第一站就是走到市政大樓, 穿過街市在一樓熟食市場, 找陳新記食魚皮.
不過, 招牌老闆九棍魚皮, 今日無緣相遇, 唯有吃住來貨的普通魚皮吧! (下次一定要預約供不應求的獨門魚皮先得)
不過, 他們的炸雲吞又蝦又豬肉, Erie:「平時食開D炸雲吞點會有咁足料㗎...E度真係正喎」(足料係因為老闆娘親手每日包㗎)
這裡的炸魚片頭也很彈牙, 很有魚味...不過, 最吸引我們的就是甜食, 一口西多.
我:「SY 你知唔知一口西多一定要一口食晒㗎? 你細細啖太私文唔得㗎」(SY:我個口太細呀!)
於是, Erie 及 Raymond也跟我齊齊一口一塊西多, 外層脆岳岳, 一咬口腔即充滿煉奶花生醬, 超滿足.
離開市政大樓, 我們便走到鴨利洲大街, 尋找地膽推介我定必一定要食的友和傳統糕點...
我問地膽Jenny :「會唔會好難搵呢?」; Jenny :「鴨利洲得一條街點會難搵, 更何況全條街堆滿人嗰間就一定係...你實搵到嘅」
結果, 真的全條街最多人塞在門口的就是我們的目的地....
我們買了糕點4大類, 分別是最晶瑩剔透的大菜糕, 桂花糕, SY最愛砵仔糕, 及地膽推介我必食的西米糍
我:「你哋個大菜糕, 桂花糕真係好靚喎」; 阿太:「唔係太甜...好啱我」; Erie:「我件糕真係好滑呀!」
我:「我件西米糍彈彈彈咁好好食, 糯米軟軟唔會黏住晒真係正, $5真係抵, 等我去Encore先」
PS: 聞説2019年所有糕點加了一元
第三站是我們即場發現的金龍茶餐廳, 原因是我們離開友和向前行了數十步後, 發現有姐姐在拉腸粉...我即時被即拉腸粉吸引入內.
這裡還有我最愛吃的豬潤腸...不懂吃的SY:「我想食我平時早餐食嘅白色, 無餡腸粉...」
Erie:「吓? 豬潤腸$19, 你做齋腸只係平一蚊咋喎...乜你咁齋嘅?」
所以說這位小朋友不懂吃, 不是說齋腸不好吃, 但滑滑即拉腸都有餡才夠配合, 又不是病, 無端端吃即拉齋腸, 簡直浪費了.
Erie:「熱辣辣, 豬潤又爽, 加埋D蔥花, 真係好食...」(吓? 我忍唔住啦, 我唔影啦, 我要食呀!)
吃飽後, 我們便嘗試由鴨脷洲步行返回香港仔...原來, 一點也不遠, 又不困難, 只要走到利東地鐵站, 乘電梯至頂層(U3), 這便是A2出口.
出口轉左沿路一直行, 便慢慢步入大馬路直上, 便是鴨脷洲大橋.
由MTR漫步大約15分鐘便到逹大橋中央, 大家可以一望無際的俯瞰整個香港仔及鴨脷洲...我:「唔怪得知地膽Jenny話E度睇日落一流享受啦」
完全過橋返回香港仔也只不過合共用了20分鐘時間(約)...輕輕鬆鬆我們又完成了今日的任務~Yeah!! 爽呀!!
陳新記
電話: 25551862
地址: 鴨脷洲鴨利洲大街鴨利洲市政大廈1樓
時間: 星期一至日 (07:00 - 17:00)
友和士多
地址: 鴨脷洲鴨脷洲大街110號前舖
時間: 9am-7pm
金龍餐廳
電話: 25537363
地址: 鴨脷洲鴨脷洲大街124-126號
時間: 下午2時至凌晨12時
沒有留言:
張貼留言