【一家大細打邊爐】任飲任食 專人煎牛頸脊 壽喜燒放題

預祝母親節, 今年帶媽媽及外母一齊慶祝, 當然要一次過滿足各位長老及家中主子的願望啦!!
媽媽愛吃菜, 外母愛吃海鮮, 男士們是食肉怪, SY主子又要食餃子, 烏冬及甜品...

結果, 我選擇了打邊爐任食, 原來, 現在打邊爐湯底可以加$20, 便轉為壽喜燒, 或者芝士蕃咖海鮮鍋. 未曾試過壽喜燒任食, 當然即加$20試一試呀!

有別於一般打邊爐, 原來壽喜燒鍋會有專人為你先煎香牛頸脊, 之後才放疏菜及壽喜燒汁.

媽媽:「煎過D牛肉都係好香」, 其實在場一家大細也二口同聲說:「好味, 好食」

可能牛頸脊又是牛活動最多的部位, 雖然脂肪較少, 但牛味濃又有咬口, 油香也一點不遜牛肩胛, 肉眼...總之就是令你愛不釋口.

而我們另一個芝士蕃咖鍋, 專家在放芝士放湯汁前, 亦同樣為我們煎海鮮, 蝦, 聖子, 魷魚.

外母說:「D蝦煎得好好食呀! 有冇蟹㗎? 如果有煎埋仲正」(不過, 好似無蟹)

媽媽於今晚像似發現新大陸的不斷吃皇帝菜, 她說:「頭先睇個樣好似好老, 平時我係街市唔會買, 因為未煮過, 原來咁嫩咁好食」

SY:「嫲嫲, 你攞咗4轉皇帝菜啦, 點解你咁鍾意食嘅呢?」SY嫲嫲:「我見完姐姐煮先知原來皇帝菜咁好食, 下次去街市我識得買Lu」

每人會送一份 刺身盛合 (5款刺身), SY笑著吃三文魚, 舅仔和我也密密吃, 不過長老們說:「我唔食生嘢喎」

媽媽:「親家, 不如你放係湯度滾一滾咁米唔怕囉」; 外母:「係喎...淥一淥都幾好食丫」; SY:「婆婆, 我就鍾意食生嘅, 所以我鍾意食壽司」(全家都一早知啦, 洗乜你Re-cap丫)

之後餃子怪嘗試將餃子放入兩鍋不同的邊爐來比較, 結果:「一定係壽喜燒配餃子係最好食, 味道最夾, 烏冬都係呀!」

這裡的壽喜燒甜甜地, 不會太鹹, 不會太濃, 真的喜出望外, 因為曾經在銅鑼灣某自助餐呷過鹹到苦的壽喜燒, 當時真的連牛肉也時立即吐出來.

這裡的飯後甜品大約有5-6款, 泡芙, 糯米糍, 小芝士奶凍, 小蛋糕等...甜品控

不過, 甜品SY每樣吃了一件便停手...我問:「你好少食咁少喎」; SY:「因為我等緊大家一齊劃雪糕」

這裡有Mövenpick/ Häagen-Dazs 各3款任揀, 結果我們一行8人, 全部人也捧著大肚腩的回家, 一家吃飯開開心心, 食物也覺得特別好味道.

$ 248刺身牛肉涮涮鍋放題 (120分鐘)
任食 : 安格斯牛頸脊任食/ 特上美國牛肉 / 黑豚肉任食 / 雞肉
每人送: 刺身盛合 (5款刺身)
壽喜燒鍋 / 海鮮蕃茄芝士鍋+$20

晚上7:45前離座享有85折
晚上9:30後入座享有85折

德興日式放題鍋
電話: 2739 0628
地址: 旺角彌敦道593-601號創興廣場4樓


大仁生活facebook