2019年4月8日 星期一

【唔係小兒科】密室逃脫LOST Junior 大人都齊齊玩到好刺激

「密室逃脫」記得5, 6年前...襯SY上學去時, 兩公婆偷偷走去銅鑼灣玩過一次...結果, 難題難到根本逃脫失敗....忟到以後每次經過耀華街, 永遠記得那楝唐樓...


轉眼間, 耀華街唐樓也拆卸, 「密室逃脫」搬了過去希慎對面, 而今日更加在荔枝角D2 Place開了一間為小朋友而解謎的Lost Junior, 心諗:「畀6-14歲玩, 一定簡單到痺啦, 我就唔信有幾難啦」


結果, 4個密室, 我們揀了3星星的「消失的囚犯」, 及 5星星的「魔法學院」.... 一向細膽又怕黑的SY:「驚唔驚㗎? 有冇鬼㗎? 子子係咪會同我一組㗎...如果唔係一齊, 我唔玩㗎, 一定好恐佈嘅」


結果, 玩得最開心, 最投入的就是這位細膽鬼!!


絶對推介大家首選「消失的囚犯」, 因為有射槍, 有機關, 有找秘密線索, 兩個小朋友玩到嘻嘻哈哈! 笑過不停...


與「大人版」密室的最大不同是, 「兒童版」遊戲提示比較清晰, 但就是最大大大前提, 你要先找到提示.


親身玩了一次之後, 發現「兒童版」的逃脫機關元素也絶對不簡單...我:「6歲細路真係可以解到咁難嘅題目??」


其實, 箇中我經常想用對講機用任限錦囊, 但魚子媽不時「Say No」....她說:「NO... 自己再諗下先, 唔可以成日搵人幫嘅」


最終, 我們用了兩次錦囊...而最後4分鐘, 因為得到工作人員幫忙, 我們才能在最後40秒順利找到秘道...逃出生天.


子子:「我最鍾意有得射槍, 同埋最後嘅秘道好刺激呀!」


SY:「好彩有姐姐最後走嚟幫手咋, 唔係真係走唔到出嚟」



魚子媽較小朋友更高興的一邊跳一邊大叫:「我最後一秒成功走甩咗呀!! Yeah~」


之後, 我們還玩了5星星的「魔法學院」, 不過, 可能是4個房間中最困難的一個, 小朋友玩到有點不知所惜...


我:「嘩! 咁難嘅? 真係大人都未能攪得掂...太難啦」


想不到今個下午大人, 小朋友都齊齊玩得如此興奮...小朋友盡情「放電」, 魚子媽更對我說:「我決定星期五放咗學再嚟玩埋另外兩間房呀!!」(你好似玩得仲開心過子子咁喎)



📍LOST Junior @D2 Place
D2 Place 二期, #304舖, 九龍荔枝角長順街15號
📞: +852 2890 2093
時間:  (星期一至五)               1 pm - 10 pm
      (星期六日及公眾假期) 11 am - 10 pm
密室入場券 : $140/人


沒有留言:

張貼留言