不過長老們不愛吃西餐, SY:「嫲嫲, 爺爺, 點解你哋只係鍾意食中式, 其實食魚生, 壽司都好好食」(爺爺點會肯同你食魚生:))
其實, 我也覺得做冬可能真的食傳統一點比較好, 所以今晚帶了長老們去補一補, 暖暖胃, SY:「哎呀! E啲好似橡根」
嫲嫲:「你爸爸以前都係話D海蜇係橡根, 你倆仔爺真係一模一樣...哈哈」木耳萵筍海蜇 $88 我: 「海蜇漲卜卜又入味, 又爽又彈牙, 你唔覺得正咩?」; 爺:「筍同木耳仲爽仲好食」
SY:「五香牛腱 ($88) 爸爸...E啲肉好食呀!」; 我:「頭先我仲以為少少辣你唔鐘意食添」; 嫲嫲:「慢火咗兩個鐘真係唔同D, 又腍又入晒鹵水味, 真係好食...爺爺無牙都咬到」
SY一邊飲湯一邊問嫲嫲:「嫲嫲點解你唔飲正常湯, 要食蛇呀? 」五蛇羹($98)
嫲嫲:「秋風起, 凍冰冰梗係食蛇啦, 食完個人暖晒㗎, 你睇幾足料, 又花膠絲, 又雞, 又瘦肉, 蛇肉又夠多」
SY:「我想食你D脆脆呀」嫲嫲:「食啦!食啦!我都落唔晒」
我:「媽咪, 你睇我哋個姬松茸花膠燉竹絲雞($168), 個花膠大塊到呢....幾勁!! 」
這碗竹絲雞非常潤又有膠質，清甜好好飲!! 爺:「真係呀! 飲竹絲雞有姬松茸補好多」
雖然外面天氣寒冷, 但望著熱騰騰的古法雙冬羊腩煲 ($328), 真的口水不停分泌, 寒意都似拜拜了一樣.
嫲嫲:「E啲係黑草羊嚟㗎喎, 好嘢喎, 皮薄又無肥肉又嫩」SY:「嫲嫲妳好鍾意食羊㗎咩?」
爺爺:「佢梗係鍾意食羊啦, 又有馬蹄、又有冬菇, 又冬笋...」; 嫲嫲:「D羊真係夠腍, 食完成身暖晒」
爺爺最愛吃魚, 所以點了陳皮麵醬蘿蔔黃花魚($238)給他, 嫲嫲:「秋冬食黃花魚就最啱, 佢又煎得條魚好香吓喎」
爺爺:「D肉好滑, 夠晒開胃, SY你用D蘿蔔送魚吖, 好食好多呀」; 我:「D蘿蔔燜到好腍喎, 仲吸晒D魚味, 條魚連我平時唔食魚都覺得好食喎」
黑松露野菌釀大蝦皇 ($168/半例)一上枱, 我便大叫:「嘩! D黑松露味勁到離遠都聞到呀!」
嫲嫲:「羊肚菌啱晒爺爺同SY, 佢哋成日咳又多痰, 有益腸胃㗎」; 我:「原來隻大蝦中間釀咗D雞肉同蝦膠入去㗎, 真係唔止大蝦咁簡單」
全晚我最念念不忘的一定是, 黨參雲耳紅棗蒸雞 ($138), 因為雞夠滑夠嫩, 而且黨參、紅棗味滲滿肉, 配雲耳食, 一個字: 正正正正正!
這個由嫲嫲發板的五蝦山根豆腐煲 ($75/半例), 內裡的山根及豆腐盡吸海蝦、河蝦、蝦乾、蝦醬和蝦籽的精華, 燜得超入味.
SY:「Yeah! 有豆腐食」; 嫲嫲:「豆腐就係為你而叫, 山根就為爺爺叫, 我就食蝦」; 我:「D豆腐外脆內嫩, 仲吸晒D蝦味, 好濃好好味」
沾沾自喜的嫲嫲:「梗係啦! 5蝦喎, 幾難得呀, 蝦、蝦、蝦、蝦、蝦, 即係哈哈哈哈哈, 咁就成家都笑哈哈囉」(幾難喎妳個GAG)
鹹食吃飽後, 當然就要用甜品溫暖另一邊胃, SY:「嫲嫲, 爺爺點解哋兩個都芝麻糊($48)嘅?」嫲嫲:「我哋老人家食芝麻糊維他命E, 同埋滑大腸呀!」
我極力推介這款薑汁紅棗糕($48), 滿足紅棗的甜, 煙煙韌韌, 又暖笠笠, 我最愛薑味, 如果再濃一點就更加正!! 不過今晚已經非常滿足, 一家人開開心心吃一餐暖身過節飯, 連心也暖了.
恆生 匯豐 中銀信用咭：85折
註: 兩日前網上預訂：額外5%折扣優惠
九龍維景酒店《唐宮》中餐廳
訂座電話：2760 3628 / 2197 3519
網上預訂：www.MetroparkHotelKowloon.com
地址：九龍窩打老道75號二樓
大仁生活facebook
沒有留言:
張貼留言