2019年1月28日 星期一

【榴槤又飲又食】D24奶蓋紅茶+榴槤煎堆+油炸鬼!!臭臭

SY:「媽媽, 𡟖𡟖, 嫲嫲先鍾意食榴槤, 男人係唔食榴槤嘅, 好臭㗎」偏偏今日, 我便帶他去飲去食D24榴槤.


SY:「爸爸, 你食榴槤咩?」; 我:「我梗係唔食啦, 咁鬼臭, 但媽媽鍾意吖麻, 同埋全間舖又有榴槤奶蓋, 又有榴槤小食, 幾鬼得意吖」


一走入店, 暫時沒有任何榴槤味, 我問店長Duncan:「請問如果係榴槤愛好者, 你會推介佢飲邊款飲品呢?」


Duncan答:「一定係榴槤奶蓋鍚蘭紅茶 ($35), 因為紅茶易入口D」; 我:「我想要埋榴槤煎堆($28) 同埋西班牙油炸鬼 ($28)」


榴槤煎堆最先登場...我:「哈...原來無乜榴槤味㗎」, 但當阿太將煎堆切開....SY:「嘩! 媽媽好臭呀!」


阿太:「好勁榴槤味喎, 估唔到咁有味喎, 流心效果仲好正添, 你要唔要試下?」; 咬了一口的我:「哎呀! 估唔到我都食到, 雖然佢有少少乸脷, OK 我接受到」


西班牙油炸鬼 與我們廣東油炸鬼截然不同, 又細又幼, 阿太向SY建議:「你加少少榴槤醬吖, 有少少煉奶混咗入去, 甜甜地, 唔苦㗎」


固執的SY:「唔洗! 唔洗! 我就咁食油炸鬼仲好食, 我唔洗要榴槤醬, 媽媽你自己食啦」


之後榴槤奶蓋登場, SY的蝶豆花菠蘿特飲($30)亦同時登場...SY:「媽媽你唔好打開你杯榴槤個蓋啦, 好臭呀!」


阿太:「嘩! 真係好多榴槤肉喎...好食喎, 足料喎」; 我:「Menu 話可以用$12追加特濃榴, 半年前M記榴槤窮麥旋風要加特濃份量都要加$15蚊, E家真係抵」


額外另加的$12是D24的榴槤蓉, 阿太:「真係榴槤嚟喎, 真係勁正, 我好鍾意呀!」一邊食一邊好興奮的榴槤愛好者又食又飲又笑.


我接過阿太落完的榴槤蓉盛器, 用舌頭試了少許, 我說:「嘩! 佢同頭先個煎堆比, 真係仲乸脷喎, D24有少少甜, 我今日竟然都食到榴槤喎」


阿太:「榴槤根本就係甜, 點會苦, 咁正, 你終於識欣賞喇」, 我將淡味少少的煎堆放在SY鼻前, 小朋友即時走開, 伏在枱前...


我:「你做咩?」, 一邊作嘔, 一邊咳的SY:「好臭...我都係飲返我茶菠蘿特飲就得...」今日...我直至晚飯前, 喉嚨仍然不時回出榴槤味...我第一次食榴槤, 不過都不是太慣果王的味道.



花果山
旺角廣華街1號仁安大廈地下24A號舖
6872 7454

大仁生活facebook

沒有留言:

張貼留言