【回到80年代】微縮舊香港 6大情懷以細亂真 @ 時代廣場

阿太:「時代廣場有微縮展, 去啦! 去啦! 一齊去啦, 我想去帶杯緣子返80年代香港呀」

今次時代廣場的展覽, 或者很合適我們的「老嘢」去回味, 或者可以帶小朋友去認識一下我們的煇煌年代.

展覽分為6個情景, 最近大門口的就是「啟德遊樂場」, 我最初不知道, 我問:「AIA嘉年華?」

問了Google大神, 原來「啟德遊樂場」是1965年1月31日—1982年4月便完結, 難怪我沒有印象.

我覺得如果想多些人有共鳴, 或者做荔園更加好...不過, 現在每年中環也有AIA, 就當AIA看待也不錯吖!! (汗)

之後便是結集了西營盤, 九龍城, 北角的大情景, 真的包羅萬有...

如果你仔細看會看到很多會心微笑的地方, 例如, 我們的九龍皇帝重現街頭.

舊唐樓有人危坐, 但不遠處又有人因打麻雀而起爭拗, 又有阿媽打仔, 工作人員說:「你搵吓啦, 仲有一個大肚婆收埋咗係某一個角落, 搵到你講我知, 我仲未搵到...」

我:「真係立體版本Where's Wally喎」, 我反而問:「以前真係有太平戲院嗎? 我覺得E度好似北角就真」

工作人員:「我哋全部都用假名, 所以無錯, E度真係北角間戲院呀!」(哦! 原來如此)

原來今次的展覽, 除了由本地微縮模型大師黎熾明及陳慧姬合力創作之外, 還有三十五位學生一起完成, 而所有學生的名字就在這塊祝賀花牌上列明, 真的很有心意.

走到旁邊就是80年代的舊戲院, 聽說是深水埗黃金戲院, 位置是否今時今日的黃金電腦商場呢?

從前電影業興旺, 戲院門口前一定有5-6檔推車仔攤販, 燒魷魚, 粟米, 煎饟三寶, 魚蛋, 牛雜, 但今次的情景就少了最有戲院代表性的食物...大碌蔗是也.

所以, 有好有氣氛有情懷, 不過當年其實看電影也沒有現在的清潔, 起碼室內容許吸煙, 蔗渣又有可能被人隨處吐呢?

今次他們做得非常深入, 就連放映室也有如實砌了出來...正!!

最佳拍檔真的是香港光輝歲月的印證.

舊情懷又怎可以少了公共屋邨呢? 如何是忠實微縮重現呢? 你來看看這個模型便會嘆為觀止.

單單看到士多內的一包薯片, 一份報紙, 一罐汽水, 你一定會目瞪口呆..有沒有可以細緻得如此驚人呀!

單位內就連黑膠唱片, 也如實的重現當年最紅的暴風女神, 妖女, StandUp, 跳舞街, 今年想搵一首大熱金曲, 可能找爆頭腦都未必唱得出兩句.

下層有人為BB慶祝生日, 上下隔床也分別貼上張國榮, 譚詠倫的海報, 真的似十足我當年的家.

後面有一個旋轉餐廳, 我大叫:「合和呀! 我哋結婚擺酒嗰間旋轉餐廳」

工作人員說:「唔係呀! 以前香港有三間旋轉餐廳, E間係旺角旋轉餐廳, 即係今日嘅彌敦道胡社生行」

我又問Google, 原來發現, 胡社生行於1966年落成，樓高26層，頂樓就是全港首間旋轉餐廳, 1996年酒樓結業, 改作辦公室出租, 今日胡社生頂樓同樣保留其圓碟型外觀.

阿太:「你睇...有人係度求婚添呀! 真係做得好勁, 個個人都有唔同表情, 唔同動作」(真勁)

最後就是中環, 一個還有皇后碼頭的可愛商業中心樞紐. 1989年才落成的中銀大廈還未有出現的中區, 摩天輪位置還未被填出來.

我愈來愈覺得從前好像甚麼也較今日好的...唉! 美好的日子何時會重臨人間呢? 應該除了發夢之外, 或者今個聖誕來銅鑼灣睇微𦂨展就可以感受一下囉.

[聖誕微縮模型展覽]
時間：10am-10pm
日期：24/11/2018-1/1/2019



大仁生活facebook