可惜, SY要返學, 加上家中有一位怪獸阿太, 唯有我今日努力多影相片, 多影短片回家給可憐的小朋友慢慢欣賞.
老老實實, 如果我們不是在行人天橋見到巨型布布個頭, 我想我會去錯另一個商場!! (多謝布布)
天台花園除了有大布布之外, 還有一個靚靚布甸吊飾長廊, 長廊頂掛滿無數布布頭, 好夢幻!!
之後與陽光中的布布玩完遊戲後, 我們便走到L1位置, 布甸的大黃蝸居, 好靚, 好色廊呀!!
布甸狗的蝸居可能已經是我屋企面積的3倍, 單單看他的衣帽間已經較我睡房大得多.
隔離還有接近80隻布甸狗公仔砌成的11呎高聖誕樹, 話時話, 如果每隻布甸狗的公仔也不同造型就更加正了。
在客廳還有布布大梳化, 其實當年我們也真的買個一個給小朋友坐的單位梳化給SY, 不過最終三日後又被打入冷宮是也.
當然還有廚房, 不過最神奇布布的睡房不是在同一層, 而是建設在下一層.
所以, 大家如果想望一望穿睡衣的布布, 便要走落一層了.
探訪完布布之家, 還可以免費玩電擊棒小遊戲, 挑戰將電擊棒穿過布甸狗造型電線, 不過, 勝出與否也沒有禮物的.
如果想獲得免費禮物, 只要下載商場手機App+讚好FB, 就可以即時得到非常鮮艷的布甸文件夾.
如果你在商場消費滿$3000+300會員積分, 就可以換布甸狗暖笠笠抱手枕, 好靚呀! 好想要...
消費滿$1500+300積分, 就可以換布甸狗手挽袋!!
今個聖誕, 我暫時覺得最開心的一個商場, 一定就是這個荃灣布布部屋啦~
「Pompompurin部屋聖誕派對」
日期: 2018年11月9日至2019年1月1日
地點: 荃灣廣場L1、L5及B1樓層
時間: 上午10時半 至 晚上10時
大仁生活facebook
沒有留言:
張貼留言