咁好, 一邊讀書, 一邊幫爸爸手, 今時唔同往日啦, E家好多環保條例, 圍裙都唔係多造, 主力都係做天車... (師傅...咩做天車?), 哦! 即係簷篷」(原來如此)


祥棧帆布 - 鴨脷洲大街50號

Felix帶我們到第二個景點時經過轉角的一間7仔, 她問:「大家估吓, E度未係便利店之前係咩嚟呢? 」(SY: 「我知...OK」) ~笑咗!!


Felix:「唔係OK, (有團員答:戲院)...係呀!! 以前真係戲院嚟㗎」(但網上只找到文字資料, 戲院名字: 明珠. 但就找不到圖片)


之後我們去了1890年已經創業的糧油雜貨店- 興泰儀


第四代老闆盧先生親切的在店內走出來與我們打招呼, Felix:「大家睇吓本來舖頭嘅招牌係正宗金漆招牌, 但因為盧先生爺爺手痕油咗紅色...盧先生曾太爺本來賣菜, 後來加入賣米」


Felix:「E家唔係好多地方仲有米勺」; 盧老闆:「其實都唔係好多年歷史啫」; 我:「咁但係都好少見到啦, 因為人人都去惠康買米」


興泰儀 - 鴨脷洲大街60號

離開興泰儀. 我們轉角便看到郭師傅坐在店前, 一邊笑著向我們點頭, 一邊努力以新加坡柴做木樁打鐵 ...鏗.鏗.鏗.鏗.鏗


Felix:「我頭以為師傅係度打緊子彈, 原來E個係冷氣機去水盤出水位個嘴...」


榮記五金70年代主要為漁民製作漁船同維修船具, 任何金屬零件, 郭師傅都可以為你度身打造!


熱情的郭師傅:「小朋友有冇興趣打吓呀?」, 於是SY又被我拉了出去有樣學樣的打鐵...鏗.鏗.鏗.鏗.鏗


我問:「師傅你有冇請徒弟呀?」; 郭師傅笑著帶點無奈說:「我自己連租都未夠錢交, 仲點請徒弟, 細佬鍾意就過嚟玩吓就得, 開心最緊要, (係呀! 身體健康最好), 健康就係財富, 啱啱啱」 

榮記五金-鴨脷洲大街84號F座

Felix:「今日導賞團都差唔多啦, 但係大家知唔知...漁民一向迷信, 船頭唔可以向山, 唔可以向西, 可惜偏偏鴨脷洲有兩隻雕塑船就係向山又向西」


原來, 那兩隻船正正就是康文署製造出來的好事!! 真正乎合政府一貫的劇情發展, 真的大吉利是也!!


城市閘誌導賞團就此結束, 對本來己經喜愛鴨脷洲的我, 更加愈來愈愛這個人情味豐富的小地方, 下次要自己來再發掘先得.


臨離開前, 我們跟其他團友都聽了Felix推介, 去「食記」來一個下午茶...


我:「我最鍾意食蕃薯糖水, $14蚊咋喎, 大大舊蕃薯仲要咁多舊...夠晒薑, 我最愛」


魚子媽:「$19蚊有咁大碗生菜魚肉, 仲要唔粉又彈牙....」(我: 真係好多魚肉, 大碗都係$20...下午茶超飽)


子子:「你哋食唔食D炸魚蛋? 唔食我食埋佢啦」(我: 7蚊有咁多粒, 仲要好有魚味, 真係好好食喎)


食記餐店 - 鴨脷洲大街42號



大仁生活facebook




沒有留言:

張貼留言