網頁

2019年1月1日 星期二

【3.5小時BB級行山】山頂-西高山-龍虎山-松林廢堡-香港大學站

話說天氣未轉冷前, 我又請魚子媽帶我去去BB山, 她說:「今次我哋行山頂啦」; 我心諗:「真係好BB咋喎, Easy Job啦, 繞住山頂盧吉道行個圈, 真係NewBorn都應付得綽綽有余啦」


今次我們真的是在盧吉道出發, 不過, 不是繞圈, 而是登上西高山感受大地在我腳下的宏偉.


我們於13:25在凌霄閣旁的盧吉道起步, 大約20分鐘, 由兩位小朋友帶路已經到逹盧吉道最開揚, 可以遠眺維港, 望穿昂船洲大橋.




有人大叫"渣打銀行"呀! (邊度有呀?) SY:「前面咁大隻字...」; 我:「ER...其實大大隻字寫住恒生銀行喎...小朋友」


講講笑笑, 不用15分鐘便到逹了爐峰自然步道小公園, 魚子媽:「你哋玩一陣先上西高山啦」(其實, 走平路只係走咗50分鐘, 唔係咁睇少我呀? 休息? 講笑呀?)



小朋友本來不願走, 但玩了10分鐘, 還是出發會比較好, 否則, 可能他們真的可以玩半天...



在小公園的另一邊直行, 不到5分鐘, 便已經看到樓梯, 小朋友們與魚子媽一口氣便上上上, 走了上去...



而我則是間斷喘氣的第四名次, 而阿太則是不停氣喘的包尾, 阿太:「頭先...有個外國人...問我OK嗎?...可能我真係行得好唔掂」


氣來氣喘, 臉青青的阿太可能真的要找就哥來CPR先可以再上西高山喎


魚子媽:「當你哋行到上山頂, 見到咁靚嘅風景, 包你唔會再覺得攰」; 但我這刻已經腳軟軟喎...


在山頂頂峰, 可以360度環迴盡看全個香港, 眼睛突然鬆了, 雙腳雖然累, 但人企得高高, 感覺又有另一番意思.



拍拍照, 食食飯團, 我們又落山了, 魚子媽:「我們返去頭先爐峰自然步道那小公園, 向克頓道下行就可以去到松林廢堡」


我一邊忍著腳軟一邊完成落山行動, 並問:「你有冇計過我哋行咗幾多級樓梯?」; 魚子媽:「550幾級樓梯」; SY:「來回米已經1100級囉」(唔掛之得我E家腳不停震震震啦)


走過小公園, 有一個龍虎山牌坊, SY跟子子大叫:「Tiger...Dragon....」, 不過, 原來, 龍虎山英文名叫: Lung fu shan Country Park 喎!


沿克頓道往山下方向步行大約 1 公里, 便走到松林廢堡前的大草地.



松林廢堡就在草地後, 原來當日抗日戰爭時英軍與日軍維持了18天的香港保衛戰, 這裡便是其中一個英軍陣地, 現在就保留了這可愛的遺跡.



小朋友玩玩走走, 突然停了下來...細細聲:「點解真係有兩個軍人嘅? 好驚好驚」其實, 我估計只是有人來玩WarGame...對嗎?



在廢堡有指示牌, 指向松林廢堡歷史俓及龍虎山健身俓, 我們便是依方向再落山...魚子媽:「一直行就, 大約半個鐘就到港大」


說時遲那時快, 魚子媽說:「唔好行住先, 靜D! (咩事呀?) 有野豬」


看來, 小朋友發現野豬, 好像興奮多於一切, 子子:「情況危急~情況危急~走啦, 我哋快D走啦」


急急腳~但兩個小嘴巴還是不停說:「走啦, 情況危急~野豬會唔會跟住我哋....」(魚子媽: 安靜啦, 唔好嘈, 快D行)


落過樓梯轉左, 再一直行, 不遠處便已經踏入香港大學的範圍, 兩位小朋友已經有少少疲態. 子子:「我想食鰻魚飯」(點解要食鰻魚飯呢?) SY:「因為我哋都係鰻魚飯嘅Fans囉」



最終, 我們於16:58便走到香港大學站, SY:「3個半字就到....(3個半字?)...3個半鐘頭」順利完成任務, 子子:「我哋去食甜品囉, 食鰻魚飯囉!!」





大仁生活facebook

沒有留言:

張貼留言