2019年1月5日 星期六

【奇華賀年工作坊】3小時小丸子+花輪陪你做齊蘿蔔糕+紅棗年糕

奇華「櫻桃小丸子」工作坊又來了!! 上次做月餅, 食次小丸子+花輪齊齊陪你做臘味蘿蔔糕+紅棗糖年糕.


今日, 我們又去灣仔煮年糕啦! 今次更加一口氣3小時做齊小丸子蘿蔔糕及花輪紅棗年糕, 前日(1月4號/ 5蹮)2次網上登記秒速爆滿, 最後一輪報名於1月9號開始, 名額有限, 記得快快快.





我們先來小丸子臘味蘿蔔糕, 原來SY第一次用刀切臘腸, 又好像非常有板有眼喎.



SY:「E舊石頭係咩嚟?」;我:「係臘味嚟呀, 你做臘味蘿蔔糕麻」



臘腸, 臘味切粒加蝦米混合便拿到焗爐焗7分鐘, 嘩! 原來焗好的臘腸臘味香得如此緊要.


之後便開始將一半蘿蔔切條...我:「點解有一D己經係一絲一絲嘅? 」; 工作人員:「因為我哋幫你一半切咗絲先, 之後你哋撈埋一齊就得囉」


完成切條工作, SY說:「師傅話要加麻油撈埋一齊就放入焗爐15分鐘啦」



在焗蘿蔔的時候, SY又將粘米粉, 生粉, 粟粉, 澄麵全部加入兜內再混合90克水製作粉漿.



 SY說:「師傅話要攪到好似芝士拉絲咁樣, 我要攪攪攪....攪攪攪...都幾攰喎爸爸」


15分鐘後蘿蔔出爐, 工作人員:「嗱! 要趁熱將130克熱水, 將所以蘿蔔, 粉漿, 臘腸, 臘味攪勻一齊啦」




最後把所有粉漿倒入小丸子糕兜, SY:「點解2個兜都係小丸子嘅?」(會唔會小丸子鍾意食蘿蔔糕, 花輪就只係鍾意食甜糕呢?」


蘿蔔糕要蒸70分鐘...如此同時, SY又準備開始做紅棗糖年糕...


糖年糕比較簡單, 但就考耐力, 因為第一步驟便要親手將紅棗磨成棗蓉...本來以為輕輕鬆鬆的小朋友, 工作人員已經走來協助, 但大約10分鐘後, 他雙手開始無力...


SY:「爸爸, 你唔好袖手旁觀啦...幫下手啦, 我手臂都開始麻痺痺啦」(我梗係唔煮嘢食啦, 我就係知道辛苦, 小朋友我哋一家大細靠晒你啦)

SY:「爸爸, 我用醉拳打紅棗呀! 哎哎哎」(嘩! D紅棗好香, 真係好想食...); 工作人員:「小朋友你真係幾好嘢喎, 一個人都做到晒」; SY:「係囉, 我爸爸佢都唔幫手, 淨係掛住影」(激C)



用手壓成的紅棗蓉, 倒入粉漿用攪拌機攪勻, 再將年糕加入花輪同學的糕兜, 撥平漿面便可以拿到焗爐煎60分鐘.



而我們在等待的同時, 工作人員更即時煎出現成的蘿蔔糕, 及糖年糕出來給大家分享.


本來, 不吃年糕的小朋友:「嘩! 爸爸, 好食呀! (我:你唔係唔食年糕嘅咩?) 我食吓鹹又食吓甜囉, 好食呀!」(梗係啦, 我哋都無食早餐, 你打咗3個鐘醉拳, 實肚餓啦)


食完糕, 更加有高潮, 原來今日有驚喜, 小丸子及花輪來探我們班呀! Yeah~


小丸子又跟我們派利是卷, 又合照...可以集郵, 我又怎會放過呢?


3小時後快便過去, 有人連自己做的蘿蔔糕都要偷食, 我:「你食咗, 咁嫲嫲同婆婆咪少咗一啖囉」; SY:「因為真係好肚餓呀! 咁香食一啖啫」




 

櫻桃小丸子臘味蘿蔔糕+紅棗糖年糕班
成人班 $550
親子班 $600
課程時間:180 分鐘
成人班>> http://bit.ly/2ETvgOg
親子班>> http://bit.ly/2ETvll2
奇華餅家工作坊: 灣仔皇后大道東188號2樓

• 課程可製作櫻桃小丸子蘿蔔糕(淨重量約300克)及花輪同學紅棗糖年糕(淨重量約300克)各2底
• 附送精美櫻桃小丸子A4文件夾、櫻桃小丸子揮春 (一套四張)、櫻桃小丸子利是封 (一套十個)乙份
• 附送櫻桃小丸子年糕包裝盒2個


大仁生活facebook


沒有留言:

張貼留言