12月有很大型嘉年華舉行, 元朗大棠也有一個恐龍嘉年華, 除了有戶外大人及小朋友玩的充氣項目外, 還有-8℃的冰雪王國.
大會會為我們準備外套, 我天真的說:「車!! -8℃都唔會好凍啫」誰知一走入館內未及3分鐘, 我雙手已經開始有點點麻痺.
工作人員說:「你哋唔好用手摸D冰雕, 因為會凍傷你哋」, 今年是恐龍為主題, 所以, 館內有大量不同顏色的恐龍.
SY:「嘩!恐龍戰隊都有喎」
阿太:「穿過恐龍世界, 竟然有大大隻聖誕老人同馴鹿係度等我哋」
當再向走行多一點, 21米27米高的巨型冰滑梯便在我們面前出現...SY:「爸爸! 我哋快D去玩囉」
這個巨型瀡滑梯絶對推介, 非常有速度感, 又夠順滑, 我們足足玩了4次. 但因為實在太凍.
SY:「爸爸, 我好凍, 但係我又好想玩...不過真係好凍, 我頂唔順, 都係返出去好D」
老實說, 下次再來一定要自備手套, 雖然耳及鼻也開始變紅, 但也可以忍受得到, 相反, 我雙手已經好像沒有知覺似的, 而且我還要手持手機...實在凍得開始有點痛...
我:「我哋下次嚟真係要帶手套先得啦」; 阿太:「我要帶埋個毛毛耳罩會穩陣D囉」
今次嘉年華主題是恐龍, 所以不只冰館, 就連戶外也有5隻大大機械恐龍遍佈不同位置, 等你去集郵.
(恐龍王國冰雪館 : 8代幣任玩 ~ 75CM以下小童由大人陪同免費入場)
SY:「E度嘅恐龍叫得好細聲, 我哋上次去睇戲, D恐龍叫得好得人驚嘅」
我:「如果叫得又大聲, 又恐佈你都唔敢嚟啦, 你知你幾細膽先得吖」
戶外有15個充氣項目, 分為兒童區及成人區, 看來成人部份好像好玩一點吧!
「人肉保齡球」如果SY肯給我大打推去保齡球樽, 給我一個全中, 應該會好玩加好玩~
「特色充氣 war game 場」即使今日沒有槍提供, SY也當如同玩捉迷藏一樣, 開心得不讓我們離開.
「充氣卓球」用腳踢卓球真的第一次, 還是全部好像被放大電筒照過一樣, 好玩過真卓球喎
近入場位置, 有一幅 25米長的花牆, 分了春, 夏, 秋, 冬四季作主題.
老老實實, 要請SY來陪阿太到四季牆打卡, 一點也不容易, 因為小朋友根本只愛去玩, 打卡又怎會有小朋友喜愛啦.
四季之中, 秋天有一棵大樹, 一張長椅, 後面背景貼滿紅葉, 我覺得是箇中最靚的打卡位.
SY:「我鍾意冬天, 因為我可以跳高手去點一下D掛係度嘅波波」
原來, 場中不時會有三隻真人扮演的恐龍走出來和大家合照, SY:「E個BB恐龍好得意呀!」
可惜, 我們今日只發玩2隻恐龍的蹤影, SY:「有恐龍爸爸, 恐龍BB, 即係仲有一隻恐龍媽媽啦」(係唔係㗎?)
今日除了充氣障礙吸引SY外, 他最玩不停的竟然是這個籃球機, SY:「爸爸! 你都快D嚟挑戰媽媽啦, 佢頭先入咗37球呀」
我:「唔係呀? 佢部機壞咗咋? 我玩嚟玩去最高分都係得30」, SY:「係囉, 我玩咗咁耐都去唔到37...激氣」
下次或者看完紅葉, 有時間也可以再來探探恐龍...我有點掛住-8℃的那條冰極長滑梯喔!
「恐龍冒險王國」詳情：
日期: 2018年月12月14日(星期五)至2019年2月10日(星期六)
時間:逢星期一至星期日，早上9時至下午6時
地點: 元朗大棠「有機生態園」
票價: $120 包門票、《恐龍冒險王國》代幣6個及大棠有機生態園門票
$690 包4張門券，包括VIP襟章及禮品套裝(數量有限)
$ 80 包門票及《恐龍冒險王國》代幣6個
交通: 免費穿梭巴士往返「朗屏西鐵站」(近B1出口)及《恐龍冒險王國》
(只於星期六, 日, 公眾假期提供)
大仁生活facebook
沒有留言:
張貼留言