2018年10月22日 星期一

【回到3D老香港】獅子山下走入麗花皇宮會李小龍 @ 免費享受60'S好時光

最愛回味從前的仁叔叔, 一發現佐敦又有可以時光倒流70年, 回憶當年香港最動人時光, 第一時間便帶SY即時去玩.


正當我以為這是酒店的新活動, 阿太說:「唔係喎, 好似6年前佢新開已經有喇喎」, 原來, 從前只是懷舊主題, 今個月變身重開, 變為 懷舊‧電影‧3D老香港.


佐敦經常去, 但這間酒店的長樂街則只經過, 並未曾入內, 心想:「間酒店又會咁好死, 免費整個懷舊展出嚟畀我們任影」


當我還未想完之際, SY已經走到戲院大堂大叫:「我磅重, 我磅重...爸爸! 部機真係好似真嘅一樣」


其實, 這個電影大堂已經製作得非常3D, 肉眼可能不太覺, 但曾過手機立刻很突出. 現在戲院就只有賣熱狗, 爆谷...


從前, 小朋友跟媽媽看電影真的周圍觀眾又咬蔗, 又花生, 又粟米, 又魷魚, 又食煙...所以當年的戲院真的很有「味道」~哈哈


正式走入懷舊館, 首先就是「獅子山下」的公屋環境, 真的有一張碌架床, 我記得從前婆婆家真的一座連木枱的鐵衣車喎.


上隔床牆邊位置, 真的掛了三幅大相架, 入面放了十數張真的發黃舊照, 不過, 我沒有拍照, 這小小的斗室像真度奇高呢!


之後SY說:「爸爸我打字」, 我說:「E個好似係計數機, 定係收銀機呀? 都無A, B, C...話時話, 又會有咁大架計數機呢?」



說時遲那時快, SY又走了去玩一個木製工具不停問:「E個又係咩嚟呀?」


可惜, 我真的沒有看過這東西, 現在又沒有介紹, 我答:「不如我哋影咗之後問一問大家, 睇吓會唔會有人可以教到我哋啦」(我真係唔知係乜~ 汗!)


上海理髮店就在旁邊, SY指定要幫媽媽剪髮, 原來枱面上真的有模擬工具, 他說:「男女剪髮都係9蚊啫, 小姐請問要唔要剃鬚, 9毫子, 9毫子」


阿太:「我點會有鬍鬚呀?」


理髮店旁邊有另外兩間小店, 一間賣小食, 零食, SY說:「係米即係零食最強嘅懷舊版呀? (係囉..應該係) 點解個小朋友要載住個玻璃魚缶嘅?」


阿太望著隔離的鞋店說:「E個肯定係歲月神偷間鞋舖, 個小朋友就係羅進二啦, 真係好似睇返套戲咁...」(真係好似電影世界中的舊香港, 好有味道)


至於更有電影情懷的就一定是旁邊的麗花皇宮, SY己即時跳上台, 因為他是一個咪控, 不知為何他很喜歡拿著咪說話...(不停說, 不停講, 其實很煩)


我為了一想他再騷擾其他人, 我說:「不如你過對面打功夫啦」


SY:「佢係米李小龍嚟呀?」我:「係喎, 你又識, 仲要石堅叔畫得仲似就真」(打打踢踢跳跳就正正開正SY的所好)


真‧人力車也有一輛在現場, 其實這小小的活動空間絶對有著滿滿的歷史意義!! (百合汽水?? 真的聽也未聽過呢 !!)


小小的空間我也影了差不多3小時, 因為這裡的古董全部也可供接觸研究, 難得的連SY也找到有興趣的當年物去考古.


想不到酒店也有一個如此美好的地方給大家集體回懷一番.



至於我不停拍拍拍, SY不停玩玩玩之際, 阿太一樣忙於影她帶來的緣子, 其實她仲忙過我就真.



「木的地酒店 3D懷舊館」
地址: 香港九龍佐敦長樂街1號地下
時間:早上6時至11時
備注:訪客只需簡單登記即可免費參觀



大仁生活facebook

沒有留言:

張貼留言