2019年3月21日 星期四

【免費大激鬥】戶外6大Battle 競技贏禮物@ 樂富

商場精當然不會放過任何活動, 特別是可以與小朋友齊齊玩的項目. 今日, 我帶SY走去樂富Battle, 估不到簡簡單單6個挑戰, 我和SY也玩到身水身汗, 大叫大笑...實在太開心啦啦!!


6大挑戰, 我覺得是設計給大朋友瘦身用的...如果小朋友要120CM以上才可以單獨玩, 否則大人就要陪同參與了.


玩之前要先載上手帶, 向工作人員的iPad嘟一嘟就可以出發啦~GO


1.特攻繩網陣
我:「嘩! 職業特工隊呀!! SY你唔好掂到D繩網, 掂到3次就無分㗎啦」


我一心以為好難玩, 原來縱橫交錯的繩網空間非常闊, 可能「池美麗」也可以側側身通過, 所以非常容易.


SY:「我滿分啦....300分...」 (我都係滿分啦...簡直就係送分...不過, 其餘5個Games 就好難攞分啦)

攞分易 : ★★★★★
攰唔攰:★☆☆☆☆


2. 耐力單車賽
看似簡單...但因為每踏2米才有1分, 所以要取足300分, 便要在一分鐘踩足600米...


這簡直是考險體能及毅力的秒速單車賽, 我:「嘩! 真係雙腳無晒力啦...吓! 我先踩得176米, 咁米得88分??」


SY:「部單車個位冇得調較, 我啱啱掂到咋...我都無晒氣啦, 我好水皮, 得45分咋」, 不要以為小朋友玩得吃力,  大仁一樣玩到氣來氣喘呢!

攞分易 : ★★☆☆☆
攰唔攰:★★★★★


3. 摩打手拍拍機
這個表面上是考驗參加者雙手速度, 配合左右協調, 但實際上是有橋妙的....


SY:「我知道啦~ 每拍2下先得1分, 所以用手指拍, 就會快過用手板囉」


限時一分鐘內不斷極速拍拍拍, 拍得逾多就分數逾高, 結果, 第二次作戰, SY由155分跳至250. (這個就好啦, 又唔會太攰, 又容易有高分)

攞分易 : ★★★★☆
攰唔攰:★☆☆☆☆


4. 極速跑步機
這個跟剛才「摩打手拍拍機」一樣, 不可一個用手, 一個用腳, 每2步得1分, 但難度及考驗耐力比「耐力單車賽」更高深...


我以為平時不運動的大叔會玩至氣來氣喘, 原來, 連續玩畢3個項目之後的小朋友, 竟然跑到跌倒地上.


這個跑步機真的是瘦身一流的儀器, 汗流浹背之後, 人都好像健康了不少.

攞分易:★★★☆☆
攰唔攰:  ★★★★★


5. 六步投籃王
SLAM DUNK好玩, 不過這個「投籃王」就需要根據地面1-6的數字, 每入一球才可順序射籃....


我:「大人可能5號位, 6跪位都未必得喎...咁小朋友就一定難上力難啦」


結果一分鐘內, SY也只是在1號位, 2號位徘徊螢光幕上顯示分數同剩餘時間, SY:「好難呀! 但好好玩, 我好鍾意射籃球呀!」 (我梗係知啦...你成日都坐唔定, 跳嚟跳去)

攞分易:★★☆☆☆
攰唔攰:  ★★☆☆☆


5. My Body訓練站
這個其實似扑傻瓜, 1分鐘內要用手及腳去按下地面及牆上隨機亮著嘅圓點, 考驗反應多於氣力!


一邊玩一邊大笑的SY:「我又掂到, 啦...我腳都掂到...真係簡單過踩單車同跑步呀!」


不過, 我懷疑一分鐘會不會有可能出現到300個圓點呢? 按一個先一分...我:「容易就係容易, 但係好難攞分呢」

攞分易:★☆☆☆☆
攰唔攰:  ★★☆☆☆


出了幾身大汗, 今天的運動量簡直就是我一年的總和, 大汗搭細汗的SY:「爸爸! 好玩呀! 我係今日冠軍呀!!」(我有800分, 你係609分, 你係第二名咋)


玩完6個遊戲, 便可以用自己手帶去檢查總得分, 累積到一定分數便可以換獎品 ( 不過, 如果是$20按金免費玩的, 就沒有分數喎)





Oh!林匹克運動會
日期:2019年3月24日至4月22日
時間:下午2時至8時 (星期一至五)
中午12時至下午8時 (星期六、日、19/4及22/4)
地點:領展樂富廣場A區美食坊

三款運動手帶之換領方法
A款:只需$20作按金,即可免費參與「運動會」指定挑戰乙次。(手帶需即日歸還,按金將於歸還手帶時退回)
B款:場內消費滿$$200,即可免費參與「運動會」各項挑戰乙次。成功挑戰更可獲禮品乙份。
C款:於場內消費滿$1,000,即日可免費無限次參與「 運動會」各項挑戰。成功挑戰可獲商場小禮物乙份。


大仁生活facebook

沒有留言:

張貼留言