其實, 我只是對Bearbrick有興趣, 不過, 一邊睇啤啤, 一邊食好西, 我又絶不介意哦!
商場一期就正舉行一個德國傳統美食及精品攤檔, 其中有5款也是極高質素選擇添.
推介1: 黑啤糯米糍 $18
由雄哥主理, 每日親手打造的手工糯米糍, 起初我想:「E家仲賣芒果糯米糍?? Out 唔Out啲?」
誰知雄哥說:「我為咗E個市集研究咗4款特色糯米糍, 有草莓, 黑松露, 黑啤, 黑朱古力」
松露的味非常濃郁, 少少鹹配合糯米糍的甜, 雙重口感, 我對雄哥說:「嘩! 你個黑松露好正喎, 我食完5分鐘, D松露餘韻仲係度」
黑啤+麥啤又香又甘, 十粒粒啫喱狀啤, 好有質感, 我:「好嘢喎, 無好難入口D苦啤味, 一咬一清新, $18真係抵食」
推介2:黑松露龍蝦牛角酥 $30
其實, 這款松露並沒有糯米糍的濃, 不過配合一大片龍蝦肉, 還有曖笠笠牛角酥, 朋友叫我分一半給他, 對不起, 我一口想完全佔有.
上次葵芳掃街都有相同黑松露龍蝦酥, 份量及Size只是這裡的一半, 但售價就是$100/3件~ 好貴呀!
推介3: 黑啤雪山蛋糕 $32
原來, 這是半熟工房在市集的限定品, 負責人:「嗰忌廉雪山都係黑啤整, 上面個黑啤啫喱都好足料㗎
我反而覺得那個雪山的黑啤味道更濃郁, 相比糯米糍的黑啤味更出, 喜愛黑啤的朋友一定歡喜呀!(不過我唔飲酒)
推介4 : 夾糖 $20.5/100g
我本來以為是普通夾糖, 店員姐姐:「不如我請你食一粒, 你就知我哋唔係普通軟糖」
我:「嘩! 你哋D質地真係唔同出面街嗰D喎, 易咬又唔乸喉, 入面仲有餡添」
店員:「係呀! 我哋有果Jam啦, 有果肉啦, 香蕉真係有粒粒蕉肉呀!」(好食)
推介5: 即溶巴馬臣芝士煙肉意粉 $40
即場將把熱辣辣意粉混合大大個巴馬臣芝士上, 意粉掛滿芝士, 好好味, 不過一定要熱食, 今日夠溫定, 我吃得非常滿足。
除了食食食之外, 模仿德國小鎮的市集, 還有泰迪熊啤啤店, 上次已經有專家教過我, 「如果啤啤耳上的標籤是黃色就是普通版, 而白色就是限量版」
所以, 今次細細隻的柏靈頓熊也要$2038, 但大她8倍的大啤啤售價則只是$1999(仲要平$38) , 就是限量與普通熊的分別是也.
另外, 市集還有D.i.Y熊仔工作坊, 如果小朋友自己親手製作一隻泰迪熊, 可能將來也會成為她的最愛公仔之一.
商場二期, 還有一隻4米高國王泰迪熊與新天鵝堡展覽室, 當中在指定日子及時間, 便會有約10分鐘的雪飄下, 非常浪漫！
4 米大啤旁邊, 小小的泰迪熊珍藏展, 你會發現很多有興的啤啤....首先有1880 Steiff 原創人用來放針線的大笨象公仔....好可愛!!
又有為慶祝英女皇90歲大壽的熊(全球限量 1926 隻), 黑西裝,黑眼鏡,黑領帶的老佛爺(全球限量 2500 隻)
柏靈頓造型 (全球限量 1958 隻) ; 迪士尼系列小熊維尼造型 (全球限量 2000 隻), Duffy 達菲熊造型 (全球限量 2500 隻)
參照乾隆皇帝而設計的泰迪熊, 可能與家燕姐一樣準備黃袍登基(全球限量 650 隻)
展館除了有歷史義意的啤啤外, 更有由著名演唱會設計師Constance Lee, 她親手將將本來為容祖兒、陳慧琳及張敬軒設計的造型, 變為穿在啤啤身上.
如果不說明的話, 你又能否猜中那隻啤啤正在扮演那位歌手呢?
泰迪熊聖誕市集
日期：2018年月11月5日(星期一)至2019年1月1日(星期二)
時間：早上11時至晚上9時
地點：九龍灣德福廣場一期中央展場
Steiff泰迪熊展覽
時間：早上11時至晚上9時
地點：九龍灣德福廣場二期中庭
泰迪熊親子工作坊
日期: 2018年11月18日、24日及12月16日
時間:下午3時至下午4時
方法:Smart Telford 會員憑1,000 Smart$
大仁生活facebook
沒有留言:
張貼留言