笑到見牙唔見眼的 SY:「Yeah!! 溜冰, 好嘢, 不過我好耐無溜, 唔知仲識唔識, 爸爸你到時扶實我」(你扶住側邊同豬仔一齊溜咪得囉)
星期日, 我們二時走到東涌纜車站, 我發現:「原來, E家現場買大人來回纜車飛, 小朋友就可以$50搭喎或者$130搭水晶纜車.」
今次我們選擇坐水晶車.. 小朋友望著通透的車廂地板, 非常興奮!!
他們不停研究山, 研究水, 坐在水晶地板也不太願坐在座椅上. 其實, 你們伏在地板上欣賞風景對我更加好, 因為我可以一人霸了整邊座椅~哈哈哈!
SY:「有人行山呀!」; 豬:「係呀! 好多人都行緊喎」
大家嘻嘻哈哈不一回, SY便大叫:「見到大佛啦, 即係就嚟到啦」
豬:「係呀! 我哋一陣行唔行上大佛先....(我:吓! 仁叔叔老啦, 又行幾百級樓梯, 我又要抖返幾日, 唔好行囉, 不如留返D力去溜冰啦), 溜冰好呀!」
於是我們一落纜車, 便第一時間衝往溜冰場, 先換溜冰鞋, 繼而便開開心心玩溜冰.
雖然溜冰場不大, 但可以在大嶼山山頂, 又望到360纜車往往返返, 感覺也不錯.
SY:「點解D冰唔凍嘅?」; 我:「佢係模仿冰吖, 其實畀你哋小朋友更加容易溜, 咁咪仲好」
大約10分鐘, 工作人員示意:「今節差唔多啦!!」, 小朋友們本來極不願離場, 不過, 我們發現旁邊的攝影台上開始飄雪.
SY:「落雪啦!」; 豬:「係呀!落雪啦!」, 小朋友們便秒速換鞋, 走到旁邊, 周圍走, 周圍雙手去捉白雪.
因為今日風不太大, 所以頭頂的降雪可以非常完美的降在我們頭頂.
豬:「SY, 你個頭有好多雪呀!」; SY:「好勁呀! 傾盤大雪呀!」
漫天飄雪過後, 我們又走了去玩「雪天使」!!
這個小小的雪區, 本來應該是給大家躺在雪地上做「雪天使」...
但小朋友比較愛堆雪, 愛撥雪多於一切.
建議大家可以為小朋友多準備一套衣服襪, 因為玩完 「雪天使」可以懶清潔, 袋回家清洗會更方便.
玩雪半天, 三款不同的戶外白雪體驗後, 我們一行六人又去觀賞了360動感影院, 小丁小蜜蜂 , 最後非常滿足的回東涌打邊爐!!
雪天使*
昂坪市集消費滿$100起, 可以入玩10分鐘 (約)
戶外溜冰場*
昂坪市集消費滿$100起, 可以入玩10分鐘 (約)
飄雪聖誕 @ 昂坪市集
日期:2018年12月1日至2019年1月1日
星期一至星期五飄雪時間:
11:30am; 12:45pm; 2:30pm; 4:00pm (4節)
週末及公眾假期飄雪時間:
11:30am; 12:45pm; 2:30pm; 3:30pm; 4:30pm (5節)
大仁生活facebook
沒有留言:
張貼留言