2018年10月13日 星期六

【哈囉喂惡人3.0】Oogie Boogie Vs Jack 陪你玩轉迪士尼 @ Halloween

萬聖節又怎可以不去迪士尼呢?  我跟SY說:「Oogie Boogie肥嘟嘟好得意, 我好想快D入去迪士尼鬼屋見佢」


SY:「我好驚!! 鬼屋得人驚...」; 我:「迪士尼點會有驚嚇魔鬼, 你小擔心啦...今年個鬼屋係怪誕城電影...好童話好詭秘就有...你驚就攬實爸爸, 媽媽米得囉」


今年是《怪誕城之夜》上映25周年, 主角阿Jack與怪誕朋友不論日夜, 都會出現和我們玩遊戲啦!!


小鎮大街街頭有阿Jack 及 Sally 合照...阿太問我:「Sally係米Jack個老婆嚟呀??」(明愛暗戀補習社囉)


今年萬聖節嘩鬼小屋, 主題就是「怪誕城之旅」, 9大電影經典場景, 有鎮長, 有Sally, 有博士, 當然主角阿Jack 及大壞蛋Oogie Boogie亦會最終霸氣現身....




怪誕城粉絲一定超滿足, SY由驚到震騰騰都笑著重返人間就知今次的名場面如何吸引他, SY:「Oogie Boogie原來係壞蛋嚟, 爸爸都會鍾意??」(佢得意吖嘛)


重返人間後, 怪誕城前更好玩, 原來有數位清潔朋友正等著我們....


有幫你量度額頭大細的靚鬼, 有忙於打掃的Oppa鬼, 他們是從那裡走出來的呢?


阿太還走去和他爭剷, 有趣...有趣...不過我正在趕時間, 因為詭趣花園有小熊維尼及好朋友正在等我.


不過...點解小熊維尼沒有Halloween造型呢? 她好像是扮一個農夫多少少.


好彩我在花園多留一回, 原來巫師賈方 及 鐵鈎船長都會出來見面...


不過, 如果近鏡去睇賈方的鬍鬚, 可能有密集恐懼症的你或者也會毛骨悚然...驚驚!!


Trick-or-Treat, 念咒語就有糖果, 大人, 小朋友一樣可以無限任玩, 年年SY也不停走訪多個派糖位置「覓食」.


日間巡遊會於16:30開始, 如果小朋友穿上Holloween服飾, 更有機會被挑選與米奇、米妮與高飛齊齊跳南瓜舞.


當然大派對亦會有布魯托、鋼牙奇奇、大鼻帝帝、Duffy、‎Shellie May齊齊在你身邊走過.


巡遊後, 我們又與Duffy及新朋友Cookie大合照, 紫色新造型又幾搶眼喎.


入夜後的迪士尼好像更加吸引, 就連商店窗櫥的夜光Display~更加無敵~靚!!


來到晚上20:00就是全晚高潮位所在, 霸氣迪士尼惡人傾巢出巡...


今年的美國小鎮大街的牆壁上一樣也有大大小小不同的骷髏骨頭不停跳舞, 得意...


剛才由黑巫婆為首, 巫師賈方, 紅心皇后, 鐵鈎船長, 阿Jack 及大壞蛋Oogie Boogie又再率先帶領巡遊隊伍.


在我的前後左右的觀眾們也瘋狂的尖叫, 看得超投入...SY:「爸爸! 你最鍾意Oogie Boogie出嚟啦」(係米好得意呢?)


超巨大的海女巫烏蘇拉, 邪惡皇后...震撼出場...嘩!! 夜間巡遊真的較下午的搶眼得更精彩.


霎眼間又玩了大半日, 直晚上20:30, 我們又要回家, SY:「惡人拜拜啦!! 出年4.0先見啦」


阿太:「你又知出年係4.0?」; 我:「今年第三年係3.0, 出年點會無惡人喎」


16:30 米奇Halloween玩轉大街派對
20:00 迪士尼惡人大出巡3.0

香港迪士尼樂園Halloween Time 2018
日期:9月13日至10月31日
門票:成人HK $619;小童(3至11歲) HK $458



大仁生活facebook

沒有留言:

張貼留言