2018年10月17日 星期三

【不捨得您】小丸子作者紀念展 @ 櫻桃子老師,感謝您!

《櫻桃小丸子》我由小朋友時期開始睇, 到SY成長又不停追看J2的播放, 橫跨了兩代人的動漫,  所以當兩個月前, 得知作者櫻桃子老師離開了我們, 這殘酷的消息委實是晴天霹靂.


原來, 由即日起到10月30日, 銅鑼灣有紀念櫻桃子老師的活動, 今日公眾假期就一家三口去看一看陪伴我們成長, 帶給我們無限快樂的紀念展覽.


場內有一個向老師表逹心意的項目, 會場會免費限量派發櫻花形心意咭, 大家可以寫上心情之後掛上心意架上.


我:「SY你畫D乜嘢呀?」; SY:「唔似小丸子咩? 我想掛啦」全部心意咭會在活動完結後轉交老師的工作室. (希望工作室人員看到SY畫的怪人不會嚇一跳啦)


場內有從前老師工作的日常情景, SY:「原來小丸子大個咗係會變咗成姐姐㗎喎」;
我:「E個係老師, 唔係小丸子嚟」


《櫻桃小丸子》漫畫的第一冊, 及第二冊的巨型放大版就在場的一頭一尾, 阿太:「我都有原裝小丸子漫畫㗎, 不過無E兩期, 我好想買返呀」(之前又唔聽你講話想買嘅)


阿太向SY解釋大型四格漫畫的內容, 我:「你點解會識嘅??」; 阿太:「我都話我有E本漫畫啦, 你又唔信我...我當年有查過字典, 所以米識囉」


活動中更有櫻桃子老師的音樂專輯、專訪、個人簡介, 及其他作品介紹, 原來一霎眼又已經走過了30年的光景了.


會場有一個慈善義賣活動, 一隻由老師填詞的CD, 收益全變捐贈予奧比斯, CD入面7首歌就是由老師於一周內完成, 所以命名為One Week.


至於SY最投入的就是叫我陪他玩角色問答大賽, 我:「打理樹木嘅叫佐佐木老伯你又識 ; 無憂無慮嘅叫山田你又知, 點解你咁熟嘅」


SY:「MyTVSuper有得睇, 我成日都睇喎, 你唔睇就梗係唔識啦」(咁...真係要多謝MyTVSuper喎)



【櫻桃子老師,感謝您!】紀念活動
地址 銅鑼灣皇室堡地下中庭
日期 2018年 10月16日至31日
時間        1100-2200


大仁生活facebook

沒有留言:

張貼留言