2018年10月29日 星期一

【葵芳掃街】開足9日!免費派菠蘿仔+自備餐具送小食

去年與依莉第一次到葵芳運動瑒掃街, 十分好玩, 於是得知今個星期一連9日, 香港美食嘉年華又再來, 當然要再去玩去食啦!!


去年是首日去的, 今年則是第二天(星期日 13:30). , 嘩!! 人山人海的程度可能是去年的一倍呀! 非常熱鬧.

 

今次掃街的位置大街就是一條街半, (因為第二條街的另一半已經賣乾貨了), 二話不說, 我們便四出覓食是也.


天氣實在太熱, 我們先去買飲品, 依莉看中了一個大大大椰青$30. 我問店員:「得返E幾個咋?」


店員:「係呀! 要再等有貨運過嚟先再有得揀...」依莉急不及待便已付款選了其中一個椰青, 店員便為她遞上一個開殼鑽便說:「好, 你大力D啦」


原來, 自己椰青自己開, 依莉不停叫累不停鑽, 結果用了1分鐘才成功開出椰青...不過Raymond說:「酸酸地, 又好似有D怪味」(我都話蘿底椰青無得揀唔多可信, 可能等返貨之後, 仲要叫店員教我揀先安全)

大大大椰青$30

之後, SY見到雪糕便大叫:「我想飲E個」. 我問店員:「澳洲活比阿埠係咩嚟呀?」


她答:「是Root Beer 做底加雪糕, 無酒精, 小朋友都飲得」, 我試了一口:「哦! 即係無汽汽水加雪糕, 即係黑牛囉」


SY:「好得意, 好飲吖, D味道我又無飲過嘅, 不過有雪糕食就得啦」

澳洲活比阿埠$39 (送大啤酒杯)

全場最多人排隊的一個檔位, 就是賣泰國食品的一檔, 我們買了泰式撈河粉($35), 及牛奶豬肉腸($15)


我:「早知買湯河啦, 我以為係船河添」, 依莉:「我都唔知係好似粉絲, 索晒D汁囉, 不過好惹味, 幾辣, 仲有一塊豬潤, 唔會「鞋」幾好食喎」


我:「係呀! 我條牛奶豬肉腸都係辣嘅, 但一樣好入味, 可能泰國人鍾意辣同夠味.」

泰式撈河粉($35)
牛奶豬肉腸($15)


旁邊有賣韓國魚糕串的檔位, 我:「三串個樣唔同喎, 有咩分別呢?」, 店員:「差唔到, 不過原來E條就最彈牙」($15/串, $30/串) ~ 為了可掃其他食品, 我當然只買一串原味


SY:「好食喎! 」, 依莉:「比較出面街D丸仲彈牙, 仲好食喎」, 阿太:「係喎, 好有魚味, 唔錯」

韓式魚糕串 $15/串, $30/串


去年已經試過的黑橋牌腸, 今年再來ENCORE, 因為好像聽到在熱鍋上的腸在呼喚我.


我:「一定要先食花枝丸, 因為花枝丸味道較淡, 如果一嚟就先食黑橋牌腸, 咁粒花枝丸就無晒味」


阿太:「我哋買唔買D黑橋牌腸返屋企食?」; 我:「我哋都唔煮飯, 買D腸返去空口食咩? 係度食就算囉~」

黑橋牌腸 $12
花枝丸 $12

原來, 大會會在場免費派發泰國小菠蘿, 今日就派出70粒, 我們有幸排到尾6, 有得吃甜甜甜美小菠蘿!! Yeah!


餃子是SY的最愛, 但在場暫時發現比較乾淨的就只有素餃, 由冬菇, 蘿蔔, 椰菜作饀的煎素餃子($20/5)


又香又夠皮薄, 其實冬菇及蘿蔔切粒粒也可以扮作肉, 但吃入口內其實又真的好似欠缺了肉的回味...SY:「唔好吖, 都好好食喎」


依莉:「我就幾鍾意食佢哋個紫豆卷, (紫薯+青豆? 係甜定鹹呀?), 係紫菜+腐皮呀! 幾吸引D味道」


我們自備餐具, 所以素食店送了我們數塊齋片, 夠香夠咬口, 有酥炸的感覺, 似吃豬扒, 我說:「反而我覺得佢送畀我哋D齋條仲好食喎」

煎素餃子($20/5)
紫豆卷 $7/串; $12/2串

我本來想買一口和牛, 不過被店員推介說:「美國漢堡扒份量多D, 和牛就腍D...」


我忍不住買了大大份的美國漢堡扒, 店員說:「分開4份好D喎...」; 我:「分兩份就得...」結果...


依莉:「哎呀! 我個半入面係仲生生哋嘅, 你哋嗰邊就全熟喇」;


我:「咁我早知聽大廚講開4份啦, 因為我E半係熟, 但就煎得好似太耐, 好「鞋」, 好似我臉皮咁「鞋」」

美國漢堡扒 $50
一口和牛粒 $40

我想吃芒果糯米飯多時, 在場發現有剛才撈粉那泰國檔賣即叫即切芒果的糯米飯$40 , 又見另一檔有現成包好的選擇$20.



而我最後選了有雪糕的芒果雪糕糯米飯 $30 ; 我問店員:「你D芒果甜唔甜?」, 店員:「包你甜, 我哋芒果香港買唔到嘅」


略嫌芒果是預先切粒粒, 而份量又較$40的一檔為少, 但SY愛吃雪糕, 所以也沒有辦法 :)


依莉:「佢D芒果估計大約有一半個芒果份量, 係甜, 最特別就係有一球雪糕, 真係夠晒特別」


我:「係喎, 第一次食有雪糕嘅芒果糯米飯, 如果佢D芒果即場切, 又唔好切成粒粒, 我都覺得E個飯不錯」; SY:「一啖雪糕一啖煙煙韌韌飯先最好食呀! 爸爸」

芒果雪糕糯米飯 $30


就這樣又玩攤位遊戲, 又抽獎, 一行5人又過了一個充實的周日下午!!



第7屆香港美食嘉年華
地點:新界葵芳興芳路223號葵涌運動場(港鐵葵芳站C或D出口)
日期:10月27日至11月4日
開放時間:11:30-21:00(嘉年華於每天結束前30分鐘及最後一天結束前1小時停止售票及入場)
入場費用:$5 (身高1米或以下小童、65歲或以上長者及殘疾人士免費)


大仁生活facebook




沒有留言:

張貼留言