【大紅燈籠高高掛】透明屏做Live一樣得 幻變玫瑰太美麗 @ 香港國際戶外及科技照明博覽
減廢、綠色、低碳、其實我也慢慢在學習中, 例如飲可樂盡量揀玻璃樽, 食快餐飲凍飲走飲管, 沖涼盡量減少開大花曬....
原來, 我只是每日在自己生活部份做小小, 但社會上有很多人為大家做了多不勝數的環保新產品. 今年是第三年參加"國際環保博覽", 每年也一邊玩一邊學到大量環保新知識, 真的很喜歡這個年度環保盛事.
近年身邊不少朋友也自備餐具, 匙羹叉筷子, 不過, 原來GreenBB 的Jayford 團隊已經研發了可用環保碟. Jayford:「你真係可以試吓食喎..」
試食我最愛...不過...環保碟味道原來又硬又無味, 我:「點解你唔做得好味D呢?」
Jayford:「無錯! 其實我哋成立了4個月, 舉行了6次市集及工作坊, 我哋就係教用不如自己做一D好食嘅碟囉, 所以, 我哋係工作坊教人做窩夫碟, 再教人做沙律菜, 咁就又食得健康又好味道囉」
食得的環保碟~正呀! 下次工作坊要預我一家三口都來參加!!
攤位編號 3-G26
鋁罐一直是可以有回收價的物料就人人知曉, 但將來連膠樽也可以回收啦...這簡直天大喜訊!!
這個回收機可以接收鋁罐, 玻璃樽, 膠樽的多項選擇.
之後便會在螢光幕中顯示回贈金額, 但如果與商場合作, 最終會不會是消費優惠便不得而知.
但如果我回收一個膠樽, 可以變成為再生物料, 起碼地球上少了一點千年才能分解的瘢物, 這也很不錯.
攤位編號 6-A12
隔音設備可能我比較少用, 但就正正是我朋友阿強非常有需要, 因為他的好鄰居每朝6時便會準備一日三餐, 鄰居最愛天天吃剁豬肉是也.
阿King研發用環保物料取代傳統可能對人有害的石棉作為隔音物料, King:「我哋價錢比較平, 最重要棉可能會脫落, 或者我哋有機會吸咗入身體, 影響我哋健康」
King :「一般隔音棉可以隔除0.8左右的音量, 我哋嘅物料可以做到0.8-0.9」隨即他便那出一個測音分貝儀出來.
真的放在隔音物料內外的分貝可以相差9度.
其實, 將物料直接放近耳邊, 也即是覺得「與世隔絶」....我要第一時間通知阿強先得!!
攤位編號 3-G29
雖然共享單車計劃不太成功, 但就有本地年青人計劃共享輪椅, 預計$20-$30 租用一個小時, 到時家中長輩也可以方方便便的在大型商場, 或指定地方行走了.
其實, 我覺得這個共享輪椅很不錯, 因為家中長輩, 經常說:「腳痛, 行唔到咁遠, 你哋自己去玩啦, 我唔去啦」
如果, 未來真的多點公營機構, 或商場可以引入此服務, 應該可以為香港不少家庭增加共聚天倫的機會.
攤位編號 3-G30
膠囊咖啡機聽得多, 膠囊疏果種植機就真的第一次接觸!
梁博士解釋:「我哋E部機可以通過App 顯示生長數據, 所以, 如果你朋友, 或者不同住的家人, 大家都可以提點對方, 或互相欣賞大家的收成, 因為需唔需要添水, 要唔要補充營養液, 個App都可以知道」
16款不同的膠囊, 即是16款不同的疏果, 每款的種植日數也不同, 但這台USD299的膠囊種植機就可以幫大家分門別類種好每一棵菜.
不過, 一個膠囊植物大約要一個月才生長完成, 即每一個月才有一日可以吃得飽, 其餘的日子...還是落下街市買吧!
攤位編號 3-H25
環保展還可即場或預先網上登記乘坐/駕駛電動車, 網址:(https://bit.ly/2DLzXde)
工作坊中最推介大家可以嘗試「升級紙銀包」, 星期日會有三場兩項工作坊, 另一個是「圖盤衣裂織」可能女生會比較合適吧, 老師說:「如果有時間可以不停織, 再向外發展就會變成一頂帽」
一如往年, 展覽最後一天是公眾開放日, 有綠色市集, 有環保工作坊, 有得玩有紀念品...各區都有免費穿梭巴士載你去機場亞洲博覽館, 來一個環保家庭日, 非常有意思.
國際環保展覽2018
日期:2018年10月25至28日
公眾日: 2018年10月28日 [SUN] (10:00 - 17:00)
地點: 香港國際機場 亞洲國際博覽館
https://goo.gl/PNZJzM
免費穿梭巴士乘坐時間及地點 銅鑼灣/金鐘/紅磡 /尖沙咀/東涌
https://goo.gl/xyLgpE
大仁生活facebook
沒有留言:
張貼留言