2019年4月18日 星期四

【青衣搵食】$28 日式下午茶 ~超抵+384層酥皮蛋撻 @ 長發食堂

趁SY放復活節假, 當然就要四出搵食...今日走到剛剛翻新完的青衣長發廣場食下午茶.


SY:「爸爸...點解要山長水遠走嚟食下午茶嘅?」


我:「橫掂你放假, 咁米可以去遠D行吓囉, 同埋我哋成日都食大家樂, 吉野家下午茶, 今日食新嘢, 仲要好鬼平, $28就有下午茶」


SY:「$28真係仲平過吉野家喎」


其實, $28有六款拉麵, 另外還可以額外加錢, 點壽司, 或串燒. 今日我們點了豬扒拉麵, 餃子拉麵, 花之戀 (+$8), 燒冬菇 (+$12).


SY:「花之戀係元氣要$22」原來, 燒冬菇價值還比花之戀還要貴呢? 但我比較愛吃冬菇...可能三文魚一早已經吃慣, 再沒有大感覺.



真心的覺得主角拉麵很超值, 豬扒大大份, 餃子又有4隻...不過, 兩選一的話, 我會選擇餃子, 因為豬扒外層太厚, 雖然入味, 但質感不及餃子好食.




我:「真係同吉野家一樣, 加嘢飲都係加$3, 仲唔加一, 原來佢哋旺角有舖頭, 不過無$28下午茶...有就好啦, 唔洗我行咁遠入嚟食囉」


食飽飽之後, 我們周圍逛, SY望到有剛剛新鮮出爐蛋撻, 便拉了我入麵包店說:「我想食蛋撻」(你又話飽?)


SY:「甜品係有另一個胃喎」; 我:「原來E度有梳乎里班戟喎, 咁順便試下囉, 咁得意...E度仲有幾個位可以坐住食」


我買了標榜有384層的酥皮($8)及SY例牌指定吃的牛油皮($7.5)...SY:「我嗰個無384層咩?」


我:「無㗎, 我唔鍾意食牛油皮就係因為牛油皮太硬, 你試吓酥皮先啦, 好鬆好香又唔油, E個撻仲同我哋平時樓下麵包舖D撻唔同添, 好食好多, 實在好多個皮」


SY吃了兩口:「係喎! 真係幾好食喎 (咁你以後可以改食酥皮啦) 牛油皮, 酥皮一齊食, 一齊喜歡」


之後的士多啤梨梳乎里班戟, 就有一點和吃開的有所分別...我:「好似係似班戟多D, 唔夠 梳乎里嘅空氣感...似嫲嫲整嘅班戟, 好有嫲嫲味道, 但就唔梳乎里囉」


SY:「係咩? 嫲嫲都無整過我食嘅? (因為佢E幾年收咗山LU) 咁我返去要叫嫲嫲整畀我食先得」


一休(居食屋)日本料理
電話 : 31063822
地址 : 青衣擔桿山路6號長發廣場地下114號B舖

一口烘焙
 地址 : 新界青衣長發廣場201A號舖


大仁生活facebook


沒有留言:

張貼留言