我們先到達波記, 我打給Erie, 原來還在巴士的她說:「我坐錯巴士, 早知坐260X啦, 你哋食住先, 唔好等我」
我當然不客氣, 先點一碟牛肉腸粉...現場即叫即拉, 現在已經不是太多地方吃得到, 而且價錢也只是$20-$23
Peter師傅以純熟功夫, 在大大蒸爐前, 四兩撥千斤的接出又滑又晶瑩的腸粉皮, 再放到另一邊加入牛肉, 捲兩捲便已經完成一碟令人口水流的即拉牛腸.
又滑又腍的牛腸絶對超值!!
說時遲那時快, Erie他們終於到逹, 而我剛剛為大家點的大包, 燒賣, 馬拉糕, 蝦腸亦到場.
Erie:「嘩! E個大包真係犀利, 足足有我個臉咁大, 入面又有肉餅, 又叉燒, 又咸黃, 單單食個包都好好味, 因為D料嘅味入晒個包」
我:「E度嘅燒賣都好食過出面多多聲, 因為好有童年實實在在嘅肉味, 唔似出面粉多個乜...食完真係好滿足」
阿太問店員:「隔離枱阿哥食嘅魚飯有冇得叫㗎?」店員:「有呀! 梅菜蒸鯇魚 $40」
等了大約15分鐘, 用一個傳統鋁飯盒盛著香噴噴的鯇魚腩登場, 店員:「嘩! 你都幾有品味喎 , 識食魚飯」
阿太:「正呀! 又滑又香, 不過唔記叫佢少飯...Erie你食唔食個咸蛋, 我想攞嚟送飯」(結果阿太真係KO晒整個魚飯)
當我們嘆完點心, 便向第二站出發. SY問:「我們去邊?」, Erie:「頭先我們無食甜品, E家去食啦」
阿太:「係邊度嚟?」; 我:「好近, 行兩個街口上海街搵方太」; 阿太:「以前電視教煮餸嘅方太?」
方太以家庭式賣芝麻糕, 芝麻卷, 砵仔糕, 紅豆糕 , 十年前在佐敦道開店, 之後休業, 去年才在現址重開.
時為下午2時左右, 長長的人龍由我們對面過馬路, 直至我們購買完成, 人數也沒有減過, 真的是人氣勁旺.
我問:「芝麻卷無得賣? 」; 店員:「要5點後先有....」今日對菲林無緣了...還想試一試$26巨型菲林
15元3件, 我們分別買了龍眼紅棗糕, 馬蹄糕, 馬豆糕, 綠茶糕, 綠豆糕, 還有白糖糕...
現在不酸的白糖糕已經很難找到...方太的簡直正宗又好食.
Erie:「但我件馬豆糕得幾粒馬豆嘅?」; 阿太插咀:「我件馬蹄糕好多馬蹄喎」
我除了推介白糖糕, SY吃的龍眼紅棗一樣味道夠, 好食又足料...可能Erie不夠好運, 揀了切得不過好的馬豆糕吧!
吃完糕, Erie:「我知道有間新開珍珠奶茶, 不如去試下」; 我:「才街都係珍珠奶茶, 有咩咁特別? 我唔飲大6嘢㗎!」
Erie:「E間係台灣淡水人氣店, D黑糖珍珠係用明火煮夠2粒鐘, 而且佢有一個10分鐘限定KO奶昔」
我:「吓? 咩嚟?」; 店員話:「10分鐘之內要飲晒...(飲唔晒會點?)建議最好, 我就自己覺得之後會變得淡同無咁好飲」
一杯上凍下暖的奶昔, 究竟我可不可以十分鐘之內KO它呢? 當我一飲...我:「嘩! 冰凍呀!」; SY:「爸爸, 你都未攪勻」
之後兩父子接力...但大大杯又多珍珠, 加上我們之前又影相...看看貼在杯上的落單時間, 與現在時間已經有20分鐘...失敗了!!
我:「係咪心理作用呢? 過咗時真係淡咗咁多呢?」
挑戰不成功, 我很失落...Erie:「唔好唔開心, 我帶你去食法包...」; 我:「但我飲咗好多珍珠, 好似飽飽地, 法包好鬼大條㗎喎」
Erie:「唔怕! 佢E間有半條之外, 仲有迷你版法包$32, 我哋5個人Share囉」(咁又唔同)
法包翻熱烘得脆岳岳, 一翻開麵包... Raymond:「嘩! 咁多蘿蔔絲嘅?」;阿太:「下面我見到有扎肉, 豬腩肉, 青瓜我鍾意...」
本來我想請店員幫我切一半, 誰知店員答:「迷你我哋唔切㗎」, 於是我就用手撕, 我:「D蘿蔔絲醃得好酸喎, 不過佢寫有肝醬...鵝肝醬?? 係咪係Erie妳嗰半邊, 我E邊就無」
Erie:「Raymond 你話飽, E家最啱你, 有咁多精胃醃蘿蔔偏酸」; Raymond:「咁酸...我飽仲要我食?」; 我:「嗱...我哋食晒我E半啦...我走先啦...拜拜」 這樣就過了一個又開心又飽的周末下午.
波記咖啡
營業: 06:00 - 15:00(星期日休息)
地址: 油麻地新填地街35-39號新填地街熟食小販市場地下1-2號檔
電話: 23324285
方太糕品舖
地址: 佐敦上海街196號地下
電話: 98216598 (15蚊3件任揀)
李圓圓
地址：佐敦庇利金街38號地下
電話: 64369999
馬丁王越式法包
地址 : 佐敦德興街1號B4地舖
電話: 26583800
大仁生活facebook
沒有留言:
張貼留言