【排隊買銀翼】青逆白龍 鳳凰色柄 金Shooter 都有得賣 @ 爆旋陀螺 西寶城

雖然SY已經迷上了夾公仔這個「新屎坑」, 但他對爆旋陀螺依然又有愛又有責任, 所以當一聽到又有商場做陀螺 ,即時問我:「有咩限定版陀螺買呀!」

我對陀螺只是被迫訓練出來, 幾十萬個不同型號, 名稱我又怎記得到, 我:「我都唔知喎...你同我一齊去, 你自己睇吓應該會好D囉」

從前去西寶城要坐一個多小時巴士, 現在過來只是30分鐘地鐵, 真的方便了不少...一走入場便有兩隻大陀螺歡迎我們.

我:「我記得..黑色E隻你上星期啱啱買咗...叫火‧鳳‧凰吖麻」; SY:「錯!! 係死亡鳳凰呀!」

其實, 小朋友又怎會對陀螺擺設有興趣呢? 他一影完已9秒9衝了去Pop-Up-Store Shopping.

超興奮的SY:「銀翼呀! 銀翼版重生鳯凰... 爸爸!銀翼呀! (點解你咁興奮?) 梗係啦, 限定版嚟㗎, 仲要係只賣$74~Yeah!! 」

SY一邊望一邊念念有詞:「如果有埋黑翼, 金翼就好啦...(又係玩轉顏色就賣貴好多嗰D橋...日本人真係識做生意)」

SY繼續說:「 金翼無得買㗎, 係抽獎㗎, 我見有人賣要一萬蚊㗎」(嘩!! 畀我不如買超合金仲好)

SY:「我想買埋E個金色LR Shooter呀! (你好似有個紅色, 有個藍色喎), 咁金色E度平呀! $59, 一定要買, 我無金色呀!」

口水不停流的小朋友....又雀躍繼續講:「我本來唔想買鳳凰色手柄 ($49), 但如果買咗金LR Shooter, 無理由唔買, 爸爸, 你覺唔覺得襯埋一對, 好靚, 好襯呀?」(我唔覺得喎, 米同仔屋企嗰D一樣, 唔同色之麻)

現場還有青逆白龍同樣又被SY帶回家, SY:「真係好平, 哈哈!! 今日真係好開心」

SY:「不如我哋即刻Shoot囉」; 我:「但我要用銀翼㗎....」(在SY不太情願的情況下...)

銀翼果然是限定版, 不負眾望...不但戰勝青逆白龍, 更連它的孖生兄弟不死烏一樣不敵銀翼...我:「哈哈!! 連贏兩舖~Yes...」(SY: 梗係啦...限定版吖麻, 爸爸, 你係米覺得好值得買呢?) .....我不覺得囉:)

「西寶城‧爆旋陀螺」極限對戰
日期：2019年 3月 8日至 4月 28日
時間：上午 10時至晚上 10時
地點：西寶城 UG中庭

《西寶城盃》
日期：2019年4月28日 (星期日)
地點：西寶城 UG 中庭
時間：下午 1 時 30 分至下午 3 時

《亞洲盃香港區選拔賽》
日期: 初賽 + 代表戰
2019 年 3 月 10 日至 3 月 31 日 (逢星期日)
決賽: 2019 年 4 月 7 日 (星期日)
詳情: - 報名方法請留意《爆旋陀螺香港比賽聯會》Facebook 專頁
- 參加者出生日期必須為 2006 年 4 月 8 日至 2013 年 4 月 7 日出生-


大仁生活facebook