又有得食又有得玩, 當然最合我心水...我:「大阪有冇㗎?」; 祖迪:「全日本好似有400間, 台灣都有分店, 大阪一定有」
我們今次食的分店位於大阪大國町車站 "1號口" 步行3分鐘便到逹...晚飯時間, 人龍多至由二樓塞至樓梯位.
我們在登記處按籌號, SY:「嘩! 爸爸...佢話要等88分鐘喎, 咁多人嘅?」, 如果價錢只是100円, 還要有扭蛋玩, 理應多人是正常的啦.
結果, 我們只等了約60分鐘便可以進入, 其實已經算喜出望外.
坐下後, 每人的點單平板會先問你要不要吃夠一定數目後玩扭蛋遊戲...SY:「爸爸...佢問咩要唔要實施呢?」(當要要實施, 否則就沒有每五碟有一次扭蛋了)
這樣的壽司款式真的是元氣的2-3倍, 在香港很少會吃到納豆壽司, 獅魚壽司, 生白飯魚壽司...
不過, 100円的質素不能過份期望, 其實我並沒有任何寄望, 反而我覺得壽司飯不會冷凍, 帶點微溫, 我已經非常加分.
我記為是爭鮮以上, 超越板長, 元氣未滿的級數吧, 阿太:「但我E份D紫菜係淋嘅, 吞拿魚蓉又好似無魚味咁...」
我:「但100円可以食到一件帶子喎, 雖然不是太鮮, 但起碼都唔會瘦猛猛啦, 仲想點喎...」
當我們叫了15碟之後, 便是我們期待已久的抽扭蛋時間...SY:「爸爸! 快D放D碟落去啦」
第一次的5隻碟....我們看到打捧球, 我們最初還以為打中了捧球就得獎...誰知我們是投球手呢~~
第二次的5隻碟....我們抽21點...不過抽出Joker, 即時輸了~~
第三次....我們是划艇手, 結果順利划到終點找到情人....SY:「Yeah!! 贏咗...贏咗...」
我:「Yeah!! 部扭蛋機真係跌咗隻扭蛋出嚟呀!」
SY:「好嘢呀! 係精靈球嚟㗎, 我哋扭咗隻比卡超呀! Yeah~」
之後, 我們點了甜品來吃, 這裡的甜品款式也不少, 而且以100円來論質素更是超班好味道.
阿太:「我個朱古力慕斯心太軟好正...又滑又夠多流心, 我想Encore添呀!」
SY:「我個朱古力蛋糕都好朱古力味, 好好食呀!」
於是我們三人又點了5份甜品, 又可以多扭一次蛋
今次又是21點, 又是抽來一隻Joker, 當我們以為又輸的時候, 竟然Joker變成A, 2條A勝出了.
扭蛋機扭出了一個比卡超膠紙....SY:「我哋扭4次中兩次」
我:「好飽, 50%中獎, 我哋都幾Lucky」; 阿太:「我同事話一般一枱都係中一次, 我哋又真係幾好彩喎」
今晚吃得飽飽也只是2268円, 平日我一定會到酒店附近便利店買小食回房間吃, 今晚非常飽, 直接回了酒店是也.
沒有留言:
張貼留言