【又到聖誕】 尖東燈飾亮著了! 閃!閃! 閃! Merry Christmas

一年容易又聖誕 ~ 只要尖東的聖誕燈飾一亮起, 即是代表又將近年尾啦!! 時間真的如火箭般話走就走了.

南洋中心一帶的L字排列的大廈外牆, 又聖誕老人, 又豬仔, 又禮物, SY:「真係每年都唔同動物㗎喎, 上年就係狗仔, 今年就係豬」

 阿太:「梗係啦, 出年係咩生肖, 聖誕燈飾就用嗰年嘅動物囉, 咁即係出年就係豬年囉」(係喎!!)

全個尖東, 最震撼的一定是尖沙咀中心及帝國中心外牆的大電視...

SY:「我記得上年大電視係心心, 係寫字嘅, 今年係跑步喎」

我覺得今年一家大細跑步仲有意思, 仲有氣氛啦....

就在這時維港對面剛剛好正在進行幻彩詠香江, SY和我都想通知阿太, 不過...

阿太:「你睇下, 前面(永安中心)有隻大肥豬仲得意啦, 不如繼續行啦, 快快影完去食飯仲好啦」(車! 你咁掃慶㗎)

去年, 香格里拉外牆燈飾是一個大心心, 不過走得近, 心心圖案不太顯眼. 今年換上簡單的聖誕樹...(會唔會簡單得滯?)

於是我們便沿海旁又折返尖沙咀中心及帝國中心中間的麼地里, 原來有一個小小天幕, SY:「好靚呀! 」; 阿太:「係花海呀!! 」

聖誕節一定要在燈飾下影家庭照, 今年你覺得最佳影相位是在那裡呢?  不如有時間都帶屋企人來影張靚靚全家福啦!! Merry Christmas

尖沙咀聖誕燈飾2018
日期 :2018年11月6日 - 2019年1月1日
時間 : 星期一至五18:00 - 23:00
          星期六, 日  17:45 - 00:00
地點 尖東海濱花園,帝國中心,永安廣場,尖沙咀中心


大仁生活facebook