深水埗這間迷你Food Court, 雖然裝修簡陋, 而且立食位置只有約5-6個身位, 但絶對卧虎藏龍...
泰式店舖, 真的由泰國姐姐煮理...她們的泰式海南雞飯 ($45)送雞湯, 而且滑嫩無骨雞, 在上碟前會用滾湯先浸暖才端上來給客人.
姐姐問我:「夠飯未? 唔夠可以再加畀你」(夠啦...我仲要試其他檔呀!)
雞飯好香, 雞啖啖肉又夠滑, 本來已經贏盡全個深水埗, 不過最無敵的就是她們的炸蝦餅 ($38/三塊).
我目瞪口呆問:「你哋即叫即搓㗎? 」; 店員:「我契媽係泰國人, 佢堅持同有要求, 所以客人Order後先搓」
姐姐一邊搓一邊上麵包糠準備炸蝦餅說:「即搓咁先夠𡙁口呀!」, 這裡的蝦餅, 不單香口, 皮又薄, 蝦肉味濃𡙁口彈牙...我只可以用三個字嚟形容:「無得頂」
吃完雞, 我便被大隻佬的大阪燒所吸引, 大隻佬老闆:「信我啦! 我嘅大阪燒真係好食㗎」(好呀! 就食你個大阪燒)
大隻佬老闆用熟練的手勢處理大阪燒, 我心諗:「嘩! 一塊芝士、三塊煙肉、有蝦、有魷魚、有蟹柳$40真係幾鬼抵喎」大阪燒$40
其實, 之前跟朋友自己燒大阪燒, 口感總是粉粉的...今次一點粉也沒有, 而且兩邊又煎得香噴噴, 實在是水準以上的大阪燒....
我問老闆:「點解你D大阪燒咁正嘅?」; 老闆:「我做咗日本料理十幾年啦, 我唔用水用牛奶, 咁就唔會粉囉」(哦! 我又學到嘢啦, 多謝大隻佬)
因為旁邊有人正在吃用鍚紙盛著的湯粉絲, 阿太又心思思, 於是我們又去買了一碗花甲粉 ($34).
阿太:「好清甜, D粉絲索晒D精華, 仲正」(其實, 我不知怎分花甲及蜆)
店員:「我哋用蜆, 因為花甲有好多沙」我們沒有加配料, 難怪別人的花甲粉如此足料吧!
SY又點了一杯經典朱古力四重奏, 我問店員:「你哋心太軟賣晒喇?」
店員:「心太軟無貨, 要過咗年先有得食呀!」; SY:「好大杯, 仲有好多好多朱古力, 好好味」
我家有個卡邦尼控, 一見到卡邦尼意粉更加即時會雙眼發光, SY:「爸爸! 我要食, 我要食, (有溫泉蛋㗎喎, 你都唔食蛋) , 有卡邦尼我就食啦」
不要以為$39溫泉蛋卡邦尼只是一般貨色, 原來芝士味香, 又菇又煙肉又大量洋蔥勁Creamy...
一個小朋友可以KO了整份卡邦尼...其實, 我只吃了一口, 下次要來再Encore先得.
阿太最愛飲胡椒豬肚湯, 但我則又嫌酸又嫌太大味, 阿太:「哎呀! E度竟然有胡椒豬肚丸喎」
店長:「係呀! 我哋真係正宗潮汕手打丸嚟㗎, 胡椒豬肚丸人面真係有豬肚嘅, 牛筋丸同蝦丸都正㗎」
阿太:「真係好彈牙, 又有胡椒味喎, 幾特別」; 我:「老闆話佢哋D魚皮餃唔同出面街嗰D, 真係個皮無咁韌易入口好多喎」
最後本來我們想點榴槤Pizza, 但SY反對:「咁我米食唔到囉?」於是便改了煙肉菠蘿Pizza, 拉好的餅皮, 有客人落單才再加入饀料後放入焗爐, 餅皮香脆, 又不會太薄, 格著紙盒還熱辣辣.
等待約十分鐘, 非常值得, 因為菠蘿控最愛多菠蘿, 而已也們茄汁又不帶酸, 好好食!
我:「SY~你睇下個盒面有字寫的喎？佢祝你日日有餅食喎」
SY:「係米新年祝福語呢? 」(咁得意...手寫語句, 忽然覺得好Warm)
店員:「因為我覺得我嗰Pizza盒太單調, 所以米寫一D祝福語給客人」
我:「這招夠絶, 因為好有衝動又想再來睇睇, 下個盒會不會又有另一D新攪作喎」
三滿Pizza
深水埗美食坊
地址：深水埗大埔道87-91號
時間：星期一至日 11am-12mn
大仁生活facebook
沒有留言:
張貼留言