2018年12月23日 星期日

【假期好去處】大棠郊遊~睇紅葉 @ 楓香林

去年由魚子媽帶路, 第一次去大棠睇紅葉... 今年我一早問定鐵人魚子媽:「幾時再去睇紅葉呀? 」



今次我們揀了23日 (星期日),  魚子媽:「因為22, 23日有嘉年華, 12月22、23、25及26日仲有特別九巴68R, 直通去大棠, 又快又行少好多路㗎! 」



平常要去大棠, 在朗屏站有免費接駁巴士K66, 只要坐大約40分鐘便到逹. 或者坐小巴$5也可以. (K66乘客在「大棠山路」落車. (尾二站))





不過, 每年也有數天有特別班次九巴, 所以, 今天我們便在元朗站, 形點I商場地庫的巴士總站乘坐68R前往.


不停站的直通巴士, 真的飛快, 不用20分鐘便抵逹, 平常坐巴士也暈車浪的SY:「好嘢! 20分鐘, 我唔洗暈浪就已經可以落車~正」


而且, 68R停泊於「大棠山路」前半段位置, (即省了約15分路程), 我們慢步5分鐘便已到燒烤場下的入口處.



魚子媽: 「直上石級就係大棠燒烤區場, 今日有嘉年華, 我哋可以去玩吓」



可惜, 今天天公不造美, 所以嘉年華有部份遊戲也沒有開, 而因為連綿不絶的毛毛雨, 參加嘉年華的人數也不多.




無懼細雨影響, 小朋友們左玩右玩, 目的就是想集齊印仔...換禮物. 結果, 禮物反而是兩位媽媽都極為歡迎的環保遮袋. (無陀螺揀, 兩個小朋友其實換D乜都無所謂就真 :( )


去年, 私家車塞滿燒烤場外. 今年已沒有人山人海的情況, 阿太:「落雨都幾多人嚟BBQ, 我都想BBQ」, SY:「媽媽! 快D行啦, 我哋嚟睇紅葉, 唔係BBQ」





當我們再向前走, 小朋友還很高興的嘻嘻哈哈, 這兩位小朋友一見面就傾不停, 子子不停的笑, 真的為我們帶來不少歡樂.



約10分鐘, 我們便已經是漁護署苗圃, SY說:「我記得上年我就係當咗地下啲橙皮係紅葉」(我: 上年應該行到E度就差唔多到紅葉終點)


阿太:「得一兩棵咋喎...」; SY說:「我哋都未見到廁所, 有廁所就有紅葉」; 子子哈哈大笑:「點會廁所同紅葉有咩關係?~哈哈哈」



正當大家也笑SY的廁所紅葉論....我們又再行行走走, SY又大叫:「嗱!! E度米廁所囉...前面路仔米開始有紅葉囉」(哎呀! 原來SY真係記得, 我一D印象都無, 這位小朋友個腦真係記到好多奇怪嘢喎)


「大欖林道大棠段」, 紅葉真的愈來愈多, 而影紅葉的朋友亦開始出現, 我們也當然不放過影大合照機會呀!


而我們的目的地「吉慶橋休憩處」正正就在再向前走5分鐘的地方....Yeah!! 我們到逹目楓香林啦!!


可惜, 今年有點失望, 除了毛毛雨, 天氣忽然轉冷外, 紅葉還未紅, 以政府官方網頁顯示, 目前也只是黃->紅的階段, 即是可能再過一星期, 紅葉可能才會更美.


不過, 小朋友不理三七二十一, 還是要瘋狂的在地上執紅葉, SY:「子子我哋要執好多, 好多, 好多, 之前就會部掟上天, 一定好似落雪咁靚」


大人們則在不停影影影...有人找我拍攝一張老人坐長椅與山水沙龍喎 (哦! 不過你都好寒背吓喎)


去年我們4時來賞紅葉, 天朗氣清還可以欣賞完日落才離開, 今年...我們則太看小天氣伯伯, 下著雨的20度, 原來穿了冷衫一樣感到冰冰凍.


今年唯有早點離開, 幸好68R可以幫我們省下不少路程, 再見了紅葉, 明年再來探您啦!!


大棠山道路口(大棠山路站)(尾二站)下車 → 沿大棠山道直上 → 大棠郊野公園燒烤場 → 漁護署苗圃 → 大欖林道大棠段 → 吉慶橋休憩處 (楓香林)

其他觀賞紅葉地方:
香港中文大學未圓湖
城門郊野公園
青衣公園
香港動植物公園

交通資訊:於朗屏MTR站乘免費接駁巴士K66 或 專線小巴 $5, 在大棠山道巴士尾二站下車, 並沿車路步行上山約45分鐘到達楓香林。
http://www.mtr.com.hk/ch/customer/services/searchBusRouteDetails.php?routeID=K66


12月22、23、25及26日(08:30 - 18:30)
九巴特別交通安排 : 68R來往元朗形點I至大棠山道
大欖郊野公園楓香林紅葉情報 : https://www.natureintouch.gov.hk/outdoor/activity/nit_2011/0/811


大仁生活facebook

沒有留言:

張貼留言